IPISAMEI 1:20 - KARANU KABI SAMTAM

²⁰ Nyii dato tha tiisii kalei teimaham ai mpounii Kristago katai kito tiimaring pyiisanii sating gam sazyii kito mpou bah ajiilamkii mpougo mbam kalumah kadi teimaham gotei masamramle.

IPISAMEI 1:20 Referans Kwoze

HEBRUMEI 10:12

Nlenii Kristanii kem jangpii karat binii sek-kii kalui kaga jangpii pyiitoi aisanii Saraa- mah bah ajiilam teito bam takle.

MARK 16:19

Aitiisii ahnyii dakii tam kalei tai Bangpii Jisugo sating gam pang makhii takle ninado mpounii Saraamah bah ajiilamto bam takle.

HEBRUMEI 1:3

Mpounii Saraamah pumtei kava tei seikalatsii leile sateichii mpounii nunuto kalei Saraamah jaitalui gotei njoichak thiile; Sazyii pouryiigo mpoumah teimaham kalei samkang teipii panglungsii leile. Sazyii pouryiimei mah kem jangpiinii kaleikapyii doukalu taito, dikaki teimaham, Sating gam Saraamah bah ajiilam teito mpounii bam takle.

METIU 28:18

Jisunii ahnyiida manang gongsii tamle, “Sating ninado sazyii pouryii lungto kalei teimaham hangtei gudakii pyiibam takle.

KOLOSIMEI 3:1

Gonyiinii Kristago kaswisii ring- khii takle, Kristanii mpoumah sagongmah bam kito Saraamah bah ajiilamto bamsii kalei, sagoi gamto kalei mah pot hang gotei fiilo.

PILIPIMEI 3:10

katunii, Inii mpougo ninado mpoumah ringkakhii mah teimaham gotei tikabui jangpii, sateichii mpoumah kamage kalak hangtei dou njoi kabui ninado mpoumah katai kito mpougo njoi kabui jangpii,

ROMMEI 8:34

Tanii tam mashyii tangpo? Taikapyii satei- chii teipyiiryiito katai kito ringkhiisii Saraamah bah ajiilamto bamsii nyiihang jangpii riita khangpyiisii kalei krista Jisu teipo?

TIILAMLWI KAPYIIMEI THA JUKAMATI 5:31

Isrel- meinah go lung kakali ninado kem tiimaga pyiitang karam jangpii, kaleikapyiipii ninado doimajang kapyiipii tiisii mpoubah ajiilam sek teipiinii poimakhii pyii takle.

MARK 14:62

Jisunii tamle, “I-teile,” “Satei- chii meinah sapfii mpou teinii teimaham kaleipii ajiilamto kabam ninado sating gam kamong go kaswisii kahum gonyiinii ngou tangle!”

METIU 26:64

Jisunii mpou dakii tamle, “Nangnii tam takle, nlenii Inii gonyii dakii tam leile, tinglang aitaito meinah sapfii mpou teinii teimaham kadi kathang mah bah ajiilamto kabam ninado sating gam mah kamong gamto kagong tei gonyiinii ngou tangle.”

MATIMANGOU KAPYII 1:17

Inii mpougo ngou wosek-kii kataimei takumpii Inii mpou doito koumang takle. Sateichii mpounii mpou bah ajiilam tei guphyiiryiikii poikai pyiisii tamle, “Hingsulo, karei ninado kana tei Ile,

1 PITAR 1:3

Nyii Bangpii Jisu Kristamah Apfii ninado Saraa gotei tam matoile! Mpoumah kadi lungset kati teipii Jisu Kristanii katai kito ringkakhii teipii mpounii nyiigo karanu tiilung tei pyiile. Aipii nyiigo taikalak karing maning kamalum teipii tiitokryii pyiile.

HEBRUMEI 13:20

Aitoinii kalui gasii sat tang karam samtam mah zai teipiinii Jaonah mah kadi Jao kakoipii, Nyii Bangpii Jisugo katai kito tiima- ringloi kapyii,

HEBRUMEI 2:9

Saraanii jumage kapyii paikito meihang jangpii mpounii taitang karam jangpii, tinglang shangniikii jangpiinii sating gamlui sung chengniikii tiisana kalei, Jisugo nyiinii ngoule. Mpounii kataimeimah mage leh kalu jangpii mpounii pumtei kava ninado sadzyii ngariit katiimah phyiihung choisii kalei tei nyiinii ngoule.

IPISAMEI 1:3

Nyii Bangpii Jisu Kristamah Saraa ninado pfii gotei tam matoileje! Kadapokii nyiinii Kristago nja kalu kito mpounii sating gam sazyii hang kito nyiigo rangiimah satoi pyiisii kalei teipii mpounii nyiigo satoi pyiibam takle.

ROMMEI 1:4

sateichii kamateimah rangii reng lamgpangto mpounii katai kito ringkhii kalu kito teimaham go kaswisii Saraa nahle katu tei mangoupyii takle, teitei nyii Bangpii Jisu Kristale;

TIILAMLWI KAPYIIMEI THA JUKAMATI 26:8

Kataimeigo Saraanii tiimaringpyiile katu ai gonyiinii kadajangpii malumpei wolaksii leipo?

TIILAMLWI KAPYIIMEI THA JUKAMATI 10:40

Nlenii Saraanii mpougo hangtum kashang- piinei leimik tiimaring pyiisii mpougo mati mangoupyii takle.

TIILAMLWI KAPYIIMEI THA JUKAMATI 4:10

gonyiihangnii ninado Isrelmeinah hangnii ai ai timatulo, katunii gonyiinii Krosh gamkii dhangsii gitoi kalei, Saraanii kataimei kak kito tiimaring kapyii Nazaret ki Jisu zei kito, katunii mpou paikito mei aipou ainii biwosii gonyii doito sat leile.

JONNII KARYII KABI RASAM JUKAMATI 10:30

I ninado Pfii teinii hangniniile.”

JONNII KARYII KABI RASAM JUKAMATI 10:18

Mei kaniido gumah karing poitoi makle, nlenii Inii guroinapii mazhiisii matou pyiile; Inii teitei matou tang karam gumah teimaham leile, sateichii Inii teitei nlailoisii poiloi tang karam Gumah teimaham leile; kakhatsam ai Inii Pfii dato doutakle.”

KOLOSIMEI 1:16

Kadaponii sating gamto sateichii mikpii ngou- kasu rangiimah teimaham, mak-kii Abang katiimei, mak-kii apum katiimei, mak-kii teimaham kajum meihang kado mahlyiihang ai mpou paito mpoujangpii tiibam takle.