IPISAMEI 1:17 - KARANU KABI SAMTAM

¹⁷ Sateichii gonyiigo tiisakai pyii tang karam ninado gonyiinii mpougo tikabui jangpii, gonyii dakii Saraago mati mangoupyii tang karam, rangii tei gonyii dakii pyii matulosii, kangam Pfii, nyii Bangpii Jisu Krista dato Inii khangsii leile.

IPISAMEI 1:17 Referans Kwoze

2 PITAR 1:3

Mpoumah pumtei kava ninado bikakimah njai dou njoi matutang karam jangpii, nyiigo lat kapyii, Saraa ahmah kamatei teimaham teinii Saraa kamaning mah kasang tiilung lungtang karam jangpii, mpougo kati paikito nyiinii doukamajyii tei nyiigo pyiitakle.

2 PITAR 3:18

Nlenii jumage kapyii kito sateichii nyii Bangpii, nyiigo keikapyiipii Jisu Kristamah swirek kati kito dikhiilo. Mpou dakii aitoido kalui kaga katangdo pumtei kava tei matulo Amen.

IPISAMEI 1:3

Nyii Bangpii Jisu Kristamah Saraa ninado pfii gotei tam matoileje! Kadapokii nyiinii Kristago nja kalu kito mpounii sating gam sazyii hang kito nyiigo rangiimah satoi pyiisii kalei teipii mpounii nyiigo satoi pyiibam takle.

JONNII KARYII KABI RASAM JUKAMATI 17:3

Sateichii hangni- niisang hangninii roinii kalei kasang Saraa Ahgo ninado Ahnii lang kamagong Jisu Kristago nyiinii tikatu ai; kalui kaga karing teile.

METIU 11:27

“Mahlyiihang gu pfiinii gudakii pyiibam takle; sateichii pfii tei supiinii Nah sapfii mpou gotei mei kaniido timakle, sateichii nah sapfii mpou tei supiinii Pfii gotei mei kaniido timakle sateichii Nah Sapfii mpou teinii kata hangninii dakii mpougo mati mangou tang karam jangpii kalai wokalu teisupii, mei kaniido Pfiigo timakle.

1 KORENMEI 2:10

Kadaponii Saraanii nyii jangpii rangii paikito mati mangoupyii takle, kadapokii rangii teinii mahlyiihang, katunii Saraamah kathoksam ka- tangpiinii fiile.

IPISAMEI 3:5

Karei tinglang kinii aimah kama- kum ai meinah dakii tam makle, nlenii aitoinii teitei Saraanii rangii teipii mpoumah tiilamlwi kapyii kamateimei ninado doisam katam meihang dakii mati mangoupyii takle.

JONNII KARYII KABI RASAM JUKAMATI 20:17

Jisunii mpoupei dakii tamle, “N-gu deng sulo, kadapokii Inii gu pfii bamki pi womakle rei, nlenii gukangsanamei hangda mangsanii ahnyii dakii tampyiilo, Inii gu pfiido gonyiipfiido, gu Saraado gonyii Saraado tiisii kalei Ah bam kitei pitune leitakle.”

TIILAMLWI KAPYIIMEI THA JUKAMATI 6:10

Nlenii mpounii swirek kabi ninado rangiipii tam kalei doi teito ahnyiinii satpei wolak takle.

METIU 6:13

Sateichii nyiigo kahemki maliitsei sulo, nlenii kashyii kiteito nyiigo keipyiilo. (Kadapokii sagong sazyii, teimaham ninado pumtei kava tei kalui kaga gomahle. Amen.)

JONNII KARYII KABI RASAM JUKAMATI 14:26

Gu zei kito Pfiinii lang magong tang karam tiikahapii, rangii kamatei teinii gonyiigo mahlyii hang ralipyii tangle ninado Inii gonyii dakii tam kabam hangtei maning gongloi matu tangle.

2 KORENMEI 12:1

Teiteipii kabi doutang karam samah kado gakido, Inii detdi tang karamle. Nlenii aitoinii Bangpiinii n-gu pyii kabam madhang kapyii sateichii mati mangou kapyii hangtei Inii tam tangle.

LUKNII KARYII KABI RASAM JUKAMATI 21:15

Kadapochiinii gonyiigo ngou karoumei hangnii gonyii phyiiryiito nryiipei kalak mak-kii malhiipei kalak samtam ninado swirek kabi tei Inii gonyii dakii pyiitangle.

1 KORENMEI 12:8

Kadaponii mei hangninii dakii rangii paikito swirek kabi samtam, sateichii mei kaki hangninii dakii njoi katu rangii teinii swirek kati mah samtam tei pyiibam takle;

1 KORENMEI 2:8

Swirek kabi ai sazyii pouryiimei mah apum katiimei hangninii kaniido timakle; kadapokii ahnyiinii teitei tileponii ahnyiinii pumtei kavamah Bangpiigo krosh gamkii gilakle.

