IPISAMEI 1:18 - KARANU KABI SAMTAM

¹⁸ Mpoumah kava tei ngoukabui tiisii gonyiimah lungswi hangtei laatpyii matusii, mpounii gonyiigo lat kalu tei kadapei maning kamalum jangpiipo katu sateichii mpoumah meigo pyii tanglesii riishii tiikabam kamadat satoi hangtei kadaziikapii dipo katu tikabui jangpii,

IPISAMEI 1:18 Referans Kwoze

TIILAMLWI KAPYIIMEI THA JUKAMATI 26:18

ahnyiinii kamyii kito kava ki sateichii sara kashyii mah teimaham kito Saraa Bangpiida nlaigongsii kem kalei kapyii sateichii n-gu kamalum paikito Saraanii kalai kalumei kak kito bam doumatu tang karam jangpii, Inii n-go ahnyii mik rak matutang karam jangpii ahnyii dakii langkai leile.’

2 KORENMEI 4:6

Tii mpat kareiki Saraanii kakhatle, “Kamyii kito kava tei vamatulo.” Aimah njoi Saraa ainii mpoumah kava tei nyii lung kitodo vamatule. Kava ainii Krista ju kito vakalei Saraamah pumtei kava tei nyiigo timatule.

LUKNII KARYII KABI RASAM JUKAMATI 24:45

Teito ahnyiinii kabi rasam tiwo kabwi jangpii mpounii ahnyii swi tei laatpyii takle.

IPISAMEI 1:7

Kadapokii Kristanii karatsii taikapyii teipii nyiihang go matapii laat mpatpyii takle, katunii, nyii kem kama hangtei magapyii takle. Saraamah jumage kapyii tei kadaziikapii dipo,

IPISAMEI 5:8

Kadapokii tinglang kareiki gonyiinii kamyii kito leile; nlenii aitoinii Bangpii zei kito gonyiinii kava kito leitakle, teijangpiinii kavamah nahmei takumpii tatlo.

IPISAMEI 3:16

katunii, alungto kalei mei dakii mpou rangii- mah paikito gonyiigo teimaham pyiisii tiisangtingpyii matu tang karam jangpii,

IPISAMEI 4:4

Saraanii gonyiigo lat kalu kitei maning kamalum hang- ninii kiteikii lat kalu takumpii teiki tei pumpot hangninii sateichii rangii hangninii,

TAITAS 3:7

nyiigo keikapyiipii Jisu Krista dato rangii kamatei gotei nyii phyiiryiikii Saraanii moisii rui mpatpyii takle.

2 THESOLONIKAMEI 1:11

Saraanii gonyiigo lat kalu mah tiilung tai taiswisii gonyiinii lung matuiwo kabui jangpii, sateichii Saraanii mpou mah teimaham teipii gonyiinii kabi tha tiitang karam jangpii gonyiinii kamaning kamarei hangtei mpoumah teimahampii tiima- sang pyiisii gonyiimah kamalum mah tha tei tiimasang matu tang karam jangpii nyiinii tinglang kaleita gonyii jangpii riita leile.

IPISAMEI 4:1

Teijangpii gonyiigo lat kalu kiteito tiigatpii matwisii lung pyiilosii, Bangpii jangpii kabangki kaleimei hangninii tiisii kalei Inii gonyii dato khangleile.

1 TIMOTHI 6:12

Kamalum mah kabi saryii katii tei tiilo, sakchyiimei hangkii doito nangnii tam ka-mpat kak, n-go latkalu kalui kaga mah karing tei jumlo.

1 PITAR 5:10

Sateichii gonyiinii tinglang shangniikii dou- kalei tainii, Kristago njasii hangninii tiikalu kito mpoumah kalui kaga pumtei kavamah njai dou njoi matu tang karam jangpii gonyiigo latsii kalei, satoi hangmah Saraa, Ah sekpiinii gonyiigo tiimatui kapyii, tiisangting kapyii, teimaham kapyii, sateichii kasang bangmaa tei tiipyii tangle.

