IPISAMEI 4:14 - KARANU KABI SAMTAM

¹⁴ Teitii leponii nyiinii meinahnii poi ka-mpat chem katham kathampii meigo kama kikii tiikai tang karam jangpii ralikapyii dwi n-nok kapat sateichii tingkainii lulam lulamkii gwipungsii katat nahmei takumloi lakle.

IPISAMEI 4:14 Referans Kwoze

HEBRUMEI 13:9

Kataam ninado katwum katwum ralikapyii hang teipiinii gonyiigo kasang pwidi kiteito chyiisii tat matu sulo; chiitak mah ajaitingshang go swikatu teisupiinii, Saraamah jumage kapyii kiteito alungmah teimaham doukatu ai bile, Aihang aigo swikalumei hang gotei tei teipiinii kabi tei pyiimakle.

1 KORENMEI 14:20

Kangsanamei, swi kamaning kito nahmei takum supii, kashyii kito nahmei takumpii leilo. Nlenii swi kamaning kito katingmei takumlo.

1 JON 4:1

Lungkasyiimei, rangii hang go malum sulo, nlenii rangii hangtei Saraa datopo katu ai ajaijulo; kada- pokii kasang kasu lungkakalingmei hangkii sazyii pouryii lung tatpat takle.

2 KORENMEI 2:17

Kadapokii nyiinii mei kaki kakimeinii Saraamah kabi rasam gotei mai kamala pot takum- piinii jum kalei takum makle; nlenii Saraanii nyiigo langkai kapyii jangpii, Kristamah ki kaleimei nsang nsang tiisii mpou doito lung kamatei teipii nyiinii tamle.

JEMS 1:6

Nlenii ahnii maning kariirhii tei gasii kamalum kito khang matulo. Dapokii maning kariirhiimei hangteinii tingkainii gwipungsii katat ninado gwipat gwiliitsii kalei dwijaimah nloi kalei dwi n-now tei takumle.

IPISAMEI 6:11

Seitanmah achoi aru kashyii hang kiteito gonyiinii satto kabui jangpii, Saraamah saryiinat hangtei kai wolo.

METIU 24:24

Kadapokii kasang kasu Krista ninado kasang kasu Lungkakalingmei gong tangle; satei- chii mazhii leponii Saraanii kalai kalumeigo katangdo hemsii kama pwidi kikii chyiitat tang karam jangpii mei tiikalak tiikamangou siiti kadi hang sateichii sung kaga hang tiimangou tangle.

2 TIMOTHI 4:3

kadaponii kabi ralikapyii gotei meinahnii shii kalak tinglang gongtangle, nlenii ahnyii pumzai mah kamarei ka-nta hang teitei switangle sateichii ahnyiinii shiinyiisii khoi mataksii kalei sam tei ahnyiigo tampyii tang karam ma- dhiikapyiimei gotei ahnyiinii ahnyii jangpii kisii kisii poi nkomtu tangle.

JUD DATO KAGONG CHITI JUKAMATI 1:12

Aihang ainii gonyiimah lungkasyii takbai hang kito gonyiigo kaswisii chii njoi sak njoi kalei kamakum kuitu kadile, kahing gasii ahnyii roinapii ahnyiigo makot kalei meile, tingkainii gwi- pungsii katat dwi haikasu mongram takumle, ti mati kasu ruibang, tainakii taikalei, maa pai mpat kalei, sateidou mah ruibang takumle.

MATIMANGOU KAPYII 19:20

Saram- kownah ninado ah doito siiti hang tiimangou sanii saramkownah mah siiti doukalumeigo ninado teimah tingtu paramgo mata katumeihang go kasang kasu teipii chuisii hem kalu, ahgo kaswi kalei kasang kasu lungkakalingmei gotei jum wotakle. Ai hangna aigo sulphur piinii song- kalei mimah jailungkii maringpii toikai aitakle.

