IPISAMEI 3:9 - KARANU KABI SAMTAM

⁹ Sateichii mahlyii hang go tii mpat kapyii Saraa dato tat tukalei tinglang kareiki Saraamah tiitang lesii raang kabam kamakum kabai kabam tei kadapeipo katu meihang go ngoumatu tang karam jangpii,

IPISAMEI 3:9 Referans Kwoze

KOLOSIMEI 1:26

katunii, tinglang sateichii meilui meiha kadaziikii jangpii kabai kabam kamakum, nlenii aitoinii mpoumah kamateimei hangdakii mati mangou pyii kalei teile.

METIU 13:35

Ai ai Lungkakalingmei nii tam kabam tei gong matwi matutang karam jangpiile, katunii, “Inii gu mwi n-gapatsii ndasampii tam tangle, sazyii pouryii tii-mpat kalu sekto kabai kabam hangtei Inii tam mpat tangle.”

2 TIMOTHI 1:9

Mpounii nyiigo keipyii takle sateichii kamatei kalat teipii nyiigo lat pyii takle, nyii tha taiswisii makle, nlenii mpoumah kamaning sateichii jumage kapyii taiswisii lat pyiile. Jumage kapyii ai ndou kareiki Krista Jisu paito mpounii nyiigo pyiitakle.

KOLOSIMEI 3:3

Kadapokii gonyiinii taitakle, sateichii Kristago kaswisii gonyiimah karing tei Saraa dakii kabaibamle.

METIU 28:19

Teijangpii gonyiinii maasii, lui hang go gutai kaswimei tiipyiilo, Apfii, anah ninado rangii kamatei zei kito dwi mpum pyiilo;

MATIMANGOU KAPYII 4:11

“Nyii Bangpii, nyiimah Saraa, gomah pumtei kava sadzyii ngariit katii, ninado teimaham tei doumajyiile. Kadapokii nangnii mahlyiihang tii mpatpyiile, sateichii gomah kamaning kamazhii kito mahlyiihang ringleile ninado tii mpatpyii takle.”

TAITAS 1:2

chuisang chuilei kasu Saraanii pyiitanglesii ndouto riishii tiikabam kalui kaga karing tei doutanglesii maning kamalum kito,

1 TIMOTHI 3:16

Nyiimah dormomah kamakum kathok sam ai kada- ziikapii dipo katu ai meikaniido mazhii kasu tei tiiwo lakle: Mpounii meinah mah pumzai pungsii gong pyiile, kasangle katu tei rangiinii mangoule sateichii sating gamlui hangnii ngoule, mpou go luihang dakii tam ralipyii takle, sateichii sazyii pouryii bamlyii hang kito malum wotakle, sateichii pumtei kava kito sating gam pangkhiitu takle.

MATIMANGOU KAPYII 13:8

Sateichii gikalei Jaonah mah karingmah larekbung kiteikii sazyii pouryii tii mpat kasunato zei ryiikai hai kasu, sazyii pouryiito lungkalei hangnii ahgo mata tangle.

1 PITAR 1:20

Sazyii pouryii tii mpat kasunato Saraanii mpougo kalaiwo takle, nlenii kalui tinglang kinii gonyii jangpii mangoupyiile.

2 TIMOTHI 4:17

Nlenii Inii kabi rasam tei mashangsii tam mpat kabui tiisii, sateichii Jehudimei kasu lui kakimei hangnii samtei shii matutang karam jangpii, Bangpiinii guda satpyiisii gudakii teimaham kaipyii takle; sateichii kounungsa mah mwi kito n-gu keipyii takle.

2 THESOLONIKAMEI 2:13

Nlenii Bangpiinii lungkasyii kangsanamei, gonyii jangpii nyiinii tinglang kaleita Saraago tam matoi tang karamle. Kadapokii Saraanii gonyiigo karei kito rangiimah teimaham kito sateichii kasang go malum kalu kito keikapyii karing tei doumatu tang karam jangpii kalai takle.

KOLOSIMEI 1:23

Nlenii gonyiinii kabi rasam shiikalu ting- lang kak doukalu gonyiimah maning kamalum kiteito nlai matusupii kasangting soikalak bangmaa kiteito malum kabui tei tiijousii leitang karamle. Pol, Inii nga ngakalei ai aimah kabi rasam katunii, sazyii pouryiito kaleihang go tam ralipyii kabam kitole.

