IPISAMEI 4:18 - KARANU KABI SAMTAM

¹⁸ ahnyii teinii ahnyiimah swi kati kiteito tii m-myii aitakle. Ahnyii lung katei jangpii, ahnyiimah lungswi tei myiigongsii ahnyii Saraamah rangii dato sapum- nah mitutakle.

IPISAMEI 4:18 Referans Kwoze

METIU 13:15

Kadapokii ahnyiinii mikpii kangou, khoipii kashii, ahnyii lungpii kati, nrek nlai kagong, sateichii Inii ahnyiigo tii-mbi katu tei mazhiilak tang karam jangpii mei aimei mah lung tei tiimahat aitakle; ahnyii khoi makat wotakle sateichii ahnyii mik tei mikchyii wotakle.’

IPISAMEI 2:12

tei tinglangki Krista dato dhiisii, Isrelmeimah sazyiinah doito sapumnah tiisii sa- teichii pyiitanglesii riishii tiikabam sat tang karam samtam hang kito gonyiinii luikakimei tiisii, maning kamalum kaga ninado sazyii pou- ryiito Saraa haikasumei tiisii leile.

JONNII KARYII KABI RASAM JUKAMATI 12:40

“Ahnyiinii mik ngou matulak tang karam jangpii ninado ahnyii mah lungswi teinii timatulak tang karam jangpii ninado ahnyiinii guda nlaigongsii, Inii ahnyiigo rakani tei tii mbipyii matulak tang karam jangpii, Saraanii ahnyii mik tiimachet aitakle, sateichii ahnyii mah lungswi tei tiimatai aitakle.”

1 THESOLONIKAMEI 4:5

gonyii meihangnii mpou mpou nougo kamatei ninado dzyii ka-nrou kito lungti tang karamle.

JEMS 4:4

Gonyii sapwimei sapfiimei kashyii kahong tha katiimei! Sazyii pouryiigo kanghe katii ai Saraago ngou karoumeile katu gonyiinii timakde? Teijangpii kata kangkanii sazyii pouryiigo kanghe tiikanyiimei teinii ah roinapiinii ahgo Saraamah angouroumei tiisii leile.

2 KORENMEI 4:4

Ahnyiinii malum makle, dapokii sazyii pouryii mah sara kashyii teinii ahnyii lungswi tei kamyii kikii kai aitakle. Saraamah njoi karei takum sek katu Kristamah pumtei kavamah kaang kabi rasam kito kagong, ahnyii phyiiryiito vakalei kava tei mpounii ahnyiigo mangou sutakle.

KOLOSIMEI 1:21

Gonyiiniikashyii katii ninado kamaning jangpii tinglang hang- niniiki gonyiinii Saraa dato dhiisii mpoumah ngou karoumei tiisii leile.

1 JON 2:11

Nlenii sanapiigo ngourousii kalei ahteinii kamyii kito leile sateichii ahnii kamyii kito tatsii, ah kadaki tat leipo katu timakle, dapochiinii kamyii teinii ahmah mik tei tiimachet aitakle.

GALATIMEI 4:8

Gonyiinii Saraago tisupiinii kalei karei tinglangki, nunuto sara kasuhang go gonyiinii maningsii leile.

ROMMEI 11:25

Kangsanamei, gonyiinii gonyii roinapii kasakaipii lesii maning matu lak tang karam jangpii kamakum sam ai Inii gonyiigo timatu nyiile. Katunii, luikakimei kalei kaga hangnii Saraada gongliit kasuta lungkatei ai Isrelmei pyiiryii gongtakle.

ROMMEI 1:28

Kadaponii ahnyiinii Saraa mah kasang swikati tei lung kikii kaibam kasu jangpii Saraanii swilat kashyii kahong kikii sateichii ajai tingshang kashyii kikii kai aitakle.

TIILAMLWI KAPYIIMEI THA JUKAMATI 17:30

Teijangpii tikasu tinglang gotei Saraanii ju majupyii takle, nlenii aitoinii bamlyii hang kito meihangnii lung kali matutang karam jangpii mpounii mwija pyii leile.

1 KORENMEI 1:21

Kadaponii Saraanii mpoumah swirek kabi kito, sazyii pouryiimeinii ahnyiimah swirek kabi teiroinapii mpougo timatu sutakle. Nlenii nyiinii tam ralikapyii kapang kamang mah samtam teipii malum kalumei hang go keipyii tangle katupii Saraanii satto takle.

ROMMEI 2:19

Sateichii ajai ting- shang kito swikati sateichii kasang mah ajai tei nangnii dou wosii mik kachet meigo kasangpii chyiikatat- mei hangninii leponii kamyii kito kaleimei jangpii kava hangniniile leponii,

MARK 3:5

Sateichii mpounii ahnyiigo ra-karhii tei njasii ju magui sanii, ahnyii lung katei jangpii swi kamagesii mpou dakii tamle, “Gobah ntaapatlo,” teito mpounii bah ntaa pat takle, ninado mpou-bah tei bitakle, tchii kasulam takum takle.

2 KORENMEI 3:14

Ahnyiimah lungswi tei gomnei aitakle, sateichii sat tang karam karei samtam mah larekbung tei ahnyiinii fiitang karam kito njoi katu ju kasong peira teipii ahnyiimah lungswi tei tingnei katangpii gomnei wotakle. Ju kasongmah peira teinii mei hang- ninanii Krista dakii roinii nja kaleitainii poitoi wobuile.

TIILAMLWI KAPYIIMEI THA JUKAMATI 3:17

“Sateichii aitoinii, he kang- sanamei; gonyii phyiiryiito apum tiisii kalei meinii tiikalei takumpii, gonyiiniido teitei tisupiinii tii aitakle katu Inii tile.

ROMMEI 11:7

Teitii leponii kadapeipo? Isrel- meinii fiikalei tei dousutakle; nlenii kalai kalumei hangteinii teitei doutakle, nlenii masak kalei mei teinii lung teitakle;

1 KORENMEI 2:8

Swirek kabi ai sazyii pouryiimei mah apum katiimei hangninii kaniido timakle; kadapokii ahnyiinii teitei tileponii ahnyiinii pumtei kavamah Bangpiigo krosh gamkii gilakle.

IPISAMEI 2:1

Gonyii mah kama ninado kem hang jangpii gonyiinii tai kalei kito mpounii gonyiigo tiimaringpyii takle.

HEBRUMEI 5:2

Mpou godo kasui teinii bang maguisii kalei taiswisii tikasu ngoukasumei ninado tiikama meigo lung manoisii mpounii kaswiwo buile;

HEBRUMEI 9:7

Nlenii dwipei ki mah alungpii shang teinii kanat kajum tingdipii roinii liit leile, sateichii mpoudo tingkumkii kito liit binii roinii liit leile. Mpounii mpou jangpii ninado meihangmah kem jangpii Saraago pyiitoi tang karam zai tei poisupiinii liitmakle;

1 PITAR 1:14

Katam kaswi nahmei takumpii, gonyiinii tikasu tinglang kareiki pumzai mah kamaning ka- marei hangtei fiiloi supii,