IPISAMEI 2:22 - KARANU KABI SAMTAM

²² Mpougo njasii hangninii tiikalu kito Saraanii mpoumah rangii paikito lungsii kalei bam hangninii ki teikii mei kakimei hang go kaswisii gonyii godo tiimakhiibam takle.

IPISAMEI 2:22 Referans Kwoze

1 KORENMEI 3:16

Gonyiinii Saraa mah kamatei Saraa kamaning kile ninado Saraa- mah rangiinii gonyii lungto leile katu gonyiinii timakpo?

1 JON 4:16

Sateichii Saraanii nyii jangpii lungkasyii kalei tei nyiinii tile sateichii malumle. Saraanii lungkasyiile, sateichii lung- kasyii kito taksupii kalei ah teinii Saraa dato taksupii leile, sateichii Saraanii ah dato taksupii leile.

1 JON 4:13

Aipii nyiinii mpou dato ninado mpounii nyii dato taksupiinii leile katu nyiinii tile, dapokii mpounii nyii dakii mpoumah rangii sek tei pyiibam takle.

1 JON 3:24

Sateichii mpoumah ka- khatsam kaswimei hangteinii mpou dato taksupii leile, sateichii mpounii ahnyii dato leile. Sateichii mpounii nyii dakii pyii kabam rangii aipiinii mpounii nyii dato taksupii leile katu nyiinii tile.

IPISAMEI 3:17

sateichii kamalum paikito Kristanii gonyiigo lung kito liitbam pyii matu tang karam jangpii; mpou pumtei kavamah kani taiswisii mpounii gonyii dakii pyii matutang karam jangpii; gonyiinii lungkasyii kikii maakhiisii sang- tingsii leisanii,

2 KORENMEI 6:16

Saraamah Saraa kamaning ki tei nei tingtu hangteinii kadapei kamazhii leipo? Kadapokii nyiinii ringsii kalei Saraamah saraa kamaning ki teile; Saraanii tam kabam takumpii: “Ahnyii lung kito Inii lung tangle, sateichii ahnyii kak kito Inii nlai tangle, sateichii Inii ahnyii mah Saraa tei tiitangle ninado ahnyiinii gumei tiitangle.”

1 KORENMEI 6:19

Sateichii gonyii pum teinii gonyiinii Saraa dato doukalu, gonyii lungto kalei rangii kamatei mah kamatei kile katu gonyiinii timakpo? Sateichii gonyiinii gonyiimah roinamakle;

1 KORENMEI 3:9

Kadapokii nyiinii njoisii Saraa mah tha katiimeile; gonyiinii Saraa mah lubam, ninado Saraa mah ki teidole.