IPISAMEI 4:12 - KARANU KABI SAMTAM

¹² Kristamah pumtei tiimakhii kabui tiisii, Saraamah meihang teinii Kristenmei mah nga kanga tha tiitang karam jangpii tiikada matu tang karam jangpii, mpounii ai ai tiile.

IPISAMEI 4:12 Referans Kwoze

IPISAMEI 4:16

Mpou kangto pum- potmah njai katham katham hang ai poi kadoubamle sateichii pumpot matum ai pyiisii kalei shang shang hangteipii jum kajabamle. Teipiinii pumpot mah njai katham katham nsang teinii tiigatpii tha katii tinglang kak pumpot matum madum ai lungkasyii paikito dikhiile sateichii tiimakhiile.

1 KORENMEI 12:27

Aitoinii gonyiinii Kristamah pum teile sateichii gonyiihang teimah njai nsang nsang tei takle.

ROMMEI 15:14

Kangsanamei, kabipiinii gonyii dato tokryiisii leile, swirek kati hang doutakle sateichii hangninanii hang- niniigo tampyii ralipyii buile katu tei Iniido gonyii kaang kito malum takle.

1 KORENMEI 14:26

Teitiileponii kangsanamei, tei- tei kadapeipo? Saraago mata tang karam jangpii gonyiinii gong ndwi katu kak, meihangni hangninanii Saraa kamaning lhii kado, mati mangou kapyii kado sam katam kado, tam kalei gotei kadat mpat katu kado, mahlyiihang tei Charshgo tiiha matu tang karam jangpii tiimatulo.

ROMMEI 14:19

Teijangpiinii tiikamajung satei- chii hangninanii hangniniigo tiimadi tiimathang tang karam tha taitei swisii tatde.

1 TIMOTHI 1:12

N-gu tiisangting kapyii nyii Bangpii Krista Jisugo Inii halangle, dapokii nga ngamatu tang karam jangpii mpounii n-gu kalaipyiisii malum kabuimei hangninii tiipyii takle.

1 KORENMEI 14:12

Gonyii- nii rangiimah luha hangtei doutang karam jangpii lungnhiisii kalei taiswisii, mahlyiihang phyiiryiito Charshgo tiikamakhii mah tei kisii gonyiinii fiilo.

HEBRUMEI 13:17

Gonyiimah doimajang katatmei sam swilo, sateichii ahnyii kang nkanglo, kadapokii gonyiinii tha tiikabam mah azhii mashak kabam tei ahnyiinii Saraa dakii pyiitang karam taiswisii, ahnyiinii ntasupii gonyiimah rakot hang go jupyiisii leile. Ahnyiinii katam tei gonyiinii swileponii, ahnyiinii ahnyii tha tei nta ntasii tiitangle, teisu dinchii ahnyiinii lung magesii tiitangle, sateichii tei teinii gonyii jangpii kabi tei gatangle.

HEBRUMEI 6:1

Kaang aijangpii Krista mah karei roukatiimah samtam tei toi aisii, nyiinii mishang kaleilam teikii tatjou tude, katai tha kito lung kakali mah sateichii Saraa dakii kamalum mah,

2 KORENMEI 6:3

Nyiimah tha kito kama tei mei kata hangninii kaniido doumatulak tang karam jangpii, mei kata hang- niniimah pwidi kikiido doikadang tei nyiinii kaimakle.

2 KORENMEI 5:18

Saraanii aihang ai nyii jangpii tiipyii takle, sateichii Kristanii nyii jangpii ai ai tiikapyii jangpiinii ngou karou saryiimei tiisii kalei kito Saraanii nyiigo nlailoisii mpou kangmei katii kikii tiikalipyii takle. Aitoinii mei kakimei hang godo mpou kangmei tiimatu tang karam jangpii tiitang karam tha tei nyiigo pyiitakle.

LUKNII KARYII KABI RASAM JUKAMATI 22:32

Nlenii gomah kamalum tei gakasu jangpiinii Inii gojangpii riitale, sateichii nangnii golung kaliwo takle sekchii, gosanameigo tiisangting pyiilo.”

2 TIMOTHI 4:5

Nlenii nangnii mahlyiihang kito lung nlaisupii sangtingsii satlo, kamage kalak tei lehlo, kabi rasam tam rali kapyiimei tha tei tiilo, sateichii neikii neikii tiikamajyii gotha hangtei nangnii Saraa nga kangamei hangninii tiisii tiilo.

KOLOSIMEI 4:17

Sateichii “Abangpiimah tha kito nangnii doukalu tei tiimashang ailo” sii Arkipasgo tampyiilo.

KOLOSIMEI 1:28

Teipii nyiinii meihang dakii Krista tam ralipyiile, Kristago hangninii tiisii nja kalu kito, mei hang go nyiinii tiimatui mashang kalu mei nsang nsang tiisii Saraa doi poigong tang karam jangpii, swirek kabi hangteipii ahnyiigo tiiloi sulosii nyiinii kakhatle sateichii ralipyiile.

KOLOSIMEI 1:24

Aitoinii gonyii jangpii Inii kamage kalak leh kalei kaang kito Inii ntale, kadapokii gupum guzai kito Inii kamage kalak leh kalei aipiinii Kristamah pum, katunii charsh tung tiisii Kristamah kamage kalak tangkasu hangtei tiimashang matu tang karam jangpii Inii tiiha leile.

IPISAMEI 1:23

Charsh hang ai Kristamah pumrong teile, bamlyii hang kito mpou roinapii mahlyii hang tiimashangsii kalei teile.

