IPISAMEI 2:10 - KARANU KABI SAMTAM

¹⁰ Kadapokii Saraanii reipii tiida kabam kabi tha hang kito nyiinii tat matutang karam jangpii, Krista Jisu dakii tii mpat kabam nyii ai mpoumah tha katiimei takle.

IPISAMEI 2:10 Referans Kwoze

PILIPIMEI 2:13

dapokii mpoumah kamaning kamarei jangpii tiikanyii kamaning ninado katam swimatu tang karam jangpii tinglang kaleita Saraanii gonyii lung kito tha tiisii leile.

KOLOSIMEI 1:10

Saraago kati kito kibui buisii sateichii kabi tha katiilyii kito ti matisii mpou doito matwi mashangsii djyii karanga tiisii, Abangpiinii kamarei tiilung tei lung matutang karam jangpii.

HEBRUMEI 13:21

Kamajungmah Saraa teinii Jisu Krista paikito mpou mikjot kito dzyii karanga tei nyii lung kito tiipyiisii, mpoumah kamaning kamazhii tiitang karam jangpii kabi tha hang kito gonyiigo tiimatui tiimashangpyii matulo; ahgo kalui tiisupii tam kamatoi tei matulo, Amen.

2 KORENMEI 5:17

Teijangpii mei kata hangninanii Krista dato leileponii, ahnii karanu baichemle; kaham tei tat maju aitakle; julo, karanu tei gong takle.

2 KORENMEI 9:8

Gonyiinii gonyii jangpii kamarei hangtei tinglang kaleita doumatu tang karam jangpii sateichii kabi tha hang jangpii buikatusung kisii dou- matu tang karam jangpii, gonyiinii kamareisung kisii Saraanii pyiiwo buile.

IPISAMEI 4:24

Sateichii Saraamah njoi kasang kamajyii nina- do kamatei kito tiikabam kasataimei jailui tei gonyiinii kai wolo.

PILIPIMEI 1:6

Teijangpii gonyii lungto ai ai kabi tha tiihao kapyii Saraa teinii Krista Jisu mah leimik piinei katang tei, lui kasuta kaswisii tha tiijou pyii tangle katu tei Inii malumle.

2 TIMOTHI 3:17

Madhii pyiitang karam jangpii kama gotei n-gitang karam jangpii, tiimajyii pyiitang karam jangpii, sateichii kasang kamajyii tiilung lungtang karam mah kaang kito tiiralipyii tang karam jangpii ai bile.

IPISAMEI 4:1

Teijangpii gonyiigo lat kalu kiteito tiigatpii matwisii lung pyiilosii, Bangpii jangpii kabangki kaleimei hangninii tiisii kalei Inii gonyii dato khangleile.

2 TIMOTHI 2:21

Teijangpii mei kata kangkanii mpou roinapiinii mpougo kamala kito aihang tiimatei aitakle- ponii, mpounii maihungsii kajum tiimatei kalei ki apumpiinii jumtang karam jangpii kabi, sateichii tha kabi hang jangpiinii tiida kabam koklat hangninii tiitangle.

TAITAS 2:14

Mpounii nyiigo kakui kama hang kito poi mpatpyii tang karam jangpii satei- chii nyiigo mpou kuto kalei kama- teimei tiimatu tang karam jangpii sateichii tha kabi tiinyii matutang karam jangpii mpou pumsek tei mpounii nyiijangpii pyiile.

IPISAMEI 1:4

Nyiinii matei matu tang karam jangpii sateichii mpou doito sajek tei gamatu tang karam jangpii, Kristago nyiinii nja kalu paikito mpou mei tiimatu tang karam jangpii, sazyii pouryii tii mpat kasunato, Saraanii nyiigo kalaibam takle. Mpoumah lungkasyii jangpii.

1 TIMOTHI 6:18

Ahnyiinii kabi tei tima- tulo, kabi tha kito mahni matulo, meigo pyiiti matu katu ninado seiti matulo;

TAITAS 3:14

Sateichii nyiimah mei hang teinii tikasu tiimatulak tang karam jangpii, pat kalak liit kalak kito tiiha tang karam jangpii kabi tha katii kiteikii nyiihang mah tinglang tei pyiirali matulo.

HEBRUMEI 10:24

Hangninanii hangniniigo tiihasii lungkasyii mangou tang karam ninado kabi tha tiitang karam jangpii, hangninanii hangninii jang- pii maningde.

TAITAS 3:8

Tam kalei ai kasangle, Saraago kamalum mei teinii kabi tha tiitang karam jangpii, ahnyiimah tinglang tei ahnyii roinapii jumatou kabui tiisii nangnii tiigatpii kaang aihang ai tam kapyii Inii mareile, aihang ai meihang jangpii bi kabui ninado liipat doukabui mareile.

KOLOSIMEI 3:10

Sateichii teigo tiikapyii mah khii njoi taiswisii swikati kito tiiranu tiisatei kabam, mei kasatai gotei nat kai kalei takum kai wotakle.

TAITAS 2:7

Mahlyiihang kito goroinapii n-go tha kabi jangpii nda tiisii mangoulo.

1 KORENMEI 3:9

Kadapokii nyiinii njoisii Saraa mah tha katiimeile; gonyiinii Saraa mah lubam, ninado Saraa mah ki teidole.