IPISAMEI 1:11

Saraanii tiikanyii kamaning kamarei taiswisii mahlyii hang ai tiibam takle; sateichii saroi roisang kito mpounii kamaning gotei jubam- sii, mpoumah tiikanyii kamaning kamarei roinii jangpii, Kristago nyiinii njasii kalei kito, mpoumah mei tiimatu tang karam jangpii, Saraanii nyiigo kalai wotakle.

HEBRUMEI 10:32

Maning gonglo, tinglang ka- reiki gonyiinii kada takumpii leipo: teitinglang dou, gonyii phyiiryiikii Saraamah kava mangoupyii kaleitai, gonyiinii kamage kalak hangkii doule, nlenii teiteinii gonyiigo ngamwo makle.

1 THESOLONIKAMEI 2:12

nyiinii gonyiigo tam katwisii, lung tiimakhiisii sateichii sakchyii pyiisii, Pfiinii mpou nahmeigo tiikalei takumpii nyiinii gonyii hang go tiipyii takle.

2 KORENMEI 4:4

Ahnyiinii malum makle, dapokii sazyii pouryii mah sara kashyii teinii ahnyii lungswi tei kamyii kikii kai aitakle. Saraamah njoi karei takum sek katu Kristamah pumtei kavamah kaang kabi rasam kito kagong, ahnyii phyiiryiito vakalei kava tei mpounii ahnyiigo mangou sutakle.

TAITAS 2:13

Nyiimah Saraa kadi sateichii Keikapyii Jisu Kris- tamah pumtei kava tei kadadou gong tangposii, nyiinii maning malumsii kalei satoi kapyii leimik piinei gotei nyiinii koikalei kak.

2 THESOLONIKAMEI 2:16

Aitoinii nyii Bangpii Jisu Krista pum sekpii sateichii gonyiigo lung- syii kapyii, kalui gasii nyiigo tii-nta kapyii, sateichii jumage kapyii pai- kito bisii maning kamalum kapyii, nyii Pfii Saraa teinii gonyii lung tiisamoupyii matulo,

1 THESOLONIKAMEI 5:8

Nlenii nyiinii tingnamah katu taiswisii, nyiinii lung manoile sateichii kamalum ninado lungkasyiimah kokryii ninado keikapyii karing doutang karam ma- ning kamalum mah saryii phyiihung tei nyiinii kai wode.

IPISAMEI 3:8

Saraago kamalum meihang kak kito ka-nkhii khiisang tei I-le, teitii kido fiipei kalak Kristamah kani kahiimah kaang kito luikakimei dakii kabi rasam ai tam ralipyii matu tang karam tinglang kabi ai Saraanii n-gu pyiile.

METIU 13:15

Kadapokii ahnyiinii mikpii kangou, khoipii kashii, ahnyii lungpii kati, nrek nlai kagong, sateichii Inii ahnyiigo tii-mbi katu tei mazhiilak tang karam jangpii mei aimei mah lung tei tiimahat aitakle; ahnyii khoi makat wotakle sateichii ahnyii mik tei mikchyii wotakle.’

1 PITAR 3:9

Kashyii jangpii kashyii teipii kaleipyii sulo, mak-kii tam kamashyii jangpii nlai- loisii tam mashyii sulo, nlenii tei tungpii satoi pyiilo; kadapokii gonyiinii satoi doumatu tang karam jangpii, aijangpii gonyiigo latto takle.

HEBRUMEI 6:4

Kadapokii binii swi tii-mvapyii kalei, sating gam mah luha masei kalei, sateichii rangii kamatei mah njai dou njoi kalumei,

KOLOSIMEI 3:15

Sateichii Kristamah kamajung teipii gonyii hang lung kito apum tiimatulo; gonyiigo teijangpii apum hangninii tiisii latdo latpyii takle; sateikii gonyiinii hakalangdo tamlo.