IPISAMEI 1:4

Nyiinii matei matu tang karam jangpii sateichii mpou doito sajek tei gamatu tang karam jangpii, Kristago nyiinii nja kalu paikito mpou mei tiimatu tang karam jangpii, sazyii pouryii tii mpat kasunato, Saraanii nyiigo kalaibam takle. Mpoumah lungkasyii jangpii.

1 KORENMEI 2:7

Nlenii sazyii pou- ryiihang tii-mpat kasuniito Saraanii nyiimah pumtei kava jangpii ndouto reipii tiida kabam kamakum satei- chii kabai kabam Saraamah swirek kabi tei nyiinii tam mpat leile.

TIILAMLWI KAPYIIMEI THA JUKAMATI 15:18

karei kito sam hang ai mati kapyii Bangpiinii tamle.’

JONNII KARYII KABI RASAM JUKAMATI 10:30

I ninado Pfii teinii hangniniile.”

JONNII KARYII KABI RASAM JUKAMATI 5:19

Teipiinii Jisunii ahnyiigo khe- kalatle, “Inii gonyii dakii kasangpii tam leile, Pfiinii katiihang tei ngou- supiinanii nah sapfii mpou teinii mpou roinapii samah kado tiipei wolakle; kadapokii mpounii katii katiihangtei nah sapfii mpou teiniido teigotei njoisii tiileile.

JONNII KARYII KABI RASAM JUKAMATI 5:17

Nlenii Jisunii ahnyii dakii khekalatle, “Gu pfiinii aitoi katangdo tha tiileile, Iniido tiileile.”

LUKNII KARYII KABI RASAM JUKAMATI 24:47

Sateichii Jerosalem sekto haosii Lui kaki hang dakii mpou zei kito lung kakali ninado kem kama maga kapyii tei tamroi tang karamle;

METIU 25:34

Teitinglangki sagong teinii mpou- bah ajiilam pang kabam meihang dakii tam tangle, ‘Patlo, Gu pfii mah satoi doukalumei, sazyii pouryii tii ka-mpat saroi sekto gonyii jangpiinii tiida kabam sagong sazyii tei douwolo.

METIU 10:27

Inii gonyii dakii kamyii kito katam tei gonyiinii kava kito tam mpatlo sateichii gonyiinii gonyii khoi kito makumpii shiikalu tei ki kapouryii gam tu wosii saa mpatlo.

MATIMANGOU KAPYII 17:8

Saramkow tei tinglang hangninii kinii ringsii leile, nlenii ringsii bamloi sutakle, ahtei nlai kaga ahom kangto patlesii leitakle ninado ahnii tiikamaga kitei tat tutakle. Sazyii pouryii tii mpat kasuniito karing larek bung kikii zei ryiikai kasu sazyii pouryiito lung- kalei ahnyii hang teinii saramkow- nah gotei jusekchii sung gatangle, dapodinchii teitei tinglang hangninii kinii ringsii leile; aitoinii teitei ringloi sutakle, nlenii teitei gongloi tangle.

MATIMANGOU KAPYII 14:6

Teito sazyii pouryiito lungkalei hang dakii, lui, sadung ninado lat sateichii meihang dakii tam mpat tang karam jangpii, kalui kaga kabi rasam kaswi kalei sating gamlui hangninanii Sating gamto jungkalei tei Inii ngoutakle;

ROMMEI 11:25

Kangsanamei, gonyiinii gonyii roinapii kasakaipii lesii maning matu lak tang karam jangpii kamakum sam ai Inii gonyiigo timatu nyiile. Katunii, luikakimei kalei kaga hangnii Saraada gongliit kasuta lungkatei ai Isrelmei pyiiryii gongtakle.

IPISAMEI 3:2

madousupii gonyiinii shiitakle, katunii Saraanii mpoumah jumage kapyii kito gonyii jangpii kabi tha tiilosii aimah tha ai gudakii pyiibam takle.

IPISAMEI 6:19

Sateichii kabi rasam mah kathok kamakum tei Inii tamsii timatu wokabui jangpii, sateichii Inii tam tang karam jangpii gu mwi kokga kapat tinglang kak, tam tang karam samtei Saraanii n-gu pyii kabui tiisii gujangpiiniido riita khangpyiilo.

KOLOSIMEI 4:3

sa- teichii Kristamah kamakum samtei nyiinii tampyii ralipyii tang karam jangpii Saraanii tinglang kabi tei nyiigo pyii kabui tiisii nyii jangpii- niido riitapyiilo. Kadapokii teijangpii aitoi Inii kabang kito bamle.