IPISAMEI 4:11 - KARANU KABI SAMTAM

¹¹ Sateichii mpounii mei kangkago tiilamlwi kapyiimei, kangkago lungkakalingmei, kangka- go kabi rasam katam mei, kangkago jao kakoimei, sateichii ralikapyiimei tiimatu tang karam jangpii mpoumah luha hangtei pyiitakle.

IPISAMEI 4:11 Referans Kwoze

IPISAMEI 2:20

Krista Jisunii ki kaa roukatii kuitu tiisii, tiilamlwi kapyiimei hangmah ninado sampao kapungmei mah bangmaa phyiiryiikii gonyii godo tiimakhiibam takle.

2 TIMOTHI 4:5

Nlenii nangnii mahlyiihang kito lung nlaisupii sangtingsii satlo, kamage kalak tei lehlo, kabi rasam tam rali kapyiimei tha tei tiilo, sateichii neikii neikii tiikamajyii gotha hangtei nangnii Saraa nga kangamei hangninii tiisii tiilo.

METIU 28:20

Inii gonyii dakii pyii kabam kakhatsam hangtei switang karam jangpii ahnyiigo ralipyiilo, sateichii julo, sazyii pouryii nlai katang tei Inii gonyiigo taksupii kaswi leile.”

TIILAMLWI KAPYIIMEI THA JUKAMATI 20:28

Mpounah mah zai sekpiinii lyii kalu Saraamah Charsh go kamakot, gonyii roinapii ninado Jaokoi hang kiteito machyii wolo; rangii kamateinii gonyiigo jaokoi teimah kakoimei tiipyii takle.

IPISAMEI 4:8

Teijangpii mpounii aitiisii tamle, “Mpounii kasagoi gam khii katu kak, maringpouchyiimei hangkago mpounii mpougo kaswisii pangsii tutakle. Sateichii meinah dakii mpounii luha tei pyiitakle.”

IPISAMEI 3:5

Karei tinglang kinii aimah kama- kum ai meinah dakii tam makle, nlenii aitoinii teitei Saraanii rangii teipii mpoumah tiilamlwi kapyii kamateimei ninado doisam katam meihang dakii mati mangoupyii takle.

ROMMEI 12:7

anga kanga mah leponii, nyiinii ngatang karamle; meigo karali mah leponii, nyiinii rali tang karamle;

HEBRUMEI 5:12

Ka- dapokii tinglang taiswisii gonyiinii madhiikapyiimei tiitu kajyii kito, mei kata hangninanii gonyiigo Saraa samtam mah karei roukatii hang tei nlailoisii ralikapyii tei gonyii jangpii bitang takle; sateichii gonyiinii chiitak katei chiitang karam sungnii ranadwi sak tang karam takle.

MATIMANGOU KAPYII 18:20

Hesating gam, kamateimei, tiilamlwi kapyiimei ninado lungka- kalingmei hang mpoupeigo tiimaga kalei jangpii ntalo! Kadapokii Sa- raanii mpoupei phyiiryiikii gonyiimah samtak tei tiipyii takle!

TIILAMLWI KAPYIIMEI THA JUKAMATI 21:8

Sateichii supounei leimik tei nyiinii tat n-nou aisii Kaisariya ki gong takle. Sateichii mei sana kak kiteito mei hangninii kabi rasam tam katatpii Philip ki kalung tei liit wosii mpougo kaswisii bam takle.

TIILAMLWI KAPYIIMEI THA JUKAMATI 13:1

Sateichii Antiyok kito kalei Charsh datei Lungkakalingmei ninado ralikapyiimei: Barnabas, Niger sii kalat Simion ninado Sairen mpfii Lusiyas, sateichii Herot sagong mah samtak katiiki kahaipii Manaen ninado Sol tei leile.

MATIMANGOU KAPYII 21:14

Sateichii namdi teimah mbaang tei bangmaa kearii- siinakhii, sateichii teimah aphyiiryii teikii Jaonah mah tiilamlwi kapyii- mei keariisiinakhiimah zei tei leile.

JUD DATO KAGONG CHITI JUKAMATI 1:17

Nlenii lungkasyiimei, nyii Bangpii Jisu Kristamah tiilamlwi kapyiimeinii ndou karei kito tam kabam sam hang tei gonyiinii ma- ninglo;

1 KORENMEI 12:4

Rangii mah luha katham katham leile, nlenii rangii tei hangniniile;