IPISAMEI 1:23 - KARANU KABI SAMTAM

²³ Charsh hang ai Kristamah pumrong teile, bamlyii hang kito mpou roinapii mahlyii hang tiimashangsii kalei teile.

IPISAMEI 1:23 Referans Kwoze

JONNII KARYII KABI RASAM JUKAMATI 1:16

Sateichii mpoumah katokryii kito jumage kapyii phyiiryiito jumage kapyii teido nyiihangnii doutakle.

IPISAMEI 4:12

Kristamah pumtei tiimakhii kabui tiisii, Saraamah meihang teinii Kristenmei mah nga kanga tha tiitang karam jangpii tiikada matu tang karam jangpii, mpounii ai ai tiile.

IPISAMEI 3:19

sateichii meinah swipii tipei kalak Kristamah lungkasyii tei tikabui jangpii, katunii Saraamah katokryii hang teipii gonyiinii tokryii matu tang karam jangpii, Inii khangleile.

IPISAMEI 4:10

Hum kapyii mpou teinii mahlyii hang go tiitokryii tang karam jangpii, sating gam phyiiryii kado khiikalu mpou tei sekle.

1 KORENMEI 15:28

Nlenii mahlyii hangtei Kristanii magongsii lungtang karam kangkii kai aitakle sekchii, tei taito mpou roinapii katunii, nah sapfii mpou teinii, mahlyii hang go mpou kangkii kaikapyii Saraa kang teikii nkangsii pyiitangle; sateichii mah- lyiihang phyiiryiito Saraanii pum tiisii lung tangle.

KOLOSIMEI 1:24

Aitoinii gonyii jangpii Inii kamage kalak leh kalei kaang kito Inii ntale, kadapokii gupum guzai kito Inii kamage kalak leh kalei aipiinii Kristamah pum, katunii charsh tung tiisii Kristamah kamage kalak tangkasu hangtei tiimashang matu tang karam jangpii Inii tiiha leile.

KOLOSIMEI 3:15

Sateichii Kristamah kamajung teipii gonyii hang lung kito apum tiimatulo; gonyiigo teijangpii apum hangninii tiisii latdo latpyii takle; sateikii gonyiinii hakalangdo tamlo.

KOLOSIMEI 3:11

Kasatai mei aikito, Grikmei ninado Jehudimei, tiigyii malem kaleimei ninado tiigyii malem kasumei, dikhiikasumei, meijai tika- sumei, kabangmei ninado Abangmei katu gale, nlenii Kristanii mahlyii hangle, sateichii mahlyiihang kito leile.

IPISAMEI 2:16

Mpounii Krosh gamto taikapyii teipii ahnyii mah kangourou kalei hangtei tiimagapyii takle. Krosh teipiinii lui hangna gotei pum hangninii kikii jum njapyii takle; sateichii ahnyiigo Saraa dakii pang nlaigong pyii takle.

1 KORENMEI 12:6

Tha tiikabui mah pumtei katha katham leile, nlenii Saraa hangninanii meihang go mpou mpou mah tha tiikabui pumtei tei pyiile.

ROMMEI 13:5

Teijangpii Saraa mah rakarhii kito nlek tang karam jangpii roisupii, kabi kashyii titang karam lungswi jangpii gonyiinii apum katiimei kang nkang tang karamle.

IPISAMEI 4:4

Saraanii gonyiigo lat kalu kitei maning kamalum hang- ninii kiteikii lat kalu takumpii teiki tei pumpot hangninii sateichii rangii hangninii,

IPISAMEI 3:10

katunii, charsh paikito sating gam mah pum katiimei sateichii sating gam sazyii kito kalei teimaham hangnii Saraamah swirek kabi tei jai katham katham tiisii aitoi timatu tang karam jangpiile.

IPISAMEI 4:13

Teipiinii nyiimah kamalum ninado Saraa nah sapfii mpougo nyiimah swirek kati kito hangninii tiisii kalei nitei nyiihangnii kaswisii gong ndwi tangle, sateichii nyiinii Saraago kamalum tei Krista takum sekpii miwosii, nyiinii mishang kalumei hangninii tiitangle.

KOLOSIMEI 2:19

sateichii apum mah aphyii kasat tiisii kalei Krista gamkii jum kabam tei matou aitakle, pum hang ai Krista kangto chiitak doule sateichii mpoumah ashaang shaang ninado abiit-biit hangteipii jum njabamle, sateichii teitei Saraanii mimatu kanyii taiswisii dileile.