IPISAMEI 2:3 - KARANU KABI SAMTAM

³ Ai kak kito nyiihang ai tinglang hangninii kinii apum ninado lungswinii kamareitai tei swisii nyii pumnii kamaning kamarei kito lungsii leile. Teijangpii meinah lui kakimei takumpiinii, nyii ai nunuto Saraanii rakarhii mah nahmeile.

IPISAMEI 2:3 Referans Kwoze

TAITAS 3:3

Dapokii ndounii nyiido kapang kamang, katam swikasu, dhiisii tat katu, kathaam kathaam pumzai mah kamarei ka-ntha ninado kasamou hang mah kikaleimei tiisii kem ninado kamaimhii kito nyii tiilung lungsii meihangpii nyiigo ngourousii ninado nyiinii ahnyiigo ngourousii leile.

1 PITAR 1:14

Katam kaswi nahmei takumpii, gonyiinii tikasu tinglang kareiki pumzai mah kamaning ka- marei hangtei fiiloi supii,

IPISAMEI 4:22

Teipiinii gonyiinii lungsii lei kalei tei tiilungtei gonyiigo lung matusii kalei kama kikii tiikakai mpoumah kamarei ka-ntha hangteipii tiimaga kalei, gonyiimah mei kaham tei rat toi ailo.

ROMMEI 13:14

nlenii gonyiinii pei bakalei takumpii Jisu Kristago bawolo, sateichii apum azaimah kamaning kamarei tiitang karam jangpii tiikada sulo.

ROMMEI 6:12

Teijangpiinii gonyiinii kem mah kamarei tei swilak tang karam jangpii, gakabui gonyii pumgo kem teinii sagong takumpii magong matu sulo;

1 JON 2:16

Dapokii sazyii pouryiito kalei hang, pumzai mah kamarei ka-ntha, sateichii miknii kamarei ka-ntha sa- teichii tiilung mah tang ghang ainii pfii dato makle, nlenii sazyii pou- ryiitole.

IPISAMEI 2:2

Tei tinglangki gonyiinii sazyii pouryiimah kashyii tai tei swisii, aitoi tinglang ki Saraanii katam swikasu sating nei sazyii kak kamarong kito apum tiisii kalei rangiimah teimaham hang gotei gonyiinii kaswisii leile.

JONNII KARYII KABI RASAM JUKAMATI 8:44

Gonyii ai gonyii pfii seitan dateitole, sateichii gonyii pfii mah kamarei ka-ntha hang tiitang karam tei gonyii mah kamaning kamazhii teile. Ahnii nu saroisekto meigo kagi kabaameile sateichii kasang gotei kaswisii tha tiitang karam samah kado gale; dapochiinii ahda kasang tei gasang gale. Ahnii kachui sam katam kak nunuto kalei ahmah jai taiswisii malhiile, kadapokii ahnii kachuipiile ninado teimah pfii teile.

2 KORENMEI 7:1

Lungkasyii gukanghemei, riishii aihang ai nyii dakii pyii kabam taiswisii, nyiinii nyii roinapii nyii pum ninado nyii rangiigo tiihangsii kalei matum madum kito tiimatei aisii, Saraago dzyiirousii kahing kito nyii mah kamatei tei mashang matwileje.

1 KORENMEI 4:7

Tanii n-go mei kakimei doito taamsii tiipyiipo? Nangnii doukalu mahlyiihang tei Saraanii n-go pyiimakpo? Bitakle, teitii leponii, nangnii doukalu hangtei luha kasu takumpiinii nangnii kada takumpii detdiwo tangpo?

ROMMEI 7:18

Kadaponii guda, katunii gupum pot lung aito kabi samah kado gale katu tei Inii tile, kadaponii kabi tei Inii maning wobuile, nlenii kabi tei tiitang karam gale.

MARK 4:19

sazyii pouryiigo kamarei, kani kahiigo kamarei mei ninado kaki kaki kamaning kamarei tei liitsii kabi sam gotei tiimaga kaleimei teinii, atu tiirat teinii pokpat giitrangsii ati mati kasu takumle.