ROMMEI 15:6

Krista Jisu taiswisii hangninanii hangniniigo lungswi masamsii lungwo kabui tei, leh kati sateichii lung tiimadi kapyiimah Saraa teinii gonyii dakii pyii matulo.

JONNII KARYII KABI RASAM JUKAMATI 16:3

Sateichii ahnyiinii aihang ai tiitangle, dapodinchii ahnyiinii Pfii godo n-gudo timakle.

JONNII KARYII KABI RASAM JUKAMATI 14:17

Mpou ainii Saraa mah kaang kito kasang mangou kapyii rangii teile. Sazyii pouryiimeinii ahgo doupei wolakle, dapodinchii sazyii pouryiinii ahgo ngoupei wolakle ninado tipei wolakle. Nlenii gonyiinii ahgo tile, dapodinchii ahnii gonyiigo kaswisii bamle ninado gonyii lung kito leile.

METIU 16:17

Teito Jisunii mpougo kheka- latle, “Simon Bar Jonah, nang sadoi bile!” “Kadapokii sating gamto kalei gu pfiinii supiinii, pum zainii ai godakii mati mangou kapyii tei makle.

METIU 11:25

Teitinglangki Jisunii saa mpatle, “Sating ninado Sazyii mah Bangpii, gu pfii, Inii n-go halangle; dapochiinii nangnii aihang aigo kasakai ninado katimei dato poikabei bamsanii nahmei kachengmei hang dakii mangoupyii takle.

MATIMANGOU KAPYII 7:12

“Amen! Sadoi kabi, pumtei kava, swirek kabi, tam kamatoi, sadzyii ngariit katii, teimaham ninado kalui gasii katei kamaham tei nyii Bangpii dakii matulo, Amen.”

TAITAS 1:1

Saraanii kalai kalumei mah kamalum gotei tiiha matu tang karam jangpii sateichii Kristenmei mah dormonii ralikapyii kasang kiteikii pang gongpyii matutang karam jangpii, Saraa nga kangamei ninado Jisu Kristamah Tiilamlwi kapyiimei hangninii tiisii kalei Pol, Inii,

JEMS 2:1

Gu kangsanamei, pumtei kavamah Bangpii, nyii Bangpii Jisu Kristago kamalum mei tiisii, meinah mah apouju taiswisii gonyiinii kaghu kaphang tei tiisang tiilak tang ka- ramle.

1 KORENMEI 14:6

Aitoinii kangsanamei, Inii lat katham katham tamsii gonyiida gong leponii, mati mangoukapyii, mak-kii swirek kati, mak-kii Saraa sam tam ka-mpat, mak-kii ralikapyii cheng- niikii ai Inii gonyiida poigong kasu- tanii kada takumpiinii Inii gonyiigo kabi tei pyiiwo tangpo?

LUKNII KARYII KABI RASAM JUKAMATI 12:12

Kadapochiinii Rangii Kamateinii teiki tinglang sek-kii, gonyiinii kadapei tam tangpo katu tei gonyiigo tam ralipyii tangle.”

LUKNII KARYII KABI RASAM JUKAMATI 2:14

“Sagoi kaki kiteito Saraago toilo, sateichii Sazyii pouryiito bangpiinii lungkasyii meihang teinii kamajung tei doulo!”

2 TIMOTHI 2:25

ngou karoumeigo manoisii tiima- jyiipyii tang karamle; ahnyiinii lung kalisii kasang tigong matu tang karam jangpii. Saraanii ahnyiigo tinglang kabi pyii leido malahle.

ROMMEI 1:28

Kadaponii ahnyiinii Saraa mah kasang swikati tei lung kikii kaibam kasu jangpii Saraanii swilat kashyii kahong kikii sateichii ajai tingshang kashyii kikii kai aitakle.

TIILAMLWI KAPYIIMEI THA JUKAMATI 7:2

Stifannii khekalatle, “Kang sana- mei ninado gu pfiimei hang, n-gu shii seilo! pumtei kava mah Saraa teinii nyii pfii Abrahamda gongsii mangou- pyiile, mpounii Haran sazyii ki maa lungtu kasunii, Mesopotamiya sazyii ki lung kaleidou,

IPISAMEI 4:13

Teipiinii nyiimah kamalum ninado Saraa nah sapfii mpougo nyiimah swirek kati kito hangninii tiisii kalei nitei nyiihangnii kaswisii gong ndwi tangle, sateichii nyiinii Saraago kamalum tei Krista takum sekpii miwosii, nyiinii mishang kalumei hangninii tiitangle.

PILIPIMEI 3:15

Rangii lamto sangting kalu nyiihangnii njoi katu lungswi ai leitang karamle, nlenii gonyiimei kangkanii katham lungswitei leile- ponii, aido Saraanii gonyii dakii mati mangoupyii tangle.

METIU 20:33

Mpoupiinanii mpou dakii tamle, “Bangpii, nei mik rak matulo!”