2 KORENMEI 12:19

Nyiinii nyii roinapii nyiigo gonyii doito danglei lesii gonyiinii maningsii leipo? Teimakle! Saraa doito Kristanii nyiigo tam matu tang karam takumpii nyiinii tam leile. Sateichii lungkasyiimei hang, nyiinii tiikalei hangtei gonyiinii tiimakhiiha tang karam jangpii tiibam takle.

2 KORENMEI 7:1

Lungkasyii gukanghemei, riishii aihang ai nyii dakii pyii kabam taiswisii, nyiinii nyii roinapii nyii pum ninado nyii rangiigo tiihangsii kalei matum madum kito tiimatei aisii, Saraago dzyiirousii kahing kito nyii mah kamatei tei mashang matwileje.

2 KORENMEI 4:1

Saraanii mpoumah lungsyii kapyii kito aitha ai tiilosii nyii dakii pyiitakle, teijangpii nyiinii lung taimakle.

2 KORENMEI 3:8

Rangiimah pumtei kava teinii teidoito kadaziikapii dikisii gong tangpo?

1 KORENMEI 14:14

Kadapokii lat katham hangninii kito Inii riita leponii, gu rangiinii riita leile, nlenii gulungswi kitonii ti mati makle.

ROMMEI 15:29

Sateichii Inii gonyiida kagong tinglang kitei Krista mah katokryii satoi tei kaswisii Inii gongtangle katu tei tile.

ROMMEI 15:2

Nyiimei hangnii mpouki tiinameigo, ahnyii bitang karam sateichii ahnyiimah kamalum tei tiimakhii tang karam jangpii dzyiibi tiimatulo.

ROMMEI 12:7

anga kanga mah leponii, nyiinii ngatang karamle; meigo karali mah leponii, nyiinii rali tang karamle;

TIILAMLWI KAPYIIMEI THA JUKAMATI 20:28

Mpounah mah zai sekpiinii lyii kalu Saraamah Charsh go kamakot, gonyii roinapii ninado Jaokoi hang kiteito machyii wolo; rangii kamateinii gonyiigo jaokoi teimah kakoimei tiipyii takle.

TIILAMLWI KAPYIIMEI THA JUKAMATI 20:24

Nlenii gumah tii- kamajyii ninado Saraa mah kalung- set mah kabi rasam mah sakchyii pyiitang karam jangpii, Bangpii Jisu dato Inii doukalu atha tei Inii tiimashang tang karam jangpii, Inii gumah tiilung ai amai bamlesii, ninado gudato maiteenglesii maning makle.

TIILAMLWI KAPYIIMEI THA JUKAMATI 11:23

Mpounii gongsii Saraa mah ka- lungset tei ngou wosii ntale, sateichii ahnyiihang go lung sangtingsii Bangpii dato taksupii bam matutang karam mpounii tam katwipyiile.

TIILAMLWI KAPYIIMEI THA JUKAMATI 9:31

Teitinglang kak Judiya, Galili ninado Samariya hangki rangii kamatei paito charsh hang go tiimakhii pyiisanii kamajung tei dou wole; sateichii Bangpii go sadzyii ngariit katii kito ninado rangii kamatei mah jumage kapyii kito meilui moibuibui pat tutakle.

TIILAMLWI KAPYIIMEI THA JUKAMATI 1:25

Mpoubam toutang karam ai mei hangna kak ki aito tapiigo nangnii kalaipyii bampo katu tei mati pyiilo.

TIILAMLWI KAPYIIMEI THA JUKAMATI 1:17

Judas tei nyii bemei hangniniile, kadaponii mpougo kalai wotakle aitha katii kito njai poihai matu tang karam jangpii.”

2 TIMOTHI 4:11

Luk roinii n-gu kaswisii leitakle. Mark go fiisii n-go kaswisii mpougo pang gonglo; daponii tha katii kito mpou ai n-gu tiiha wobuile.

IPISAMEI 4:29

Gonyiinii gonyiimah mwi kito sam kashyii hangninii kado pat matu sulo, nlenii tiikamakhii ninado tinglang teinii kadapei mareipo katu tiiha tang karam kabi sam tei roinii tamlo, kadapokii nangnii katam teipii n-go shiisii kaleimeigo kabi tei tiimatu tang karam jangpii.

IPISAMEI 4:4

Saraanii gonyiigo lat kalu kitei maning kamalum hang- ninii kiteikii lat kalu takumpii teiki tei pumpot hangninii sateichii rangii hangninii,

2 KORENMEI 13:9

Kadapokii nyiinii suisii kalei tinglang ki sateichii gonyiinii teisii kalei tinglangki, nyiinii ntale, nyiinii riita kalei teinii gonyii mah bibwi tang karam jangpiile.

1 KORENMEI 12:7

Meihang mah bitang karam jangpii rangiimah ai mei nsang nsang dato mangoupyii bam takle.

ROMMEI 12:5

teitakumpii nyii ai mei amoikado nyiihang Krista dato apum hangniniile, sateichii apum mah njai hangteinii apum kikii poi kamathok kabam takumpii nyiihangdo hang- ninanii hangninii dakii poi kamathok bamtakle.

2 KORENMEI 13:11

Sateichii aitoinii gukangsanamei, bisii bamlo! Bimatui bimasang kabui tiilo! Inii khangkalei hangtei shiilo; hangninanii hangniniigo kaning bisii, majung makungsii lunglo; teitii leponii, lungkasyii ninado kamajung kamakung mah Saraa teinii gonyiigo kaswipyii tangle.