GALATIMEI 3:1

Oh kapang Galatimei gonyii doi- sekto Jisu Kristago krosh gamkii dhangsii gikalei tei mateitengsii mangoupyii takle; Gonyiigo tanii riikuhii pyiibam takpo?

METIU 24:11

Sateichii ka- sang kasu Lungkakalingmei patsii mei hangka go chyiitatma tangle.

1 JON 2:26

Gonyiigo chuisii hemtang karam jangpii tiisii kaleimei mah kaang kito Inii gonyii dakii samhang ai ryiile.

2 TIMOTHI 3:13

Sateichii kashyii kahongmei sateichii ashoi katimei ahnyii roinapii ahnyiigo kasang kasu choisii hem wosii mei kakimeigo kasang kasu teipii choisii hemsii kashyii kiteito kisii kashyii kitei tatsii leitangle.

2 KORENMEI 4:2

Kamakum ninado ka- nrou kasangam tha hangtei nyiinii tiiloi sutakle; meigo satui sadzyii katii kachui tha tei nyiinii tiimakle sateichii Saraamah samtam gotei tamtaisii tam makle. Nlenii kasang- mah kava kito nyiinii Saraa doito lungsii kabi kashyii tikabui meihang- mah lungswi kikii nyiinii nyii roinapii tam matoi matule.

METIU 11:7

Jon boumei teinii tat-tu sek-kii, Jisunii Jon mah kaang kito meimoi dateikii tamtu takle: “Gonyiinii mahpwizyiiki tat kapat kak tei, gonyiinii kadapei julesii maapo? Tingkainii gwi nlai kalei ting hiinhii gopo?

1 KORENMEI 12:2

Gonyiinii malum kasu tinglang kak teinii, gonyii aigo lat kaga tingtuda mpaasii chyiitat tutakle katu tei gonyiinii tile.

TIILAMLWI KAPYIIMEI THA JUKAMATI 23:21

Teijangpii nang ahnyii samtei swisei sulo, kadapokii ahnyii kak kito sapfiimei rekdai sung kaki mei ndwi hangninanii mpougo girang kasuta mahdo chiilakle, sakdo sak lakle sii ahnyii roinapiinii makumpii riishii tiiwosii mpougo shoisii leitakle; sateichii aitoinii ahnyiinii da tiisang wotakle.”

1 JON 2:19

Ahnyiinii nyii dato tatpat takle, nlenii ahnyiinii nyiimah makle, dapokii ahnyii ai nyiimah leponii, ahnyiinii nyiigo kaswisii lungjousii leitangle, nlenii ahnyii hang ai nyiimah makle katu mangou tang karam jangpii tatpat takle.

2 PITAR 2:18

Kadapokii swikaga kapang det kadi sam tamsii, kama kito lungsii kaleimei hang dato nlek wosii lungpat haosii kaleimeigo pumzaimah kamarei ka-ntha hang- teipiinii hemle.

JEMS 3:4

Malyii garyii hang gotei julo, ahnyii tei hangkapii dikado, sateichii tingkai katei teinii gwitatsii leikado, teizii- kapii chengkalei malyii kakaryii-nak teipiinii, kakaryiipiinii, gong matu kanyiini hangki teikii gong matu wobuile.

1 TIMOTHI 3:6

Mpounii tang ghang katii teipii sagoikhii sii (seitan mah samtak kitei liit kasu tiisii) seitan go takumpii tam mashyii matu kasu tiisii, ah ai kamalum kito sangting kaleimei tang karamle;

2 TIMOTHI 1:15

Pugelao ninado Hormogenis haisii, Asia kito kaleimei hangnii gudato tat nrek poitu takle katu tei nangnii tile.

1 KORENMEI 3:19

Kadapokii sazyii aimah swirek kabi teinii Saraa doito kamangle. Kadapokii aitiisii ryii- bamle: “Kasakai meigo ahnyii mah kasakai kito Saraanii maaile.”