IPISAMEI 2:12 - KARANU KABI SAMTAM

¹² tei tinglangki Krista dato dhiisii, Isrelmeimah sazyiinah doito sapumnah tiisii sa- teichii pyiitanglesii riishii tiikabam sat tang karam samtam hang kito gonyiinii luikakimei tiisii, maning kamalum kaga ninado sazyii pou- ryiito Saraa haikasumei tiisii leile.

IPISAMEI 2:12 Referans Kwoze

GALATIMEI 4:8

Gonyiinii Saraago tisupiinii kalei karei tinglangki, nunuto sara kasuhang go gonyiinii maningsii leile.

KOLOSIMEI 1:21

Gonyiiniikashyii katii ninado kamaning jangpii tinglang hang- niniiki gonyiinii Saraa dato dhiisii mpoumah ngou karoumei tiisii leile.

1 PITAR 1:3

Nyii Bangpii Jisu Kristamah Apfii ninado Saraa gotei tam matoile! Mpoumah kadi lungset kati teipii Jisu Kristanii katai kito ringkakhii teipii mpounii nyiigo karanu tiilung tei pyiile. Aipii nyiigo taikalak karing maning kamalum teipii tiitokryii pyiile.

1 THESOLONIKAMEI 4:13

Nlenii kangsanamei, maning kamalum kaga kakimei takumpii gonyiinii lungswi kamagelak tang karam jangpii taikaleimeimah kaang kito gonyiinii tikasu tei nyiinii mareimakle,

IPISAMEI 4:18

ahnyii teinii ahnyiimah swi kati kiteito tii m-myii aitakle. Ahnyii lung katei jangpii, ahnyiimah lungswi tei myiigongsii ahnyii Saraamah rangii dato sapum- nah mitutakle.

1 THESOLONIKAMEI 4:5

gonyii meihangnii mpou mpou nougo kamatei ninado dzyii ka-nrou kito lungti tang karamle.

JONNII KARYII KABI RASAM JUKAMATI 15:5

“Darkha bangtei I-le, kha hang- tei gonyiile, gudato taksupii kalei ninado Inii ah dato taksupii kalei ahteinii ti hangniikii matile; kada- pokii I-haisupiinii gonyiinii samah kado tiipei wolakle.

HEBRUMEI 6:18

Teipiinii ai tha hangna katunii, kalipei wokalak ninado Saraanii chuipeiwo kalak kaang ai leile. Teijangpiinii mpougo kaswisii nsungbam doukalumei nyiihang go nyiidoito kalei maning kamalum kiteito makhiipyii takle.

ROMMEI 9:8

Ainii tam katunii pum zai mah nahmei teinii Saraa mah nahmei makle, nlenii riishii tiipyii kabam nahmei gotei kasang taa nahmai lesii poileile.

1 PITAR 3:15

Nlenii gonyii lung kito Krista ai Bangpiilesii sadzyii ngariit tiilo. Gonyii lung kito kalei maning kamalum mah kaang tei gonyii dato n-nhii katumei hang go kekhalatpyii tang karam jangpii tinglang kaleita tiikadasii leilo, nlenii lung kamanoi ninado sadzyii ngariit katii tei njasii tiilo.

TIILAMLWI KAPYIIMEI THA JUKAMATI 28:20

Teipiinii aijangpii Inii gonyiigo kadoutang karam sateichii karashii njoitang karam jangpii lat leile. Ka- daponii Kretmeinii maning malumsii kalei mpou jang teipii n-gu bah sagyii rangkat aipii peibamle.”

TIILAMLWI KAPYIIMEI THA JUKAMATI 3:25

Gonyiinii Lungkakalingmei mah ninado Sa- raanii gonyii-pei paomei dakii riishii tiikabam nah sapfiimei hangle; riishii tiikabam kiteito Saraanii Abraham dakii tamle, sateichii gotat goreng kito sazyii pouryii kalung mpung hangnii satoi tei doutangle.

