IPISAMEI 2:8 - KARANU KABI SAMTAM

^8-9 Kadapokii kamalum paikito Saraamah jumage kapyii teipii gonyiigo keipyii takle. Teiteinii gonyiinii mahungsii tha katiihang kito doukalu mah makle, nlenii Saraanii kapyii luhale, teijangpii tei kaang kito meikaniido detdi wolakle.

IPISAMEI 2:8 Referans Kwoze

IPISAMEI 2:5

nyiimah kakui kama kito nyiinii rangiilamto taika- lei tinglang kitodo, Kristago kaswisii mpounii nyiigo tiimaringpyiile. Gonyiigo keikapyii teinii Saraamah jumage kapyii kitole.

ROMMEI 4:16

Teijangpiinii kamalum tai swile, kadapokii riishii tiikabam tei lungsyii kati kito gong tang karam jangpii sateichii mpoutaa mpounah meihang dakii madousupii pyiitang karam jangpii ajaitingshang tai kaswi meigo roina makle, nlenii Abraham mah kamalum njai poihaisii kalei meigodo pyiitang karam jangpiile, kadapokii mpounii nyiihang mah rangii mah Apfii teile.

ROMMEI 10:17

Teipiinii kamalum tei shiiwo kalu kito gongle, sateichii shiiwo kalu tei Krista mah tam rali kapyii kito gongle.

TIILAMLWI KAPYIIMEI THA JUKAMATI 16:31

Teito mpoupiinanii tamle, “Bangpii Jisugo malumlo sateichii nangdo goki kalungmeido kaleikapyii tei doutangle.”

JONNII KARYII KABI RASAM JUKAMATI 6:37

Gu pfiinii gudakii kapyii hangtei guda gongtangle, sateichii guda kagongmei hang gotei Inii baasang baatoi lakle.

JONNII KARYII KABI RASAM JUKAMATI 5:24

“Inii gonyii dakii kasangpii tam leile, gusam shiisii ninado n-gu lang kamagong ahgo malumsii kalei ahteinii kalui kaga karing tei doutakle; sateichii samtak katii kitei ahnii hailakle, nlenii ahnii katai kito karingki kaamajupat wotakle.

JONNII KARYII KABI RASAM JUKAMATI 4:10

Jisunii mpoupeigo khekalatle, “Saraanii pyiikalei ninado n-gu saktang karam dwi seilosii godakii katam tei tapo katu nangnii tileponii, nangnii mpou dato khang tang karamle.”

LUKNII KARYII KABI RASAM JUKAMATI 7:50

Nlenii Jisunii sapwi mpei dateikii tamle, “Go mah kamalum teipii n-go keipyii takle; majungsii tat tulo.”

MARK 16:16

Malum kalumei ninado dwi mpum kalumei hang go tei keipyii tangle; ninado malum kasumei hang gotei tam mashyii tangle.

JONNII KARYII KABI RASAM JUKAMATI 3:36

Nah sapfii mpou gotei malum kalumei teinii kalui tiikasu karing tei doutakle, nlenii nah sapfii mpou sam swikasumei hangteinii karingtei doulakle, nlenii Saraa mah rakarhii tei mpou gamto leile.

ROMMEI 4:5

Sateichii atha tiikasupii nlenii Saraago tikasu meigo tiimajyii kapyii mpougo kamalumpii mah kamalum teinii kasang kamajyiilesii lukai pyiitakle.

IPISAMEI 2:10

Kadapokii Saraanii reipii tiida kabam kabi tha hang kito nyiinii tat matutang karam jangpii, Krista Jisu dakii tii mpat kabam nyii ai mpoumah tha katiimei takle.

GALATIMEI 3:22

Nlenii kabi rasam kito katamnii, sazyii pouryii mpum madum ai kem mah teimaham kangto leile, Teijangpii Jisu Kristago kamalum meihang go pyiitang lesii riishii tiikabam luha teinii malum katu meihang go pyiile.

TIILAMLWI KAPYIIMEI THA JUKAMATI 13:39

Sateichii Moses mah ajaitingshang paikito gonyiigo tii- majyii peiwo kalak, matum madum hang kiteito mpou paikito kamalum mei hang go tiimajyiipyiile.

GALATIMEI 3:14

Teipiinii Krista Jisu paito Abraham dakii Saraanii satoi pyiitanglesii riishii tiikabam tei Jehudimei kasu luikakimei hang dakii gong matu tang karam jangpii, sateichii nyiinii kamalum paito ra- ngiimah rashii tiikabam tei doutang karam jangpiile.

JONNII KARYII KABI RASAM JUKAMATI 6:40

Kadapokii gu pfiinii kamaning kamazhii tei aile, meinah sapfii mpou gotei ngouwosii, ahgo malum kalumei hangteinii kalui kaga karing doumatu tang karam teile, Sateichii Inii ahnyiigo kalui piinei leimik tiimaringpyii tangle.”

