IPISAMEI 3:18 - KARANU KABI SAMTAM

¹⁸ teimah det kamaja, ta kathang, sagoi ninado kathok tei kadapeipo katu tei gonyiinii kama- teimei hang go kaswisii titang kabui,

IPISAMEI 3:18 Referans Kwoze

JONNII KARYII KABI RASAM JUKAMATI 15:13

Mei kata hangninanii mpou mah kangmei jangpii tai kapyii; aidoito mei kado lungkasyii dikaki gale.

IPISAMEI 3:19

sateichii meinah swipii tipei kalak Kristamah lungkasyii tei tikabui jangpii, katunii Saraamah katokryii hang teipii gonyiinii tokryii matu tang karam jangpii, Inii khangleile.

GALATIMEI 2:20

Teipiinii ringkalei ai I-makle, nlenii gulungto ringkalei ai Kristale. Inii aitoi ringsii kalei tiilung ai, n-gu lungsyiipyiisii gujangpii mpoumah karing kapyii, Saraa nah sapfii mpougo kamalum kito Inii ring leile.

IPISAMEI 1:15

Kaang aijangpii, Bangpii Jisugo gonyiinii kamalum ninado Saraago kamalum meihang go gonyiinii lungkasyii tei Inii shiikalu sekpiinii,

MATIMANGOU KAPYII 3:21

Inii ngam wosii gu pfiimah sagongbam kiteito ahgo kaswisii bam kalei takumpiinii, ngam kalu ahgodo n-gu kaswisii sagongbam kiteito kaswisii bam matutang karam mah amajyii tei Inii pyiitangle.

GALATIMEI 3:13

Nyiijangpii Kristanii kasang tei tiisii, ajaitingshang mah kasheeng kiteito kalei mpatpyii takle kada- pokii aitiisii ryiibamle, katunii, “Ating gamto njusii siikaksii taikalei meihang tei Saraamah kasheeng tei doutakle.”

IPISAMEI 1:10

Tinglang tei gongsekchii Saraanii tiimatui tiimashang tang karam, tiitang karam ainii, Krista go aphyiikii kaikabam tei kaswisii, sating ninado sazyii lungto kalei Saraa baichem hang go poigong ndwitang karam teile.

KOLOSIMEI 1:4

daponii Krista Jisu dakii gonyiinii kamalum sateichii kamatei meihang dakii gonyiinii lungkasyii tei nyiinii shiitakle.

ROMMEI 10:3

Kadapokii Saraa dato kagong kasang kamajyii gotei tisupii mpou mpoumah pwidi fiikalei taiswisii ahnyiinii Saraamah kasang kamajyii kangtei nkang makle.

1 TIMOTHI 3:16

Nyiimah dormomah kamakum kathok sam ai kada- ziikapii dipo katu ai meikaniido mazhii kasu tei tiiwo lakle: Mpounii meinah mah pumzai pungsii gong pyiile, kasangle katu tei rangiinii mangoule sateichii sating gamlui hangnii ngoule, mpou go luihang dakii tam ralipyii takle, sateichii sazyii pouryii bamlyii hang kito malum wotakle, sateichii pumtei kava kito sating gam pangkhiitu takle.

2 KORENMEI 13:13

Bangpii Jisu Krista mah jumage kapyii, Saraamah lungkasyii ninado rangii kamateimah kaswikapyii tei gonyii hang go kaswipyii matulo.