IPISAMEI 2:2 - KARANU KABI SAMTAM

² Tei tinglangki gonyiinii sazyii pouryiimah kashyii tai tei swisii, aitoi tinglang ki Saraanii katam swikasu sating nei sazyii kak kamarong kito apum tiisii kalei rangiimah teimaham hang gotei gonyiinii kaswisii leile.

IPISAMEI 2:2 Referans Kwoze

IPISAMEI 6:12

Kadapokii nyiigo ngoukarou saryiimei teinii pumzai phyiiryiikii makle, nlenii apum katiimei hang phyiiryiikii, teimaham kajum mei hang phyiiryiikii, kamyii ai sazyii pouryiimah apum katiimei phyiiryiikii, sating gam mah bam hang kito kashyii rangii tiisii kalei hang phyiiryiikii, saryii tiitang karam jangpiile.

1 JON 5:19

Nyiinii Saraamahle, sateichii sazyii pouryii hangnii sara kashyii kang nkangsii leile katu nyiinii tile.

IPISAMEI 2:3

Ai kak kito nyiihang ai tinglang hangninii kinii apum ninado lungswinii kamareitai tei swisii nyii pumnii kamaning kamarei kito lungsii leile. Teijangpii meinah lui kakimei takumpiinii, nyii ai nunuto Saraanii rakarhii mah nahmeile.

JONNII KARYII KABI RASAM JUKAMATI 12:31

Sazyii pouryii aigo samtak tiitang karam tinglang tei aitoile, sazyii pouryii mah apum katiimeigo baatoi tang karam tinglang tei aitoile.

IPISAMEI 5:6

Kapang kamang sam hangteipii gonyiigo meikaniido chuisii tamsii hem maluwo sulo; kadapokii katam swikasumei hang phyiiryii Saraa mah rakarhii gongliit tang karam teinii ai kakum hang jangpii sekle.

JONNII KARYII KABI RASAM JUKAMATI 8:44

Gonyii ai gonyii pfii seitan dateitole, sateichii gonyii pfii mah kamarei ka-ntha hang tiitang karam tei gonyii mah kamaning kamazhii teile. Ahnii nu saroisekto meigo kagi kabaameile sateichii kasang gotei kaswisii tha tiitang karam samah kado gale; dapochiinii ahda kasang tei gasang gale. Ahnii kachui sam katam kak nunuto kalei ahmah jai taiswisii malhiile, kadapokii ahnii kachuipiile ninado teimah pfii teile.

IPISAMEI 4:22

Teipiinii gonyiinii lungsii lei kalei tei tiilungtei gonyiigo lung matusii kalei kama kikii tiikakai mpoumah kamarei ka-ntha hangteipii tiimaga kalei, gonyiimah mei kaham tei rat toi ailo.

1 KORENMEI 6:11

Sateichii gonyii mei kangkanii teitakumpii leile. Nlenii nyii Bangpii Jisu Krista zei kito sateichii nyii Saraamah rangii kito gonyiigo shyiido shyii matei pyiitakle, tiido tiimateipyii takle sateichii tiido tiimajyii tiimatuipyii takle.

2 KORENMEI 4:4

Ahnyiinii malum makle, dapokii sazyii pouryii mah sara kashyii teinii ahnyii lungswi tei kamyii kikii kai aitakle. Saraamah njoi karei takum sek katu Kristamah pumtei kavamah kaang kabi rasam kito kagong, ahnyii phyiiryiito vakalei kava tei mpounii ahnyiigo mangou sutakle.

1 JON 5:4

Kadapokii Saraa dato manaa kalumei hang teinii sazyii pouryiigo ngamle sateichii sazyii pouryiigo jangsai tiikalu kangam tei aile, katunii, nyiimah kamalum teile.

1 JON 3:10

Saraamah nahmei tei tatapo, sateichii seitanmah nahmei tei tatapo katu aipii ngou wobuile: Kasang tiikasumei ninado mpou sanapiigo lungsyii kasu mei tei Saraa dato makle.

1 PITAR 1:14

Katam kaswi nahmei takumpii, gonyiinii tikasu tinglang kareiki pumzai mah kamaning ka- marei hangtei fiiloi supii,

MATIMANGOU KAPYII 20:2

Sateichii ahnii mwigatpwi, peipao sanhii katunii, sara kashyii mak-kii seitan, gotei jum wosii, tingkum tangkii jangpii ahgo rengpeinei sanii,

1 JON 4:4

Lungkasyii nahmei, gonyiinii Saraa mahle, sateichii gonyiinii ahnyiigo ngam wotakle, kadapokii gonyii dato kalei ah teinii sazyii pouryiito kalei ah sung kisii dikile.

1 PITAR 4:3

Jehu- dimei kasu lui kakimeinii kamarei hangtei tat tukalei tinglang kareiki gonyiinii tiikalei teipiinii buitakle. Dapokii matei kasu, pumzaimah kamarei ka-ntha, jousak kapanhii, meinah jai tiikasu, kajoushii katu, ninado ka-nraang tingtumah param hang go kamata kito gonyiimah tiilung tei lungtoi aitakle.