ROMMEI 11:30

Kadapokii tuka- lei tinglang hangniniiki Saraanii katam tei gonyiinii swimakle, nlenii aitoinii ahnyiimah katam swikasu teipiinii gonyiinii lungsyii kati tei doutakle,

ROMMEI 9:22

Sateichii Saraanii tiipyii kabam tei kasangle, mpounii mpoumah ra- karhii tei mangounyii takle, sateichii mpoumah teimaham tei matinyii takle, Nlenii tiimaga katu dou kamajyiimei gotei mpounii hangkapii lumsii lehpyiile.

JONNII KARYII KABI RASAM JUKAMATI 1:13

ahnyii teinii zai mah kito, mak-kii pumzai mah kito mak-kii meinah mah kamaning kamazhii kito manaamakle, nlenii Saraa datole.

2 PITAR 2:18

Kadapokii swikaga kapang det kadi sam tamsii, kama kito lungsii kaleimei hang dato nlek wosii lungpat haosii kaleimeigo pumzaimah kamarei ka-ntha hang- teipiinii hemle.

2 PITAR 2:14

Ahnyiinii meinou meinahgo ma- shung maha kanyiimah mikjot teipii tokryiile, sateichii mik tei kem kito shaatsang shaat makle. Ahnyiinii kasui rangiigo mphee kikii chyiikaile, ahnyii lung tei lukanyii teinii apum tiiwo takle; ahnyii teinii Saraanii sheeng kalei nahmei teile.

1 TIMOTHI 6:9

Nlenii mahni kanyii- mei hangteinii kahem ki, mphee ki, kapang kamang hangki, sateichii meigo deng mashyii tang karam pumzai mah kamarei ka-ntha hang kitei takliitle, ai kakum ainii meinahgo tiikamaga ninado tiikakou kikii chyiikai matule.

GALATIMEI 3:22

Nlenii kabi rasam kito katamnii, sazyii pouryii mpum madum ai kem mah teimaham kangto leile, Teijangpii Jisu Kristago kamalum meihang go pyiitang lesii riishii tiikabam luha teinii malum katu meihang go pyiile.

ROMMEI 1:24

Teijangpiinii ahnyii kak kito ahnyii pum tei adzyii ka. nrou gamatu tang karam jangpii, Saraanii ahnyii go ahnyii mah lungswi teinii kamarei ka nta kiteikii hongmatu tang karam jangpii mpatpyii takle;

1 JON 2:8

Nlenii Inii aitoi gonyii dakii ryiikalei kakhatsam ainii kasataile, dajangpiipo dinchii aimah kasang ai mpou dato gonyii datodo ngoule. Kadapokii kamyii teinii tat maju leitakle sateichii kasang kava tei vasii leitakle.

TIILAMLWI KAPYIIMEI THA JUKAMATI 14:16

Tukalei ha kareiki mpounii luihang go ahnyiinii kamaning kamarei pwidi hangki tat matutakle.

ROMMEI 2:14

Lui kakimei teinii ajaitingshang tei gale; nlenii ajai- tingshangnii kadapei tiiloziipo katu tei ahnyii lungswi kamaning kati teipii tiitusekkii teitei ahnyii mah ajaitingshang takle, ahnyiinii ah- nyiimah ajaitingshang tei gakido.

ROMMEI 5:9

Teijangpii toinii mpou zai teipiinii nyiigo tiimajyii pyii takle; mpounii kisii nyiigo Saraa mah rakarhii kito keipyii tangle.

ROMMEI 5:10

Nyiinii Saraago ngou karoumei tiisii leile, nlenii mpounah sapfii mpounii taikapyii paito mpounii nyiigo mpou kangmei tiipyiile. Aitoinii nyii ai mpou kangmei tiikalutai swisii, Kristanii taikapyii teipii kadaziika kisii nyiigo keipyii tangpo!

KOLOSIMEI 1:21

Gonyiiniikashyii katii ninado kamaning jangpii tinglang hang- niniiki gonyiinii Saraa dato dhiisii mpoumah ngou karoumei tiisii leile.

1 THESOLONIKAMEI 4:13

Nlenii kangsanamei, maning kamalum kaga kakimei takumpii gonyiinii lungswi kamagelak tang karam jangpii taikaleimeimah kaang kito gonyiinii tikasu tei nyiinii mareimakle,

1 THESOLONIKAMEI 5:6

Teitii leponii kakimei ta- kumpii nyiinii zyiisude, nlenii nyiinii mikraksii lung manoile,