1 PITAR 2:12

Gonyii kashyii tha katiimei lesii gonyiigo ahnyiinii tam tuleponii, gonyiimah tha kabi hangtei ngoukabui tiisii sateichii mpounii kagong piinei leimik nyiinii Saraago tam matoi wokabui tiisii lui kakimei hang kak kito gonyiimah jairali tei bitang karamle.

TAITAS 3:1

Ahnyiinii apum katiimei satei- chii teimaham kajum mei kang nkang matu tang karam, katam swimatu tang karam, sateichii kabi tha tiitang karam jangpii tiida kabui tiisii,

1 JON 2:6

Saraa dato leilesii tamsii kalei ah teinii Jisu Kristanii tat kalei takum- piinii mpouniido tat tang karamle.

METIU 5:16

Teitakumpii gonyiimah tha kabi tei meihangnii ngou wosii sating gamto kalei gonyii pfiigo tam matoi matutang karam jangpii gonyii mah kava tei meihang doito vamatulo.

JONNII KARYII KABI RASAM JUKAMATI 3:21

Nlenii kasang tiisii kalei ah teinii, ah mah tha tei Saraa dato tiileile katu tei mati mangou tang karam jangpii, kava kutei gong leile.

2 THESOLONIKAMEI 2:17

sateichii kabi tha ninado samtam hang kito tiimashangpyii matulo.

ROMMEI 8:29

Kadaponii mpounii reipii juti kalumeigo mpou nah sapfii mpou- mah jaitalui gotei njoi matu tang karam jangpii ndouto reipii tiikada aitakle. Nah sapfii mpou teinii kangsanamei hang kak kito manaa karei tei tiimatu tang karam jangpiile.

TIILAMLWI KAPYIIMEI THA JUKAMATI 9:31

Teitinglang kak Judiya, Galili ninado Samariya hangki rangii kamatei paito charsh hang go tiimakhii pyiisanii kamajung tei dou wole; sateichii Bangpii go sadzyii ngariit katii kito ninado rangii kamatei mah jumage kapyii kito meilui moibuibui pat tutakle.

2 KORENMEI 5:5

Tiikakali aijangpii nyiigo tiida kapyii tei Saraale sateichii nyii jang- pii koikabam hangtei pyii mashang ling tangle katumah kamazhii tiisii mpoumah rangiitei mpounii nyiigo pyiile.

1 TIMOTHI 5:25

Teitakumpii tha kabi hangtei ngoule, sateichii mangou mak kido kabaipeiwo lakle.

1 TIMOTHI 2:10

Kanat kabi pwilesii tam kalei sapwimei jangpii ai ai tiimajyiile.

1 TIMOTHI 5:10

Sateichii mpoupeinii tha kabi hang jangpii zei katat katunii, mpoupeimah nahmeigo tiigatpii makot kamakhii, juti kasu saba- meigo pyiichii kaleimeigo tiikaha, sateichii mahlyii hang kito mpoupei roiniipii kabi tiitang karam jangpii lungswi pyiisii leileponii, mpoupeigo kamipwimei mah safii kitei haimatulo.

1 JON 1:7

Nlenii mpounii kava kito kalei takumpii nyiinii kava kito tat leileponii nyiinii hangninanii hang- niniigo nja katumah njai dou njoi katu tei leile, sateichii mpounah sapfii mpou Jisumah zai teipiinii kem hang kito nyiigo tiimatei pyiile.

TIILAMLWI KAPYIIMEI THA JUKAMATI 9:36

Sateichii Jopa kito zei Tabitha sii kalat, kadat mpat sek-kii Dorkas sii kalatpei sapwimei boumei mei hangninii bamle, sapwi mpei ainii taksupii tiikalei hangtei tha kabipii ninado lungsyii lungset kati piinii tokryiile.

GALATIMEI 6:15

Kadapokii tiigyii kamalem mak-kii tiigyii malem kasu teinii samah kado makle, nlenii kasatai baichem teile.

ROMMEI 8:1

Teijangpiinii aitoinii Krista Jisudato kaleimeihang go tam kamashyii tei gatakle.

IPISAMEI 2:2

Tei tinglangki gonyiinii sazyii pouryiimah kashyii tai tei swisii, aitoi tinglang ki Saraanii katam swikasu sating nei sazyii kak kamarong kito apum tiisii kalei rangiimah teimaham hang gotei gonyiinii kaswisii leile.

IPISAMEI 1:1

Saraamah kamaning kito Jisu kristamah tiilamlwi kapyiimei I-Pol dato– Iphisas kito kalei kamateimei ninado Krista Jisugo njasii ahnyiimah tiilung kito lungsii kalei malum kabuimei dakii:

IPISAMEI 2:6

Nyiinii Krista Jisu kaswisii hangninii tiisii nja kalu kito mpougo kaswisii sating gam sazyii kito kaswisii apum tiimatu tang karam jangpii mpougo kaswisii nyiigo mpounii tiimaringpyii takle.

IPISAMEI 2:13

Nlenii tinglang hangniniiki dhiisii kalei gonyiigo aitoinii Krista Jisu dato Kristamah zai teipiinii pang gong manangpyii takle.

IPISAMEI 2:15

Sateichii mpougo njasii hangninii tiikalu kito kasatai meilui hangninii tiimatu tang karam jangpii, Jehudimei mah kakhatsam ninado ajaimah ajaitingshang gotei mpounii tiimagapyii takle. Aitiisii mpounii tiimajung pyiile.