IPISAMEI 2:18 - KARANU KABI SAMTAM

¹⁸ Jehudimei kado, luikakimei kado nyiihangnii rangii hangninii kito pfii doi gongliit kabui teinii Kristamah paikitole.

IPISAMEI 2:18 Referans Kwoze

IPISAMEI 3:12

Mpougo nyiinii kamalum paikito ninado nyiinii Kristago hangninii tiisii nja kalu kito, maning kamalum hangteipii lungnyii lunghou katu gasii lungdisii Saraa doi liit tang karam tei nyiinii doule.

1 KORENMEI 12:13

Kadaponii Jehudimei kado, Grikmei kado, Kabangmei kado, laat kabam mei kado, nyiihang go rangii hangninanii apum hangninii kikii dwi mpum pyiibam takle, sateichii rangii hangninii kito sak matu tang karam jangpii meihang go tiibam takle.

ROMMEI 5:2

Mpou paikito aitoi nyiinii lung kalei Saraa mah jumage kapyii ai doutakle, sateichii Saraa mah pumtei kava mah njai tei nyiinii doutang karam kamalum jangteipii ntale.

IPISAMEI 4:4

Saraanii gonyiigo lat kalu kitei maning kamalum hang- ninii kiteikii lat kalu takumpii teiki tei pumpot hangninii sateichii rangii hangninii,

JONNII KARYII KABI RASAM JUKAMATI 14:6

Jisunii mpougo khekalatle, “Pwi- dido, kasangdo sateichii karingdo I-le, gu paikito supii meikaniido Pfii datei gong womakle.

JONNII KARYII KABI RASAM JUKAMATI 10:9

Inii takam teile, mei kata hangninanii gudato liit leponii, ahgo keipyii tangle sateichii ahnii tatpat tatliitsii hiiboi kabi tei doutangle.

JONNII KARYII KABI RASAM JUKAMATI 10:7

Teipiinii Jisunii ahnyii dakii nlailoisii tamle, “Kasang kasangpii Inii gonyii dakii tam leile, Inii Jaomah takam teile.

KOLOSIMEI 1:12

kama- teimei hangnii kava kito doukamajyii mahtou kiteito njai dou njoi matu- tang karam jangpii nyiigo tiimajyii kapyii tiikapyii pfii dakii hakalang tamlo.

GALATIMEI 4:6

Gonyii ai mpounah sapfiimei hangle katu mangoutang karam jangpii “Abba! Gu Pfii!” Sii saa ka-mpat, mpounah sapfii mpoumah rangii tei Saraanii gonyii lung kikii langkai pyiitakle.

ROMMEI 8:15

Kadaponii gonyii dakii Saraanii pyii kabam rangii teinii gonyiigo kabangnah tiimatu makle sateichii hingmatu makle, nlenii rangii teinii gonyiigo Saraa mah nahmei tiimatupyii takle, sateichii rangii mah teimaham teipii nyiinii Saraa dakii saa mpatle “Abba, Katunii Pfii-o.”

1 PITAR 3:18

Kadapokii Saraa dakii pang gong pyii tang karam jangpii, kakui kama meihang jangpii kasang kamajyii katunii, Kristaniido kem jangpii binii taipyii takle hang jangpii; mpougo pumpot lamto tai malei takle, nlenii rangii lamto ringkhii matu takle;

IPISAMEI 6:18

Sateichii nlai katang tei lung leh kati teipii machyiigatsii, kama- teimei hang jangpii riita hasii, riita kakhang ninado meijangpii riita kaha hang teipii, tinglang kaleita rangii haisii riitalo.

1 KORENMEI 8:6

nyiijangpiinii Saraa hangninii, katunii, Apfii tei leile; mpou dato mahlyii hang patle, sateichii nyiinii mpou jangpii ring leile, sateichii Bangpii hangninii katunii, Jisu Krista tei leile; mpou paikito mahlyiihangdo nyiihangdo ring leile.

HEBRUMEI 7:19

Kadapokii Moses mah ajaiting- shang teinii samah kado bimatwi matu womakle, sateichii kisii bikaki maning kamalum gotei pung gongpyiile, teimah paikito nyiinii Saraa mah bam kitei manang gongle.

IPISAMEI 3:14

Ai kaang jangpii sating gamto ninado sazyii pouryiito kalei kikalung mpung hangnii mpou dato zei tak kabam,

JUD DATO KAGONG CHITI JUKAMATI 1:20

Nlenii lungkasyiimei, gonyiinii kamatei kamalum kiteikii gonyii roinapii gonyiigo makot makhiijousii leilo, rangii kamateimah teimaham haisii riitalo.

1 PITAR 1:21

Katai kito tiimaring kapyii sateichii pumtei kava kapyii Saraa gotei, mpou paikito gonyiinii malumle; teijangpii gonyii mah kamalum ninado maning kama- lum tei Saraa dakii mik leeng bamle.

1 PITAR 1:17

Sateichii kaghu kapang mei- hangmah tha taiswisii samtak katii ah gotei gonyiinii Apfii sii lat leponii, gonyiimah sazyii pouryiimah tiilung tei ahgo hingsii lunglo.

METIU 28:19

Teijangpii gonyiinii maasii, lui hang go gutai kaswimei tiipyiilo, Apfii, anah ninado rangii kamatei zei kito dwi mpum pyiilo;

JEMS 3:9

Tei teipiinii nyii Bangpii, nyii Pfiigo nyiinii hakalang tamle, sateichii teiteipiinii Saraamah njoi kito tiikabam meinahgo nyiinii sheengle.