IPISAMEI 2:16 - KARANU KABI SAMTAM

¹⁶ Mpounii Krosh gamto taikapyii teipii ahnyii mah kangourou kalei hangtei tiimagapyii takle. Krosh teipiinii lui hangna gotei pum hangninii kikii jum njapyii takle; sateichii ahnyiigo Saraa dakii pang nlaigong pyii takle.

IPISAMEI 2:16 Referans Kwoze

ROMMEI 5:10

Nyiinii Saraago ngou karoumei tiisii leile, nlenii mpounah sapfii mpounii taikapyii paito mpounii nyiigo mpou kangmei tiipyiile. Aitoinii nyii ai mpou kangmei tiikalutai swisii, Kristanii taikapyii teipii kadaziika kisii nyiigo keipyii tangpo!

KOLOSIMEI 2:14

Nyiidato ti katheisii kalei nyiigo mazhii supii ngourousii kalei ajaitingshang teimah abah zaimah samret tei piit toipyiisii, teitei krosh gamkii jotpyii geekai pyiisii, nyiikak kito teitei mpounii poitoi pyiitakle.

IPISAMEI 2:15

Sateichii mpougo njasii hangninii tiikalu kito kasatai meilui hangninii tiimatu tang karam jangpii, Jehudimei mah kakhatsam ninado ajaimah ajaitingshang gotei mpounii tiimagapyii takle. Aitiisii mpounii tiimajung pyiile.

GALATIMEI 2:20

Teipiinii ringkalei ai I-makle, nlenii gulungto ringkalei ai Kristale. Inii aitoi ringsii kalei tiilung ai, n-gu lungsyiipyiisii gujangpii mpoumah karing kapyii, Saraa nah sapfii mpougo kamalum kito Inii ring leile.

ROMMEI 8:3

Kadapokii apum azainii kasui taiswisii ajaitingshangnii tiipei kalak tei Saraanii tiipyii takle: Saraanii mpounah sapfii mpou gotei kem katii pum zai mah jaitalui kito sateichii kem jangpii m-mang pyiisanii pum kito kalei kem gotei tam mashyii aitakle,

ROMMEI 8:7

Teijangpii- nii apum azai mah kamaning teinii Saraa go ngou karoumeile; kadaponii teitei Saraa mah ajaitingshang kang nkang makle sateichii nkangdo nkangpei wolakle;

ROMMEI 6:6

Kem katiipum tei tiimaga tang karam jangpii, sateichii kem kito kabangnah tiisii mbamlak tang karam jangpii nyii mah kaham mei tei mpougo kaswisii Krosh gamkii gi aitakle katu tei nyiinii tile.

1 KORENMEI 10:17

Kadapokii nyii moikado, tiirok hangninii, pum hangniniile, kadapokii nyii hangnii tiirok hangniniimah njai tei dou njoile.

IPISAMEI 3:6

Kamakum teinii kabi rasam paikito luikakimei hangteinii Sara- amah satoi doutang karam kito Jehudimeigo kaswisii njai bamle, ahnyii ai pumpot hangniniimah nsang nsangle ninado Saraanii pyiitanglesii mpounah Krista Jisu paikito riishii tiikabam mah njai poi njoi katumeile.

IPISAMEI 4:4

Saraanii gonyiigo lat kalu kitei maning kamalum hang- ninii kiteikii lat kalu takumpii teiki tei pumpot hangninii sateichii rangii hangninii,

KOLOSIMEI 3:15

Sateichii Kristamah kamajung teipii gonyii hang lung kito apum tiimatulo; gonyiigo teijangpii apum hangninii tiisii latdo latpyii takle; sateikii gonyiinii hakalangdo tamlo.