1 JON 3:3

Sateichii mpougo maning kamalum meihangnii, mpounii kamatei takumpii mpou roinapii mpougo tiimateile.

1 PITAR 1:21

Katai kito tiimaring kapyii sateichii pumtei kava kapyii Saraa gotei, mpou paikito gonyiinii malumle; teijangpii gonyii mah kamalum ninado maning kama- lum tei Saraa dakii mik leeng bamle.

HEBRUMEI 11:34

Ngoukahing migo tiimiit wotakle, saryiikhang mah mwi kito nlek wotakle, kasui kiteito teimaham doutakle, saryii kito kadi kathang tiiwo takle, sapumnah hangmah saryiimei hang go baatoi takle.

1 TIMOTHI 1:1

Nyiigo Keikapyii Saraa ninado nyiinii kamalum Krista Jisumah mwija taiswisii Krista Jisumah tiilamlwi kapyiimei hangninii tiisii kalei Pol dato.

2 THESOLONIKAMEI 2:16

Aitoinii nyii Bangpii Jisu Krista pum sekpii sateichii gonyiigo lung- syii kapyii, kalui gasii nyiigo tii-nta kapyii, sateichii jumage kapyii pai- kito bisii maning kamalum kapyii, nyii Pfii Saraa teinii gonyii lung tiisamoupyii matulo,

KOLOSIMEI 1:27

Saraanii kamaning teinii mpounii meihang jangpii kabam kani kahii ninado pumtei kavamah kamakum tei mpoumah meihang go timatu tang karam jangpiile. Sateichii kamakum teinii gonyii lung kito Krista leile. Katunii, Saraamah pumtei kava tei gonyii njai dou njoi tangle.

KOLOSIMEI 1:5

Kasang samtam katunii, kabi rasam teinii gonyiida gong kareiki, teiteinii pyiisii kalei maning kamalum mah kaang tei shiitakle, teipiinii gonyiimah kamalum ninado lungkasyii teinii gonyii jangpii sating gamkii kaidek kabam gonyiinii maning malumsii kalei taiswi takle.

JONNII KARYII KABI RASAM JUKAMATI 10:16

Sateichii jaokoi aiki haikasu gumah jao kakido leile; ahnyii goteido Inii pang gong tang karamle, ninado ahnyiinii gumah roktei shii tangle; sateichii ahnyiinii Jaoka- koipii hangniniigo kaswisii jaokoi hangninii tiitangle.

JONNII KARYII KABI RASAM JUKAMATI 4:22

Gonyiinii tikasu gotei matale, nyiinanii nyiinii kati gotei matale, dapokii keikapyii karing teinii Jehudimei datole.

LUKNII KARYII KABI RASAM JUKAMATI 1:72

Nyii pei nyii paogo jumage kapyii tei mangou tang karam jangpii, sateichii mpoumah sat tang karam karanu samtam hangtei maning matu tang karam jangpii,

TIILAMLWI KAPYIIMEI THA JUKAMATI 2:39

Kadapochiinii gonyii dakii, gonyii nahmei dakii, sateichii kadhii kito kaleimei hang dakii, nyii Saraa Bangpiinii latpyii tang karam meihang dakii riishii tiikabam tei bamle.”

IPISAMEI 2:19

Teijangpii gonyii luikakimei hangtei luikakimei mak-kii, sapum- nah sutakle, nlenii aitoinii gonyii hang ai Saraamah meihang go njoisii kaswisii kalung sazyii nahmei takle, sateichii Saraamah kikalung mpungki kahaimei hang takle.

HEBRUMEI 8:6

Nlenii ai- toinii Jisunii Saraa ninado mpoumah meihang kak kiteikii sat tang karam samtam hangninii tiida kapyii tei bibwi katu takumpii, ahnyiimah sung kisii bikaki kanat kajum atingmei tha tei mpou dakii pyiibam takle. Kadapokii ai ai kisii kabi riishii hang phyiiryiito tiibamle.