IPISAMEI 2:4 - KARANU KABI SAMTAM

⁴ Nlenii Saraamah lungset kati teinii hangkapii nile, sateichii nyii jangpiinii mpoumah lungkasyii teinii hangkapiinii dile;

IPISAMEI 2:4 Referans Kwoze

1 PITAR 1:3

Nyii Bangpii Jisu Kristamah Apfii ninado Saraa gotei tam matoile! Mpoumah kadi lungset kati teipii Jisu Kristanii katai kito ringkakhii teipii mpounii nyiigo karanu tiilung tei pyiile. Aipii nyiigo taikalak karing maning kamalum teipii tiitokryii pyiile.

IPISAMEI 1:7

Kadapokii Kristanii karatsii taikapyii teipii nyiihang go matapii laat mpatpyii takle, katunii, nyii kem kama hangtei magapyii takle. Saraamah jumage kapyii tei kadaziikapii dipo,

ROMMEI 5:8

Nlenii nyiinii kem tiisii tiisii leibangpii Kristanii nyii jangpii taikapyii teipii Saraanii nyiijangpii mpoumah lungkasyii tei mangou pyiitakle.

IPISAMEI 2:7

Mpounii ai ai tiile, kadapokii gongtang karam tinglang hang kito Krista Jisu dato nyiigo mpoumah ajhii sakpei kalak jumage kapyii kanitei mpounii mangou tang karam jangpiile.

ROMMEI 10:12

Kadapokii Jehudimei nei Grikmei kak taam kaki samah kado gale; kadaponii kalei kaga mah Bangpii tei hangniniile, sateichii mpounii mpougo kalat hang go mpoumah kani kahii tei mangou pyiile.

1 TIMOTHI 1:14

Sateichii nyii Bangpiinii mpoumah jumage kapyii kamoi tei guphyii- ryiikii ruikaipyiile ninado Krista Jisugo nyiinii njasii hangninii tiikalu kito kamalum sateichii lungkasyii tei n-gu pyiitakle.

2 TIMOTHI 1:9

Mpounii nyiigo keipyii takle sateichii kamatei kalat teipii nyiigo lat pyii takle, nyii tha taiswisii makle, nlenii mpoumah kamaning sateichii jumage kapyii taiswisii lat pyiile. Jumage kapyii ai ndou kareiki Krista Jisu paito mpounii nyiigo pyiitakle.

IPISAMEI 3:8

Saraago kamalum meihang kak kito ka-nkhii khiisang tei I-le, teitii kido fiipei kalak Kristamah kani kahiimah kaang kito luikakimei dakii kabi rasam ai tam ralipyii matu tang karam tinglang kabi ai Saraanii n-gu pyiile.

ROMMEI 9:23

Mpoumah pumtei kava doumatu tang karam jangpii mpounii ndouto reipii tiidapyii kabam, mpoumah jumage kapyii doutang karam nyiihang pyiiryiikii mpoumah kani pumtei kava rui ka-mpat teido mpounii mangounyii takle.

ROMMEI 2:4

Makkii Saraa mah ajai kabipii n-go lung kali matu tang karam kikii chyiitat pyiile katu tei tisupiinii mpou mah lung kasyiimah koikati, sateichii leh kati hang gotei nangnii maning mala leipo?

2 THESOLONIKAMEI 2:13

Nlenii Bangpiinii lungkasyii kangsanamei, gonyii jangpii nyiinii tinglang kaleita Saraago tam matoi tang karamle. Kadapokii Saraanii gonyiigo karei kito rangiimah teimaham kito sateichii kasang go malum kalu kito keikapyii karing tei doumatu tang karam jangpii kalai takle.

LUKNII KARYII KABI RASAM JUKAMATI 1:78

Nyii Saraa teinii Jumage kati sateichii manoi kabi teile, Mpounii nyii phyiiryiikii Keikapyii mah tingchoi kava tei sagoi gamto vapyii tangle.