IPISAMEI 2:1 - KARANU KABI SAMTAM

¹ Gonyii mah kama ninado kem hang jangpii gonyiinii tai kalei kito mpounii gonyiigo tiimaringpyii takle.

IPISAMEI 2:1 Referans Kwoze

KOLOSIMEI 2:13

Sateichii kama ninado gonyiimah pumzai kito tiigyii malem kasu hang kito tai kaleimei gonyiigo nyiimah kakui kama hangtei magapyiisii mpougo kaswisii, Saraanii tiimaring pyiile.

ROMMEI 8:2

Kadaponii Krista Jisu dato kalei karing mah rangii mah ajaitingshang teipiinii n-gu kem sateichii katai mah ajaitingshang kiteito laat mpatpyii takle.

IPISAMEI 4:18

ahnyii teinii ahnyiimah swi kati kiteito tii m-myii aitakle. Ahnyii lung katei jangpii, ahnyiimah lungswi tei myiigongsii ahnyii Saraamah rangii dato sapum- nah mitutakle.

JONNII KARYII KABI RASAM JUKAMATI 5:21

Kadapokii Pfiinii kataimeigo tiimaring pyiisii ring- matu katu takumpii nah sapfii mpou teiniido mpounii ringmatu kanyii ahnyii gotei ringmatule.

1 JON 3:14

Nyiinii katai kito majusii karing kitei liit takle katu nyiinii tile, dapodinchii nyiinii nyii sanameigo lungsyiile. Lungsyii kasu ahteinii katai kito taksupii leile.

JONNII KARYII KABI RASAM JUKAMATI 14:6

Jisunii mpougo khekalatle, “Pwi- dido, kasangdo sateichii karingdo I-le, gu paikito supii meikaniido Pfii datei gong womakle.

IPISAMEI 5:14

Teijangpii aitiisii tamle, “Gungkhii wolo; O, ziitsii kalei nang, sateichii katai kiteito ringkhii wolo, sateichii Kristanii go phyiiryiito vapyii tangle.”

1 TIMOTHI 5:6

Nlenii mpou- pei roinapiinii kasamou kiteikii pyiisii kalei kamipwipei teinii mpou- peinii ringsii leikado, mpoupeinii taitakle.

JONNII KARYII KABI RASAM JUKAMATI 5:25

Inii gonyii dakii kasangpiinii tam leile, kataimeinii Saraa nah sapfii mpou mah rok shiitang karam tinglang tei gonglei takle–tinglangtei gongtakle, sateichii roktei shiikalu meihangnii ringtangle.

1 KORENMEI 15:45

Kadapokii kabi rasam kito tamle, “Meinah karei reisang, Adam, gotei meinah karing hangninii tiipyiile;” nlenii kana nasang, Adam teinii karing kapyii rangii teile.

JONNII KARYII KABI RASAM JUKAMATI 10:10

Karagamei teinii raga tang karam jangpii ninado gitang karam jangpii sateichii tiimaga tang karam jangpii roinii gongle. Inii gonyiinii karing tei doumatu tang karam jangpii sateichii teitei moisii doumatu tang karam jangpii gongle.

MATIMANGOU KAPYII 3:1

“Sardis kito kalei Charshmah rangii dakii ryiilo, Saraamah rangii sana sateichii sageiti sana kalei Ah teinii sam hang ai tam leile, Inii gomah tha hangtei tile, nangnii karing mah zei doukalei tei Inii tile, sateichii nangnii kataile.

LUKNII KARYII KABI RASAM JUKAMATI 15:32

Nyiinii nta nlang kajyiile, kadapochiinii ai, go taikarhiipii ainii katai kito ring takle; sateichii maga kalei kito douwo takle.’ ”

LUKNII KARYII KABI RASAM JUKAMATI 15:24

Kadapochiinii gunah sapfii mpou ai tai kalei kito ringloi takle,’ sateichii ahnyiinii nta nlangtu takle.

METIU 8:22

Nlenii Jisunii mpou dakii tamle, “Gutai swi wolo, sateichii kataimei teinii ahnyiimah katai gotei tiigoi matulo.”

2 KORENMEI 5:14

Kadapokii Kristamah lungkasyii teipii nyiigo apum tiiwo takle; da- ponii nyiinii aitiisii malum wotakle katunii, meihang jangpii hangninanii taipyii takle, teipiinii hang ai taitakle.