IPISAMEI 1:7 - KARANU KABI SAMTAM

⁷ Kadapokii Kristanii karatsii taikapyii teipii nyiihang go matapii laat mpatpyii takle, katunii, nyii kem kama hangtei magapyii takle. Saraamah jumage kapyii tei kadaziikapii dipo,

IPISAMEI 1:7 Referans Kwoze

1 PITAR 2:24

Kem kito tai aisii nyiinii kasang kamajyii kito ringtang karam jangpii mpou sekpiinii Krosh gamto mpoumah pumpot kikii nyiimah kakui kama hangtei pungpyii takle; mpoumah rajam jam teipiinii gonyiigo tii mbipyii takle.

ROMMEI 3:24

Nlenii Jisu Krista dato kalei kaleikapyii paikito mpou mah jumage kapyii teipii ahnyiigo matapii tiimajyiipyii takle.

KOLOSIMEI 1:14

Nyiigo kaleikapyii katunii, nyii kem maga kapyii tei ai nah sapfii mpouda aito leile.

HEBRUMEI 9:22

Kasangle, ajaitingshang taiswisii mahlyii hang tei zaipiinii tiimateile, sateichii zai majoumang katu tei gasii kem kaleikapyii katu tei gale.

METIU 26:28

“Kadapokii ai ai kem kito kaleipyii tang karam mei hangka jangpiinii majou mang kapyii sat tang karam karanu samtam mah gumah zai teile.

MATIMANGOU KAPYII 5:9

Sateichii ahnyiinii lhii kasatai tiile: “Kajui kabam larek nangnii kapoi ninado teimah seal tiipaksii laat majyiile. Kadapokii n-go gitat aitakle sateichii sadung, lat, meilui meirek hang kito gomah zai teipii meinahgo Saraa jangpii lyii mpatpyiile.

1 JON 2:12

Gunahmei, Inii gonyii dakii ryii leile, dapodinchii gonyiimah kem hangtei mpou-ju jusii magapyii takle.

PILIPIMEI 4:19

Sateichii gu Saraanii gonyiimah kamarei hangtei Krista Jisu paikito mpoumah pumtei kava kito kalei kani kahii taiswisii gonyiigo pyiitakle.

IPISAMEI 2:7

Mpounii ai ai tiile, kadapokii gongtang karam tinglang hang kito Krista Jisu dato nyiigo mpoumah ajhii sakpei kalak jumage kapyii kanitei mpounii mangou tang karam jangpiile.

1 KORENMEI 1:30

Nlenii Saraanii gonyiigo Krista Jisu dakii poi njapyii takle, sateichii Saraanii nyiijangpii Krista aigo nyiimah swirek kabi tiipyii takle, mpou paikito nyiihang go Saraa doito tiimadi pyiitakle; nyiinii Saraa mah kamateimei tiitakle sateichii matapii laat mpatpyii takle.

IPISAMEI 3:16

katunii, alungto kalei mei dakii mpou rangii- mah paikito gonyiigo teimaham pyiisii tiisangtingpyii matu tang karam jangpii,

2 KORENMEI 8:9

Kadapokii nyii Bangpii Jisu Kristamah jumage kapyii tei gonyiinii tile, katunii mpounii mah nisii leikado mpoumah mah kaga teipii gonyiinii mahni kabui tiisii, gonyii jangpii mpounii mah kagamei tiipyii takle.

ROMMEI 2:4

Makkii Saraa mah ajai kabipii n-go lung kali matu tang karam kikii chyiitat pyiile katu tei tisupiinii mpou mah lung kasyiimah koikati, sateichii leh kati hang gotei nangnii maning mala leipo?

1 JON 2:2

Sateichii mpou ai nyii kem jangpii pow ruipyii tang karam teile, nyii kem jangpii roinii makle, nlenii sazyii pouryii kem hang jangpiidole.

TAITAS 2:14

Mpounii nyiigo kakui kama hang kito poi mpatpyii tang karam jangpii satei- chii nyiigo mpou kuto kalei kama- teimei tiimatu tang karam jangpii sateichii tha kabi tiinyii matutang karam jangpii mpou pumsek tei mpounii nyiijangpii pyiile.

