IPISAMEI 2:15 - KARANU KABI SAMTAM

¹⁵ Sateichii mpougo njasii hangninii tiikalu kito kasatai meilui hangninii tiimatu tang karam jangpii, Jehudimei mah kakhatsam ninado ajaimah ajaitingshang gotei mpounii tiimagapyii takle. Aitiisii mpounii tiimajung pyiile.

IPISAMEI 2:15 Referans Kwoze

KOLOSIMEI 2:14

Nyiidato ti katheisii kalei nyiigo mazhii supii ngourousii kalei ajaitingshang teimah abah zaimah samret tei piit toipyiisii, teitei krosh gamkii jotpyii geekai pyiisii, nyiikak kito teitei mpounii poitoi pyiitakle.

GALATIMEI 3:10

Ajaitingshang mah tha hang go bhangsii ringkalei meihangtei Saraa- mah kaseeng kangto leile. Kadaponii aitiisii tamle, “Ajaitingshang bung kikii ryiikabam mahlyiihang tei tinglang kaleita swikasu mei teinii Saraa mah kasheeng kangto leile!”

HEBRUMEI 8:13

Sat tang karam karanu samtam mah tam kalei aipii karei hangninii gotei Saraanii teimaham pyii aitakle; sateichii mah kata hangninii hamkalei ninado kaham katu tei kalangsii gatu tangle.

KOLOSIMEI 3:10

Sateichii teigo tiikapyii mah khii njoi taiswisii swikati kito tiiranu tiisatei kabam, mei kasatai gotei nat kai kalei takum kai wotakle.

KOLOSIMEI 2:20

Gonyiinii Kristago kaswisii taitakle sateichii sazyii pouryiigo apum katii rangii hang kito laat mpatpyii aitakle; tei tiileponii, Gonyiinii sazyii pouryii kangto kalei takumpii dajangpiinii lungleipo?

GALATIMEI 6:15

Kadapokii tiigyii kamalem mak-kii tiigyii malem kasu teinii samah kado makle, nlenii kasatai baichem teile.

GALATIMEI 3:28

Jehudimeido, Jehudimei kasu luikakimeido thamki makle, apum meido, kikaleimei do taamki makle, sapfiimeido, sapwi- meido tam kimakle, kadaponii gonyiinii Krista Jisugo kaswisii hangninii tiikalu kito gonyii hang ai hangniniile.

IPISAMEI 4:16

Mpou kangto pum- potmah njai katham katham hang ai poi kadoubamle sateichii pumpot matum ai pyiisii kalei shang shang hangteipii jum kajabamle. Teipiinii pumpot mah njai katham katham nsang teinii tiigatpii tha katii tinglang kak pumpot matum madum ai lungkasyii paikito dikhiile sateichii tiimakhiile.

2 KORENMEI 5:17

Teijangpii mei kata hangninanii Krista dato leileponii, ahnii karanu baichemle; kaham tei tat maju aitakle; julo, karanu tei gong takle.

HEBRUMEI 7:16

Mpounii pumzai mah ajaitingshang taiswisii makle, nlenii kalui kaga karing mah teimaham taiswisii kanat kajum Atingmei tiiwo takle.

HEBRUMEI 9:23

Teijangpii sating gam mah mah hang mah njai poisii kalei hang go kanat aihang piinii tiimatei tang karam sekle, nlenii sating gam mah mah hang teinii aisung kisii kabi kakarat hangtei liit tangle.

IPISAMEI 2:10

Kadapokii Saraanii reipii tiida kabam kabi tha hang kito nyiinii tat matutang karam jangpii, Krista Jisu dakii tii mpat kabam nyii ai mpoumah tha katiimei takle.

IPISAMEI 2:14

Kadapokii Jehudimei ninado lui kakimei hang go hangninii tiipyiisii Krista pum- sekpiinii nyiigo kamajung kamakung tei pung gongpyiile. Ahnyiigo chyii kapaksii sateichii kangourou matusii kalei mbaang gotei mpou pum sekpiinii mpounii tiipak aitakle.

IPISAMEI 2:16

Mpounii Krosh gamto taikapyii teipii ahnyii mah kangourou kalei hangtei tiimagapyii takle. Krosh teipiinii lui hangna gotei pum hangninii kikii jum njapyii takle; sateichii ahnyiigo Saraa dakii pang nlaigong pyii takle.

KOLOSIMEI 3:11

Kasatai mei aikito, Grikmei ninado Jehudimei, tiigyii malem kaleimei ninado tiigyii malem kasumei, dikhiikasumei, meijai tika- sumei, kabangmei ninado Abangmei katu gale, nlenii Kristanii mahlyii hangle, sateichii mahlyiihang kito leile.

KOLOSIMEI 3:15

Sateichii Kristamah kamajung teipii gonyii hang lung kito apum tiimatulo; gonyiigo teijangpii apum hangninii tiisii latdo latpyii takle; sateikii gonyiinii hakalangdo tamlo.