IPISAMEI 3:8 - KARANU KABI SAMTAM

⁸ Saraago kamalum meihang kak kito ka-nkhii khiisang tei I-le, teitii kido fiipei kalak Kristamah kani kahiimah kaang kito luikakimei dakii kabi rasam ai tam ralipyii matu tang karam tinglang kabi ai Saraanii n-gu pyiile.

IPISAMEI 3:8 Referans Kwoze

KOLOSIMEI 1:27

Saraanii kamaning teinii mpounii meihang jangpii kabam kani kahii ninado pumtei kavamah kamakum tei mpoumah meihang go timatu tang karam jangpiile. Sateichii kamakum teinii gonyii lung kito Krista leile. Katunii, Saraamah pumtei kava tei gonyii njai dou njoi tangle.

1 KORENMEI 15:9

Kadapokii Inii Tiilamlwi kapyiimei hangninii lesii latjyii kasu, tiilamlwi kapyiimei hang kak kito ka-nkhii khiisang hangniniile, dajangpiiponii Inii Saraamah Charsh go gisii baatakle.

IPISAMEI 3:16

katunii, alungto kalei mei dakii mpou rangii- mah paikito gonyiigo teimaham pyiisii tiisangtingpyii matu tang karam jangpii,

IPISAMEI 2:7

Mpounii ai ai tiile, kadapokii gongtang karam tinglang hang kito Krista Jisu dato nyiigo mpoumah ajhii sakpei kalak jumage kapyii kanitei mpounii mangou tang karam jangpiile.

1 TIMOTHI 2:7

teijangpii lui kakimeimah kabi rasam katam mei ninado tiilamlwi kapyiimei hangninii tiisii kamalum ninado kasangmah sam tam matu tang karam jangpii n-gu kalaiwo takle. I-chuimakle, I-kasang tei tam leile!

1 TIMOTHI 1:13

Ndou kareiki Inii mpougo tam kamashyii, tiikamage katu sateichii kalet kalou tiisii leikado, Saraamah lungsyii kati tei Inii doutakle, kadapokii kamalum tei Inii doumakle. Teijangpii Inii dapei tiileipo katu tei Inii timakle.

GALATIMEI 1:16

sa- teichii Inii luikakimei hang dakii mpoumah kaang kito kabi rasam tam ralipyii tang karam jangpii, mpounii mpounah sapfii mpou gotei gudakii mati mangou tang taklesii satto sek- kii, Inii pum ninado zaigo kaswisii rashii makle,

ROMMEI 11:33

Saraa mah kani kahii hang ai kadaziikapii dipo! mpou mah swirek kabi ninado maati tei kadaziikapii tukpo! mpoumah samtak sateichii mpoumah pwidi tei tanii fiiwo buipo!

ROMMEI 2:4

Makkii Saraa mah ajai kabipii n-go lung kali matu tang karam kikii chyiitat pyiile katu tei tisupiinii mpou mah lung kasyiimah koikati, sateichii leh kati hang gotei nangnii maning mala leipo?

2 TIMOTHI 1:11

Kabi rasam aijangpii n-gu kabi rasam katam mei, tiilamlwi kapyii- mei ninado madhiikapyii mei tiilosii kalei wotakle.

IPISAMEI 3:19

sateichii meinah swipii tipei kalak Kristamah lungkasyii tei tikabui jangpii, katunii Saraamah katokryii hang teipii gonyiinii tokryii matu tang karam jangpii, Inii khangleile.

1 KORENMEI 2:9

Nlenii ryii kabam aita- kumpii: “Miknii ngou kasu, koinii shii kasu sateichii meinah lungki liit kasu, hangtei Saraanii mpougo lungkasyiimei jangpii tiikada aitakle.”

ROMMEI 12:10

ki kalung mpung lungkasyii takumpii kangsanamei hangni hangninago kalungsyiilo; sateichii hangninanii hangniniigo adzyii roulo.

TIILAMLWI KAPYIIMEI THA JUKAMATI 5:41

Teipiinii ahnyiinii Jisu zei kito ka-nrou ai doumajyii lesii ntasii samtak katii katingmei doiteito tatpat takle.

MATIMANGOU KAPYII 3:18

Teijangpii gonyiinii mah nikabui tiisii mipiinii rumatei kalei sona sateichii gomah peimani kaikasu mah ka-nrou tei ngoumatu kasu tiisii sateichii gomik ngoumatu tang karam jangpii, gomik kikii thei tang karam thao tei, gudato lyii wolosii Inii gonyiigo tam leile.

1 TIMOTHI 1:15

Jisu Kristanii kakui kama meigo keipyii tang karam jangpii sazyii pouryii gongpyiile katu ai malum wobuile sateichii nyiinii lukai tang karam jangpii tam kalei sam ai kasangle sateichii kem kama mei hang kak kiteito kem tiikaki tei I-le,

TIILAMLWI KAPYIIMEI THA JUKAMATI 9:15

Nlenii Bangpiinii mpou dakii tamle, “Tat tulo, kadaponii lui ka- kimei hang, sagongmei hang ninado Isrelmeinah doito guzei pung tang karam jangpii sapfii mpou ai gujangpii kalai mpat kabam baituile.

PILIPIMEI 4:19

Sateichii gu Saraanii gonyiimah kamarei hangtei Krista Jisu paikito mpoumah pumtei kava kito kalei kani kahii taiswisii gonyiigo pyiitakle.

GALATIMEI 2:8

kadaponii tiigyii malem kaleimeimah tiilamlwi kapyiimei tha kito Pitar jangpiinii tiikapyii ah teinii Jehudimei kasu luikakimei hang dakii n-gudo tiipyii takle;

PILIPIMEI 2:3

Mpou mpou jangpii roinii kamaning kito, mak-kii kakadak lungswi kito samah kado tiisulo, nlenii lung manoisii mpou mpou pum sung mei kaki kaki- meinii kisii bilesii maning matulo.

IPISAMEI 3:2

madousupii gonyiinii shiitakle, katunii Saraanii mpoumah jumage kapyii kito gonyii jangpii kabi tha tiilosii aimah tha ai gudakii pyiibam takle.

1 KORENMEI 1:30

Nlenii Saraanii gonyiigo Krista Jisu dakii poi njapyii takle, sateichii Saraanii nyiijangpii Krista aigo nyiimah swirek kabi tiipyii takle, mpou paikito nyiihang go Saraa doito tiimadi pyiitakle; nyiinii Saraa mah kamateimei tiitakle sateichii matapii laat mpatpyii takle.

JONNII KARYII KABI RASAM JUKAMATI 1:16

Sateichii mpoumah katokryii kito jumage kapyii phyiiryiito jumage kapyii teido nyiihangnii doutakle.

IPISAMEI 3:1

Ai kaang jangpiinii, gonyii luikakimei hang jangpii Krista Jisumah kabang kito kaleimei hangninii tiisii kalei, Pol, Inii, Saraa dakii riitale,

LUKNII KARYII KABI RASAM JUKAMATI 14:22

Kikaleipii teinii tamle, ‘Bangpii, gomah kakhatsam taiswisii tiitakle, nlenii teitii kido, aitoido-rei bam bamle.’