TIILAMLWI KAPYIIMEI THA JUKAMATI 2:38

Pitarnii ahnyii dakii tamle, “Gonyii mah kem kaleipyii matutang karam jangpii gonyiinii lung kali wolo sateichii Jisu Krista zei kito gonyii hangnii dwi mpum wolo ninado gonyiinii rangii kamatei mah luha tei doutangle.

METIU 20:28

Teita- kumpii meinah sapfii mpou teinii nga-ngamatu tang karam jangpii gong makle, nlenii nga ngatang karam jangpii sateichii mei hang- kago kaleipyii tang karam jangpii mpou mah karing tei pyiilesii gongle.”

1 JON 4:10

Lungkasyii ai ailung kito leile, katunii, nyiinii Sa- raago lungsyii takle katu mah makle, nlenii Saraanii nyiigo lungsyii pyiisii mpounah sapfii mpou gotei nyii kem jangpiinii pow ruimatu tang karam jangpii m-mangpyii takle.

TIILAMLWI KAPYIIMEI THA JUKAMATI 20:28

Mpounah mah zai sekpiinii lyii kalu Saraamah Charsh go kamakot, gonyii roinapii ninado Jaokoi hang kiteito machyii wolo; rangii kamateinii gonyiigo jaokoi teimah kakoimei tiipyii takle.

1 PITAR 3:18

Kadapokii Saraa dakii pang gong pyii tang karam jangpii, kakui kama meihang jangpii kasang kamajyii katunii, Kristaniido kem jangpii binii taipyii takle hang jangpii; mpougo pumpot lamto tai malei takle, nlenii rangii lamto ringkhii matu takle;

IPISAMEI 3:8

Saraago kamalum meihang kak kito ka-nkhii khiisang tei I-le, teitii kido fiipei kalak Kristamah kani kahiimah kaang kito luikakimei dakii kabi rasam ai tam ralipyii matu tang karam tinglang kabi ai Saraanii n-gu pyiile.

TIILAMLWI KAPYIIMEI THA JUKAMATI 10:43

Lungkakalingmei hangnii mpou kaang kito sakchyii tiile, katunii mpougo kamalum meihangnii mpou zei kito kem maga kapyii tei doutangle.

JONNII KARYII KABI RASAM JUKAMATI 20:23

Gonyiinii mei kata mah kem tei kaleipyii leponii, ahnyiigo kaleipyii aitakle, gonyiinii mei kata mah kem tei kaibam leponii, kem tei kaibamle.”

MARK 14:24

Jisunii tamle, “Ai ai sat tang karam karanu samtam mah, meimoi jangpii majou mang kapyii gu zai teile.

TAITAS 3:6

Mpou mah jumage kapyii teipiinii tiimajyii tiimatui pyiisanii, kalui kaga karing doutanglesii nyiinii maning malumsii koikalei taiswisii nyiigo mahtou katoumei tiimatu tang karam jangpii,

1 TIMOTHI 2:6

mpou teinii mpou pum sekgo meihang jangpii lai ka-mpatmei tiisii pyiikalei mei Krista Jisu teile. Sak- chyii ai kamajyii tinglang sek kikii pyiile;

KOLOSIMEI 2:13

Sateichii kama ninado gonyiimah pumzai kito tiigyii malem kasu hang kito tai kaleimei gonyiigo nyiimah kakui kama hangtei magapyiisii mpougo kaswisii, Saraanii tiimaring pyiile.

KOLOSIMEI 2:2

Dapokii ahnyiinii lung taisupii lungkadi teipii tokryii kabui tiisii sateichii lungkasyii kiteikii jum nja kabui tiisii, teito kasang kati teinii pung kagong madousupii doutang karam katokryii kani kahii tei doumatu tang karam jangpii, Inii ai tiileile. Aitiisii ahnyiinii Saraamah kamakum, katunii Kristago titangle.