JONNII KARYII KABI RASAM JUKAMATI 6:35

Jisunii ahnyii dakii tamle, “Karing mah tiirok tei I-le, guda kagongmei hangteinii moi mazyii- lakle, sateichii n-gu kamalum mei hangteinii saryiisang saryiiloi lakle.

IPISAMEI 1:19

sateichii malumsii kalei nyii dato mpoumah teimaham tei daziikapii disii tha tiisii leipo katu timatu tang karam jangpii Inii khang leile.

TIILAMLWI KAPYIIMEI THA JUKAMATI 14:27

Sateichii ahnyiinii gongtang wosek-kii, Charsh hang go lat ndwi wosii, Saraanii ahnyiigo kaswisii tiikapyii tha hang mah ninado lui kakimei hang dakii mpounii kama- lum mah takam laatpyii takle katu tei ahnyiinii ahnyii dakii tampyii takle.

JONNII KARYII KABI RASAM JUKAMATI 6:65

Sateichii mpounii tamle, “Kaang aijangpii Inii gonyii dakii tamle, katunii pfiinii ahgo pyii kasutanii mei kaniido guda gongpei wolakle.”

KOLOSIMEI 2:12

Dwi ka-mpum kito mpougo kaswisii gonyiigo poigoi aitakle, sateichii mpougo katai meikak kito tiimaring kapyii Saraa teinii tiikalei tha kiteikii gonyiinii kamalum paikito mpougo kaswisii gonyiigo tiimaring- pyii takle.

JONNII KARYII KABI RASAM JUKAMATI 6:44

N-gu lang kamagong Pfii teinii ahgo gudakii chyiigong pyii suleponii, mei kaniido guda gongpei wolakle, sateichii Inii mpougo kalui piinei leimik tiimaringpyii tangle.

1 PITAR 1:5

Keikapyii karing tiilung jangpii kalui ting- langki mangou tang karam jangpii tiida kabam, kamalum kito Saraa- mah teimahampii bisii kaidek kabam hangtei gonyii jangpiiniile.

PILIPIMEI 1:29

Kadapokii gonyii- nii Krista zei kito kamalum teiroi supiinii, mpou jangpii kamage kalak kapung teipiiniido Krista nga kanga tinglang kabi tei gonyii dakii pyiibam takle.

ROMMEI 10:14

Nlenii meinahnii malum kasu mpou gotei kada takumpii ahnyiinii latto tangpo? Sateichii ahnyiinii shiisang shiilei kasu mpou gotei kada takumpii ahnyiinii malum wotangpo? Sateichii kabi rasam tei tam kapyiimei gasii kada takumpii ahnyiinii shiiwo tangpo?

METIU 16:17

Teito Jisunii mpougo kheka- latle, “Simon Bar Jonah, nang sadoi bile!” “Kadapokii sating gamto kalei gu pfiinii supiinii, pum zainii ai godakii mati mangou kapyii tei makle.

TIILAMLWI KAPYIIMEI THA JUKAMATI 16:14

Sateichii Taiyatira namdi kito zei Laidiya sii kalatpei majyiikabi peimani joi kaleipei ninado Saraago mata kaleipei sapwi mpei hangninanii tam rali kapyii tei shiiwole, Polnii tam ka-mpat samtei lung liitsii shii matu tang karam jangpii Bangpiinii mpoupei lungtei laatpyii takle.

2 THESOLONIKAMEI 1:9

Bangpiinii mpoumah kamateimei hang dato tam kamatoi doutang karam, sateichii kamalum meihang teinii sung gamatu tang karam jangpii, (dapokii nyiinii gonyii dakii kapyii sakchyii tei gonyiinii malum wotakle,) mpounii kagong piinei, tei kakum meihang teinii kalui gasii tiikamaga mah kadwi karat sateichii Bangpii kalei nito sateichii mpoumah teimaham kadimah pumtei kava kiteito poitaam katu tei ahnyiinii doutangle.

TIILAMLWI KAPYIIMEI THA JUKAMATI 15:11

Nlenii Bangpii Jisu mah kalungset teipiinii ahnyiigo njoisii nyiido Keikapyii kasaga karing doutangle katu tei nyiinii malumle.”

ROMMEI 9:16

Teipiinii mahlyii hang ai meinahnii kamaning kamarei mak- kii tiikajyii pungkajyii pyiiryii bam makle, nlenii Saraa mah jumage kapyii pyiiryiito roinii leile.

HEBRUMEI 6:4

Kadapokii binii swi tii-mvapyii kalei, sating gam mah luha masei kalei, sateichii rangii kamatei mah njai dou njoi kalumei,

METIU 20:9

Sateichii pung mangii doukanii tha tiikahou mei gotei dinar nsang-nsang pyiitakle.