IPISAMEI 1:14 - KARANU KABI SAMTAM

¹⁴ Saraanii mpoumeigo pyiitanglesii riishii tiikabam, nyiinii doutang karam soikalak tei rangii teile. Sateichii mpoumah tiisii kalei hang go matwi mashangsii arangra katii pyiitangle katumah lung kalum tei Saraanii nyiigo pyiile. Mpoumah pumtei kava gotei tam matoileje!

IPISAMEI 1:14 Referans Kwoze

2 KORENMEI 5:5

Tiikakali aijangpii nyiigo tiida kapyii tei Saraale sateichii nyii jang- pii koikabam hangtei pyii mashang ling tangle katumah kamazhii tiisii mpoumah rangiitei mpounii nyiigo pyiile.

2 KORENMEI 1:22

mpounii nyii phyiiryiikii apum katii mah siiti tei kaipyiibam takle, sateichii mpounii nyii jangpii poi ndwi kabam hangtei soisupii pyii mashang tang karam mah kamazhii ai hangninii takumpii, mpounii mpoumah rangii kamatei tei nyiilung kikii pyiibam takle.

IPISAMEI 4:30

Sa- teichii Saraamah rangii kamatei gotei swi tiimashyii sulo; kadapokii Saraanii gonyiigo matapii laat ka-mpat leimik tei gong tangle katu mah soisang soikalak, gonyii phyii- ryiito apum tiisii kalei Saraamah siiti tei rangiile.

GALATIMEI 4:6

Gonyii ai mpounah sapfiimei hangle katu mangoutang karam jangpii “Abba! Gu Pfii!” Sii saa ka-mpat, mpounah sapfii mpoumah rangii tei Saraanii gonyii lung kikii langkai pyiitakle.

ROMMEI 8:23

Sateichii nrung kalei tei teiroi makle, nlenii rangiimah atikarei dousii kalei nyii pum sekpiiniido mpoumah sapfiimei tiipyii matu tang karam, katunii, nyii pumgo kalei pyii matu tang karam jangpii koisii kalei kak, nyiilungto nyii pum sekpiiniido nrungsii bamle.

IPISAMEI 1:12

Teitii leponii, Krista dato karei reisang tiisii maning malum tang karam mei, Saraa mah pumtei kavago tam matoileje!

TIILAMLWI KAPYIIMEI THA JUKAMATI 20:32

“Sateichii aitoinii Inii gonyiigo Saraa dakii ninado mpou mah jumage kapyii mah samtam kikii pyiitoi leile; samtam aipiinii gonyiigo tiikamakhii ninado tiimatei kaleimei ahnyii hang kak kito dou kamajyii tei gonyii dakii pyii wobuile.

1 PITAR 2:9

Nlenii gonyiigo kamyii kito mpounii sung kaga kava kikii lat mpat kapyii mpoumah kamadat tha hangtei saa mpat matutang karam jangpii, kalai kalumei lui, sagong- mah atingmei, kamatei lui Saraamah mei tei gonyiile.

TIILAMLWI KAPYIIMEI THA JUKAMATI 20:28

Mpounah mah zai sekpiinii lyii kalu Saraamah Charsh go kamakot, gonyii roinapii ninado Jaokoi hang kiteito machyii wolo; rangii kamateinii gonyiigo jaokoi teimah kakoimei tiipyii takle.

LUKNII KARYII KABI RASAM JUKAMATI 21:28

Sateichii ai kakum hang pat tusekchii, gonyii phyii ngang matusii lou gamkii julo, kadapochiinii gonyiigo keipyii tang karam tinglang tei nagong takle.”

1 KORENMEI 1:30

Nlenii Saraanii gonyiigo Krista Jisu dakii poi njapyii takle, sateichii Saraanii nyiijangpii Krista aigo nyiimah swirek kabi tiipyii takle, mpou paikito nyiihang go Saraa doito tiimadi pyiitakle; nyiinii Saraa mah kamateimei tiitakle sateichii matapii laat mpatpyii takle.

IPISAMEI 1:11

Saraanii tiikanyii kamaning kamarei taiswisii mahlyii hang ai tiibam takle; sateichii saroi roisang kito mpounii kamaning gotei jubam- sii, mpoumah tiikanyii kamaning kamarei roinii jangpii, Kristago nyiinii njasii kalei kito, mpoumah mei tiimatu tang karam jangpii, Saraanii nyiigo kalai wotakle.