Biblia Todo Logo
Bib sou entènèt

- Piblisite -




IPISAMEI 4:25 - KARANU KABI SAMTAM

25 Teijangpiinii kasang kasu tei rat toi aisii, gonyiihangnii mpou mpoumah kitiinah napameigo ka- sang tei tamlo. Kadapokii nyiihang ai Kristamah pum kito kaswisii kaleimei hangle.

Gade chapit la Kopi




IPISAMEI 4:25
42 Referans Kwoze  

Hangninanii hangninii dakii chui- sulo, kadapokii gonyiinii mei kaham gotei, ahmah jairali hangtei njasii poitoi aitakle.


teitakumpii nyii ai mei amoikado nyiihang Krista dato apum hangniniile, sateichii apum mah njai hangteinii apum kikii poi kamathok kabam takumpii nyiihangdo hang- ninanii hangninii dakii poi kamathok bamtakle.


Nlenii lungkasyii kito kasangtei tamsii, aphyii kasat tiisii kalei, Krista dato nyiinii, mahlyii hang kito lungkhii tang karamle.


Nlenii raikaga, kamalum kaga, ngoukasaba ngam katiimei, meigo kagimei, sapwimei sapfiimei kashyii kahong tha katiimei, ashoi kapoimei, tingtu param hang go kamatamei, ninado kachuimei hang jangpiinii, hangna kashang tiisii katai, mi ninado sulphur piinii shong kalei jailung tei tangle.”


chuisang chuilei kasu Saraanii pyiitanglesii ndouto riishii tiikabam kalui kaga karing tei doutanglesii maning kamalum kito,


ai ai kachuimei mah kabijai tiikanyii kito patle, sateichii ahnyiinii ahnyiimah kasang kama- jyii tikabui lungswi kikii miru kama- gang sagyiipii rusii kaleimei teile;


Nlenii chyiihang, ashoi kapoi- meihang, sapwimei sapfiimei kashyii kahong tha katiimeihang sateichii meigo kagi meihang, sateichii tingtu paramgo kamatamei hang ninado kashyiigo kamarei, kashyii tha katiimei hangtei sabato leile.


Kashyii kahong tha katiimei, mei tiikasu kashyii tha katiimei, meipwi mei- nahgo karagamei, chuisii kasang kasu sakchyii kapyiimei mak-kii kasang kabi ralikapyii kito mazhii kasu tha katiimei jangpii ajaiting- shang ai tiibamle, katu ai mangailak tang karamle.


Kadapokii Inii gonyii mah kaang kito detkadi samtei mpou dakii tam leponii, Inii ka-nrou tei doumakle, nlenii nyiinii gonyii dakii katam hangtei kasang katu takumpiinii, Taitas doito nyiimah detkadi teido kasangle katu tei doutakle.


Ahnyii roinapii ahnyii kak kito mei hangninii, ahnyiimah doisam katam mei hangninanii tamle, “Kretmeinii tinglang kaleita kachuimei, kashyii kahong, saram- kow sateichii mahat kashyii, apok kadimeile.”


Kadapokii nyii moikado, tiirok hangninii, pum hangniniile, kadapokii nyii hangnii tiirok hangniniimah njai tei dou njoile.


Gonyii ai gonyii pfii seitan dateitole, sateichii gonyii pfii mah kamarei ka-ntha hang tiitang karam tei gonyii mah kamaning kamazhii teile. Ahnii nu saroisekto meigo kagi kabaameile sateichii kasang gotei kaswisii tha tiitang karam samah kado gale; dapochiinii ahda kasang tei gasang gale. Ahnii kachui sam katam kak nunuto kalei ahmah jai taiswisii malhiile, kadapokii ahnii kachuipiile ninado teimah pfii teile.


Kadaponii nyii ai mpou pum mah njai nsang nsang teile.


Teipiinii gonyiinii lungsii lei kalei tei tiilungtei gonyiigo lung matusii kalei kama kikii tiikakai mpoumah kamarei ka-ntha hangteipii tiimaga kalei, gonyiimah mei kaham tei rat toi ailo.


Kiikha, hungsii rakarhii, raikapat, saa nrung katu, sateichii kalet kalou katii, meigo kangourou katu hang ai gonyii dato poitoi maleilo.


Nlenii aitoinii rakarhii, raikapat, kamaimhii kalet kalou katii sateichii gonyiimwi kito tamjyii kasu katam kamalhii hang ai matou ailo.


Teijangpii nyiigo sakchyiimah mongjyii kadi hangninii teinii nyiigo bang magui kabam taiswisii, nyiinii kamaswi ninado nyiigo jum kalei kem hangtei nyiinii matou aide.


Teijang- piinii katham karaam ninado kaikashyii jairali hangtei rat toi aisii, gonyii rangiigo keipyii kabui lingkai kabam samkang tei lung kamanoi tei njasii lukai wolo.


Teijangpii kachui, kabijai katii, meigo kamaimhii, kalet kalou katii lat, sateichii kashyii kahong kiteito gonyii roinapii gonyii mpaa wosii,


Swiv nou:

Piblisite


Piblisite