KOLOSIMEI 1:21

Gonyiiniikashyii katii ninado kamaning jangpii tinglang hang- niniiki gonyiinii Saraa dato dhiisii mpoumah ngou karoumei tiisii leile.

GALATIMEI 1:4

Nyii Pfii ninado nyii Saraamah kamaning kamarei taiswisii tingnei- shang kashyii kahong sazyii pouryii ki aito nyiigo keipyii tang karam jang- pii, mpou pum sektei nyii kem jang- piinii pyiitakle.

ROMMEI 12:2

Sazyii pouryii mei mah ajairali gotei poisulo, nlenii Saraanii kama- ning kamarei kabi sateichii lukai kamajyii sateichii bikamatui tei gonyii tikabui tiisii gonyii lung kali katu teipii tiikali ailo.

JEMS 4:4

Gonyii sapwimei sapfiimei kashyii kahong tha katiimei! Sazyii pouryiigo kanghe katii ai Saraago ngou karoumeile katu gonyiinii timakde? Teijangpii kata kangkanii sazyii pouryiigo kanghe tiikanyiimei teinii ah roinapiinii ahgo Saraamah angouroumei tiisii leile.

1 KORENMEI 5:10

Sazyii pou- ryiito kashyii kahong tha katiimeigo, mak-kii kadi chii kanyiimeigo, ting- tugo kamata meigo, kajasang kaja sulo katugo makle; kadapokii teitii leponii, gonyiinii sazyii pouryiito tat marei tang karam takle.

TIILAMLWI KAPYIIMEI THA JUKAMATI 5:3

Pitarnii mpou dakii tamle, “Ana- niyas, nangnii rangii kamatei dato choitang karam jangpii, sateichii joikalu teimah amai kiteito njai hangninii poi kabai wotang karam jangpii, seitannii golungto kada- jangpii tokryiisii bam takpo?

JONNII KARYII KABI RASAM JUKAMATI 15:19

Gonyii ai sazyii pouryii mah leponii; sazyii pouryiinii mpou mah sek takumpiinii gonyiigo lungsyii tangle. Nlenii gonyii gonii sazyii pouryii aito Inii kalai wotakle, sateichii gonyiinii teimah makle; teijangpii sazyii pouryiinii gonyiigo ngourou leile.

JONNII KARYII KABI RASAM JUKAMATI 14:30

Inii gonyiigo kaswisii karashii mathang wolak takle, dapodinchii sazyii pouryii mah apum katiipii tei gonglei takle, sateichii ahnii guphyiiryiito teimaham samah kado gale.

2 PITAR 2:14

Ahnyiinii meinou meinahgo ma- shung maha kanyiimah mikjot teipii tokryiile, sateichii mik tei kem kito shaatsang shaat makle. Ahnyiinii kasui rangiigo mphee kikii chyiikaile, ahnyii lung tei lukanyii teinii apum tiiwo takle; ahnyii teinii Saraanii sheeng kalei nahmei teile.

JONNII KARYII KABI RASAM JUKAMATI 16:11

sateichii samtak katii mah kaang kito, sazyii pouryii aimah apum katiipii gotei samtak tii aitakle.

JONNII KARYII KABI RASAM JUKAMATI 13:27

Sateichii tiirok chengniikii kapyii taito seitan teinii mpou lung liit totakle, teijangpii Jisunii mpou dakii tamle, “Nangnii tiitang karam tei kalangsii tii ailo.”

JONNII KARYII KABI RASAM JUKAMATI 13:2

Sateichii Saimon nah sapfii mpou Judas Iskariot lung kikii mpougo schoi choikai tang karam jangpii seitan nii reipii kaipyiisanii,

JONNII KARYII KABI RASAM JUKAMATI 8:23

Teito mpounii ahnyii dakii tamle, “Gonyiinii kangtole, Inii lou gamtole, Inii sazyii pouryii aito makle.

JONNII KARYII KABI RASAM JUKAMATI 7:7

Sazyii pou- ryiinii gonyiigo ngouroupei wolakle, nlenii sazyii pouryiimei mah tha ai shyiile honglesii Inii sazyii pouryii mah kaang kito sakchyii kapyii jang- piinii n-gunii ngouroule.

METIU 13:38

Lubam teinii sazyii pouryiile, Lwirou kabi tei sagong sazyii mah nah sapfiimei hang teile; rhiimah teinii kashyii mah nah sapfiimei hangteile;

MATIMANGOU KAPYII 13:8

Sateichii gikalei Jaonah mah karingmah larekbung kiteikii sazyii pouryii tii mpat kasunato zei ryiikai hai kasu, sazyii pouryiito lungkalei hangnii ahgo mata tangle.

1 JON 3:8

Kem katii ahteinii seitan datole, dapokii seitannii saroisekto kem tiile. Seitanmah tha tei tiimaga tang karam jangpii, Saraanah sapfii mpou gotei magongle.