KOLOSIMEI 1:23

Nlenii gonyiinii kabi rasam shiikalu ting- lang kak doukalu gonyiimah maning kamalum kiteito nlai matusupii kasangting soikalak bangmaa kiteito malum kabui tei tiijousii leitang karamle. Pol, Inii nga ngakalei ai aimah kabi rasam katunii, sazyii pouryiito kaleihang go tam ralipyii kabam kitole.

KOLOSIMEI 1:5

Kasang samtam katunii, kabi rasam teinii gonyiida gong kareiki, teiteinii pyiisii kalei maning kamalum mah kaang tei shiitakle, teipiinii gonyiimah kamalum ninado lungkasyii teinii gonyii jangpii sating gamkii kaidek kabam gonyiinii maning malumsii kalei taiswi takle.

IPISAMEI 2:12

tei tinglangki Krista dato dhiisii, Isrelmeimah sazyiinah doito sapumnah tiisii sa- teichii pyiitanglesii riishii tiikabam sat tang karam samtam hang kito gonyiinii luikakimei tiisii, maning kamalum kaga ninado sazyii pou- ryiito Saraa haikasumei tiisii leile.

GALATIMEI 5:5

Kadapokii nyiinii rangii paito kamalumpii kasang kamajyii mah maning kamalum jangpii koileile.

1 PITAR 1:3

Nyii Bangpii Jisu Kristamah Apfii ninado Saraa gotei tam matoile! Mpoumah kadi lungset kati teipii Jisu Kristanii katai kito ringkakhii teipii mpounii nyiigo karanu tiilung tei pyiile. Aipii nyiigo taikalak karing maning kamalum teipii tiitokryii pyiile.

TIILAMLWI KAPYIIMEI THA JUKAMATI 16:14

Sateichii Taiyatira namdi kito zei Laidiya sii kalatpei majyiikabi peimani joi kaleipei ninado Saraago mata kaleipei sapwi mpei hangninanii tam rali kapyii tei shiiwole, Polnii tam ka-mpat samtei lung liitsii shii matu tang karam jangpii Bangpiinii mpoupei lungtei laatpyii takle.

PILIPIMEI 3:14

Krista Jisu paikito Saraanii sagoi gamto lung tang karam mah lhang tei doutang karam jangpii mikleeng kabam lam teikii Inii majyiitoksii pak leile.

MARK 10:17

Sateichii mpounii tat kapat tinglangki, mei hangninanii mpou doi pakpi kok-kumsii mpougo n-nhiile, “Kabi Madhiikapyiipii, Kalui kaga karing doutang karam jangpii Inii dapei tiitangpo?”

ROMMEI 2:4

Makkii Saraa mah ajai kabipii n-go lung kali matu tang karam kikii chyiitat pyiile katu tei tisupiinii mpou mah lung kasyiimah koikati, sateichii leh kati hang gotei nangnii maning mala leipo?

ROMMEI 11:29

Kadapokii Saraanii kalai kalu ninado satoi toikapyiimei mah kaang kito mpou switei kalimakle.

KOLOSIMEI 1:12

kama- teimei hangnii kava kito doukamajyii mahtou kiteito njai dou njoi matu- tang karam jangpii nyiigo tiimajyii kapyii tiikapyii pfii dakii hakalang tamlo.

KOLOSIMEI 1:27

Saraanii kamaning teinii mpounii meihang jangpii kabam kani kahii ninado pumtei kavamah kamakum tei mpoumah meihang go timatu tang karam jangpiile. Sateichii kamakum teinii gonyii lung kito Krista leile. Katunii, Saraamah pumtei kava tei gonyii njai dou njoi tangle.

KOLOSIMEI 2:2

Dapokii ahnyiinii lung taisupii lungkadi teipii tokryii kabui tiisii sateichii lungkasyii kiteikii jum nja kabui tiisii, teito kasang kati teinii pung kagong madousupii doutang karam katokryii kani kahii tei doumatu tang karam jangpii, Inii ai tiileile. Aitiisii ahnyiinii Saraamah kamakum, katunii Kristago titangle.