KOLOSIMEI 1:27

Saraanii kamaning teinii mpounii meihang jangpii kabam kani kahii ninado pumtei kavamah kamakum tei mpoumah meihang go timatu tang karam jangpiile. Sateichii kamakum teinii gonyii lung kito Krista leile. Katunii, Saraamah pumtei kava tei gonyii njai dou njoi tangle.

IPISAMEI 2:4

Nlenii Saraamah lungset kati teinii hangkapii nile, sateichii nyii jangpiinii mpoumah lungkasyii teinii hangkapiinii dile;

ROMMEI 9:23

Mpoumah pumtei kava doumatu tang karam jangpii mpounii ndouto reipii tiidapyii kabam, mpoumah jumage kapyii doutang karam nyiihang pyiiryiikii mpoumah kani pumtei kava rui ka-mpat teido mpounii mangounyii takle.

TIILAMLWI KAPYIIMEI THA JUKAMATI 3:19

Teijang- piinii gonyii mah kem hangtei tiimagapyii matu tang karam jangpii gonyiinii lung kali wosii nlaigonglo; teitei leponii Bangpii dato kamajung mah tinglang tei gongtangle.

LUKNII KARYII KABI RASAM JUKAMATI 24:47

Sateichii Jerosalem sekto haosii Lui kaki hang dakii mpou zei kito lung kakali ninado kem kama maga kapyii tei tamroi tang karamle;

LUKNII KARYII KABI RASAM JUKAMATI 1:77

Mpoumeigo ahnyii mah kem kama tei kaleipyiisanii Keipyii tanglesii tam mangou matu tang karam jangpii.

MATIMANGOU KAPYII 14:4

Ahnyii teinii sapwimeigo ka- swisii mashung kamaha tha tiisupii ahnyii roinapii ahnyiigo mateisii mbam katumeile, ahnyiinii satumle. Jaonah teinii katatlyii hangki ahnyiinii swile. Ahnyii teinii sazyii pouryiimei kak kito kalai wotakle sateichii Saraa dakii ninado Jaonah dakii pyiitoi tang karam riiti karei teile.

IPISAMEI 1:6

Saraago tam matoileje, mpoumah kangam jumage kapyii jangpii, kadapokii mpounah sapfii mpou zei kito mpounii nyiigo matapii luha kapyii jangpii!

METIU 6:12

sateichii nyiiniido nyiidakii kama katiimeigo kaleikapyii takumpii, nyiinii tiikama hangtei kaleipyiilo.

ROMMEI 3:25

Saraanii Ahgo pyiile, kadaponii kamalum paikito meinah mah kem tei mpounii karatsii taikapyii teipii meinah mah kem tei tiimateipyii matu tang karam jangpii Saraanii ai tiipyiile, mpoumah kasang kamajyii tei tiimangou tang karam jangpii. Tinglang kareiki mpoumah leh kati teipii meinah mah kem hangtei fiiseisu takle, nlenii aitoi tinglang kinii mpounii ahnyii mah kem hangtei fiisii leile, mpoumah kasang kamajyii tei tiimangou tang karam jangpii. Aitiisii Saraanii mpousek ai kasang kamajyiile sateichii mpounii Jisugo kamalum meihang go tiimajyii pyiile katu tei mangoule.

IPISAMEI 1:8

teiziikii moisii mpounii nyii dakii kapyii tei! Mpoumah swirek kabi sateichii mik kangou hang kito.

IPISAMEI 1:14

Saraanii mpoumeigo pyiitanglesii riishii tiikabam, nyiinii doutang karam soikalak tei rangii teile. Sateichii mpoumah tiisii kalei hang go matwi mashangsii arangra katii pyiitangle katumah lung kalum tei Saraanii nyiigo pyiile. Mpoumah pumtei kava gotei tam matoileje!

IPISAMEI 1:18

Mpoumah kava tei ngoukabui tiisii gonyiimah lungswi hangtei laatpyii matusii, mpounii gonyiigo lat kalu tei kadapei maning kamalum jangpiipo katu sateichii mpoumah meigo pyii tanglesii riishii tiikabam kamadat satoi hangtei kadaziikapii dipo katu tikabui jangpii,