JEMS 1:7

Kadapokii mpounii katiihang kito mpou swi tiidou kalak ninado lungsat kalu kaga sapfiimeile,

2 TIMOTHI 4:10

Kadapokii Demasnii sazyii pouryii aigo lungkasyii kito n-gu toi aisii Thesolonika ki tat tutakle; Kresens- nii Galatiyaki tat tutakle, sateichii Taitasnii Dalmotiyaki tat tutakle.

TIILAMLWI KAPYIIMEI THA JUKAMATI 19:35

Teito namdi mah karyiipii teinii meihang gotei malhii matusupii tamle, “He Ipisa ki sapfiimei! Ipisa ki namdi ai Artimis kadipei mah ninado sating gamto tak kahum tingtuparam kamatei kuitu mah sara kamaningki kakoibamle katu tikasumei ta leipo?

LUKNII KARYII KABI RASAM JUKAMATI 22:31

“Simon, Simon! julo, gonyiihang go seitan nii jai jutang karam jangpii kamazhii tei poiwo takle, kabimeigo kashyiimei kak kito poitaam tang karam jangpii, tha katiimeinii Gihuti tei araang kito poitaam katu ta- kumpiinii.

LUKNII KARYII KABI RASAM JUKAMATI 16:8

Teijangpiinii kasang kasu mahbam kajupii mah apumpii teinii mpougo tam matoile tei kakum kasang kasu tha katii jangpiinii; kadapochiinii sazyii pouryii meinah ainii ahnyiimah mah kajumhang kito kisii kasang mak buile kava kito kaleimei tei sung.

METIU 11:19

Meinah sapfii mpou teinii chiisii saksii gongle, sateichii ‘Julo, apokrai kadi ninado Jou kasakpii, aha kahamei ninado kem kama katiimei mah kangpiilesii ahnyiinii tamle,’ Teitii kido Saraa mah swirek aigo Ah mah tha hangteipii kasangle katu mangou pyiitakle.”

MATIMANGOU KAPYII 16:17

Sateichii sana kashang sating gamlui teinii ahmah koktei tingkai kikii rui mpat takle; sateichii Saraa kamaningki lungto rok kasagoi hang- ninanii sagongbam kiteito tatpatsii tamle, “Tei shang takle!”

MATIMANGOU KAPYII 13:14

sateichii karei saram- kow dateito tiimangou matutang karam jangpii ah dakii pyiikabam sung kaga hangteipii ahnii sazyii pouryiito lungkalei hang go chuisii hem wotakle, saryiikhangpii rajam wokido, ringkatu saramkow mah tingtu param hangninii ai sazyii pouryiito lungkalei hangnii tiilosii ahnii tam takle.

MATIMANGOU KAPYII 12:9

Ndou peipaomei mah sanhii, mwigatpwi sii kalat sara kashyii ninado seitan–- kasang kasupii chuisii kahem ah gotei sazyii pouryiikii toi m-mang aitakle, sateichii ahmah sating gamlui hangtei ahgo kaswisii toi m-mang aitakle.

METIU 13:22

Sateichii tu tiirat kak kikii ralikai kabam ahnyii teinii samtam tei shii wosii, sazyii pouryii swi kamaning ninado kani kahii kamarei teinii samtam gotei giitnei wosii ti mati leimakle.

MARK 4:19

sazyii pouryiigo kamarei, kani kahiigo kamarei mei ninado kaki kaki kamaning kamarei tei liitsii kabi sam gotei tiimaga kaleimei teinii, atu tiirat teinii pokpat giitrangsii ati mati kasu takumle.

IPISAMEI 1:21

Teikito Kristanii Sating gam apum katiimei hang, teimaham kajum meihang, pumtei hang ninado Abangmei hang phyiiryiito apum tiisii leile; sazyii pouryii aito roisupii gongtang karam sazyii pouryiimah zeihang doito sagoi kaki zei tei mpou dato leile.

IPISAMEI 2:11

Teijangpiinii maning gonglo, katunii, tinglang hangniniiki pumzai lamto luikakimei tiisii, pumzai lamto bahpiinii katii tiigyii kamalem kanat tiikalei meihangsii lat kaleimei teinii tiigyii kamalem kanat tiikasumei sii lat kalei gonyiinii,

IPISAMEI 2:13

Nlenii tinglang hangniniiki dhiisii kalei gonyiigo aitoinii Krista Jisu dato Kristamah zai teipiinii pang gong manangpyii takle.

IPISAMEI 4:17

Teijangpii Bangpii zei kito Inii gonyiigo kakhatsii tam leile; luikakimeinii kakadak lungswi hang kito lungkalei takumpii gonyii lungsii bamloi sulo.

IPISAMEI 5:8

Kadapokii tinglang kareiki gonyiinii kamyii kito leile; nlenii aitoinii Bangpii zei kito gonyiinii kava kito leitakle, teijangpiinii kavamah nahmei takumpii tatlo.

JEMS 1:27

Nyii Pfii Saraa doito kamatei ninado kahong kaga kanat teinii: pwi pfii kagamei sateichii kamipwimeigo ahnyiimah kamage kalak kito jukaha sateichii mpougo sazyii pouryiimah kashyii kahong kito rum matu kasu aile.