IPISAMEI 3:3 - KARANU KABI SAMTAM

³ Saraanii mpoumah tiitang karam karaang kamaning kamakum tei mati mangoule satei- chii gudakii mati pyiile. Ai kaang kito Inii dwisii ryiibamle.

IPISAMEI 3:3 Referans Kwoze

GALATIMEI 1:12

kadapokii teitei Inii meinah dato doudo doumakle, mei hangninii kaniido teitei n-gu ralipyii makle, Jisu Krista sekpiinii teitei n-gu mati mangoupyiile.

ROMMEI 16:25

Aitoinii gumah kabi rasam taiswisii sateichii kamakum sam mati mangoupyiisii Jisu Krista mah kaang kito tam rali kapyii taiswisii, gonyiigo tiisangting pyiiwo kabui mpoudakii Inii gonyiigo pyii leile.

IPISAMEI 3:9

Sateichii mahlyii hang go tii mpat kapyii Saraa dato tat tukalei tinglang kareiki Saraamah tiitang lesii raang kabam kamakum kabai kabam tei kadapeipo katu meihang go ngoumatu tang karam jangpii,

IPISAMEI 3:4

Sateichii Inii ryiikabam tei gonyiinii fiileponii, Kristamah kamakummah kaang kito gumah kati tei gonyiinii tiwobuile.

TIILAMLWI KAPYIIMEI THA JUKAMATI 22:17

“Inii Jerosalemki nlaigongsii, Saraa kamaning kilungto riitasii kalei kak, n-gu madhangpyiisii,

TIILAMLWI KAPYIIMEI THA JUKAMATI 22:21

Sateichii mpounii gudakii tamle, ‘tatpat tolo, kadaponii Inii n-go aikito dhiisii lui kakimei hang dakii lang mpat tangle.’ ”

IPISAMEI 1:17

Sateichii gonyiigo tiisakai pyii tang karam ninado gonyiinii mpougo tikabui jangpii, gonyii dakii Saraago mati mangoupyii tang karam, rangii tei gonyii dakii pyii matulosii, kangam Pfii, nyii Bangpii Jisu Krista dato Inii khangsii leile.

ROMMEI 11:25

Kangsanamei, gonyiinii gonyii roinapii kasakaipii lesii maning matu lak tang karam jangpii kamakum sam ai Inii gonyiigo timatu nyiile. Katunii, luikakimei kalei kaga hangnii Saraada gongliit kasuta lungkatei ai Isrelmei pyiiryii gongtakle.

TIILAMLWI KAPYIIMEI THA JUKAMATI 23:9

Teito hangkapii koi nrung pat tutakle sateichii Farasismei ndwilam pang kahaimei ajaiting- shang katimei kangkanii gungtu satsii sampii kajyiitu takle, “Nyiinii mei aipou gamto kashyii samah kado doumakle. Tanii titang mpou dakii rangii hangninanii mak-kii sating gamlui hangninanii karashii leikado malahle.”

2 KORENMEI 12:1

Teiteipii kabi doutang karam samah kado gakido, Inii detdi tang karamle. Nlenii aitoinii Bangpiinii n-gu pyii kabam madhang kapyii sateichii mati mangou kapyii hangtei Inii tam tangle.

IPISAMEI 3:6

Kamakum teinii kabi rasam paikito luikakimei hangteinii Sara- amah satoi doutang karam kito Jehudimeigo kaswisii njai bamle, ahnyii ai pumpot hangniniimah nsang nsangle ninado Saraanii pyiitanglesii mpounah Krista Jisu paikito riishii tiikabam mah njai poi njoi katumeile.

IPISAMEI 6:19

Sateichii kabi rasam mah kathok kamakum tei Inii tamsii timatu wokabui jangpii, sateichii Inii tam tang karam jangpii gu mwi kokga kapat tinglang kak, tam tang karam samtei Saraanii n-gu pyii kabui tiisii gujangpiiniido riita khangpyiilo.

KOLOSIMEI 2:2

Dapokii ahnyiinii lung taisupii lungkadi teipii tokryii kabui tiisii sateichii lungkasyii kiteikii jum nja kabui tiisii, teito kasang kati teinii pung kagong madousupii doutang karam katokryii kani kahii tei doumatu tang karam jangpii, Inii ai tiileile. Aitiisii ahnyiinii Saraamah kamakum, katunii Kristago titangle.

KOLOSIMEI 4:3

sa- teichii Kristamah kamakum samtei nyiinii tampyii ralipyii tang karam jangpii Saraanii tinglang kabi tei nyiigo pyii kabui tiisii nyii jangpii- niido riitapyiilo. Kadapokii teijangpii aitoi Inii kabang kito bamle.

HEBRUMEI 13:22

Kangsanamei, Inii gonyiigo khang leile, lung tiikamadimah sam tei leh pyiilo, kadapokii Inii gonyii dakii dwisii ryiipyii bamle.

1 PITAR 5:12

Malum kabuimei hangninii tiisii Inii poikalei nyii sanapii Sailas mah tiikaha kito gonyii dakii Inii dwisii ryiileile, katunii, Inii tam katwisii, ai ai Saraamah kasang jumage kapyii teilesii sakchyii pyii leile, gonyiinii jumage kapyii ailung aito sangtingsii satlo.

2 PITAR 3:15

Sateichii nyii Bang- piimah lung leh kati tei keikapyii karing lesii poi wolo. Tei takumpii lungkasyii nyii sanapii Polniido mpou dakii pyii kabam swirek kati taiswisii, gonyii dakii ryiipyii takle. Mpoumah chiti karei hang ki kado aimah kaang kito mpounii tam kalei tei aile.