IPISAMEI 1:13 - KARANU KABI SAMTAM

¹³ Sateichii gonyiigo keikapyii karing poigong kapyii kasang kabi rasam tei gonyiinii shiikalu kito, gonyiiniido Saraamah mei tei tiiwo takle, sateichii Kristago gonyiinii malum wotakle; ninado mpounii go- nyiigo pyiitang lesii riishii tiikabam, pyiisii kalei rangii kamatei teipii Saraanii mpoumah apum katiimah siiti tei gonyii phyiiryiikii toukai pyiitakle.

IPISAMEI 1:13 Referans Kwoze

2 KORENMEI 1:22

mpounii nyii phyiiryiikii apum katii mah siiti tei kaipyiibam takle, sateichii mpounii nyii jangpii poi ndwi kabam hangtei soisupii pyii mashang tang karam mah kamazhii ai hangninii takumpii, mpounii mpoumah rangii kamatei tei nyiilung kikii pyiibam takle.

IPISAMEI 4:30

Sa- teichii Saraamah rangii kamatei gotei swi tiimashyii sulo; kadapokii Saraanii gonyiigo matapii laat ka-mpat leimik tei gong tangle katu mah soisang soikalak, gonyii phyii- ryiito apum tiisii kalei Saraamah siiti tei rangiile.

2 TIMOTHI 2:19

Teitii kido Saraamah bangmaa kasangting teinii nlaisupii satsii leile, aimah siiti ai pungsii; katunii “Bangpiinii mpoumah katu- mei hang go tile,” sateichii “Bangpii zeigo latsii kaleimei hangteinii kakui kama kiteito mpaa matulo.”

1 THESOLONIKAMEI 2:13

Sateichii kaang aijangpii tak- supiinii Saraago halangle, katunii gonyiinii nyii dato shiikalu Saraamah samtam tei dou wosek-kii, meinah mah samtam tei supii, gonyii kamalum mei kak kito tha tiipyiisii kalei Saraa samlesii gonyiinii lukai wotakle, teitei Saraa samtam ka- sangle.

ROMMEI 4:11

Atainii mpougo tiigyii kamalem sateichii mpoumah tiigyii kamalem teinii, mpoumah kamalum jangpii mpougo tiigyii malem kasu- nato Saraanii kasang kamajyiipii lesii lukai kapyii mah tiikamangou siiti hangninii tiisii mangoule. Teijangpii tiigyii malem kasunato Saraa go ka- malum mei sateichii mpounii kasang kamajyii meilesii lukai kalumei hang mah Apfii tei mpougo tiimatu tang karam jangpiile:

TAITAS 2:11

Kadapokii meihangmah keika- pyii karing jangpii Saraamah jumage kapyii tei gongpyii takle.

GALATIMEI 3:14

Teipiinii Krista Jisu paito Abraham dakii Saraanii satoi pyiitanglesii riishii tiikabam tei Jehudimei kasu luikakimei hang dakii gong matu tang karam jangpii, sateichii nyiinii kamalum paito ra- ngiimah rashii tiikabam tei doutang karam jangpiile.

ROMMEI 1:16

Kadaponii Inii kabi rasam jangpii ka-nrou gale; kadapochiinii teitei kamalum mei hangnii keikapyii karing doutang karam Saraa mah teimahamle; karei kito Jehudimei go sateichii Grikmei godole.

TIILAMLWI KAPYIIMEI THA JUKAMATI 2:33

Teijangpiinii Saraa mah bah ajiilam pang teikii poisagoi kapyii taiswisii sateichii rangii kamateigo pyiitang lesii riishii tiikabam tei Pfii dato doukalu taiswisii, gonyiinii aitoi ngou kalei ninado shiikalei ai mpounii rui mpat pyiile.

JONNII KARYII KABI RASAM JUKAMATI 14:26

Gu zei kito Pfiinii lang magong tang karam tiikahapii, rangii kamatei teinii gonyiigo mahlyii hang ralipyii tangle ninado Inii gonyii dakii tam kabam hangtei maning gongloi matu tangle.

JONNII KARYII KABI RASAM JUKAMATI 1:17

Kadapokii ajaitingshang tei Moses paito pyiitakle; nlenii jumage kapyii ninado kasang tei Jisu Krista paito gongle.

LUKNII KARYII KABI RASAM JUKAMATI 24:49

Sateichii julo, Gu pfiinii riishii tiikabam tei Inii gonyii phyiiryiikii lang m-mangpyii tangle, nlenii kasagoi gamto teimaham teipiinii pei takumpii bakaipyii ka- suta, gonyiinii namdi kiteito bamlo.”

1 PITAR 2:10

Tinglang hang- ninii kinii gonyiinii Saraamah mei makle, nlenii aitoinii gonyii ai Saraamah mei tei takle, tinglang hangninii kinii Saraamah lungkasyii tei gonyiinii doumakle, nlenii aitoinii mpoumah lungkasyii tei gonyiinii doutakle.

ROMMEI 6:17

Nlenii Saraago halangle kadaponii tinglang hang- niniiki gonyiinii kem mah kabang- nah tiisii leikido gonyiigo ralikapyii kito doukalu kasang gotei gonyii lung matum madumpii gonyiinii swi wotakle.

TIILAMLWI KAPYIIMEI THA JUKAMATI 1:4

Sateichii ahnyiinii gong ndwi sek-kii mpounii ahnyii dakii kakhatpyii takle: “Gonyiinii Jerosalem kito tat tusulo, nlenii Inii gonyiigo katam, Gu pfiinii riishii tiikabam gotei gonyiinii koilo.

JONNII KARYII KABI RASAM JUKAMATI 15:26

“Nlenii Pfii dato lang magong tang karam tiikahapii tei; katunii Pfii dato kagong kasang mah rangii teinii kagong tinglang kak; ahnii gumah kaang kito sakchyii pyii tangle;

TIILAMLWI KAPYIIMEI THA JUKAMATI 13:26

“Lungkasyii kangsanamei, Abra- ham ki mpungmah nahmeihang ninado gonyii kak kito Saraago kahingmei, nyii dakii kaleikapyii karing kabi samtei m-mangpyii takle.

JONNII KARYII KABI RASAM JUKAMATI 6:27

Ga aitang karam chiitak jangpii tha tiisulo, nlenii meinah sapfii mpou teinii gonyii dakii pyiitang karam kalui kaga karing mah chiitak jangpii ngam tiilo; kadapokii mpou gamkii Pfii Saraanii seal kaibam takle.”

LUKNII KARYII KABI RASAM JUKAMATI 11:13

Teijangpiinii gonyiinii shyiisii leikido, gonyii nahmei mah kabi tei pyiiti lepochiinii, sating gamto kalei gonyii Pfii teinii khangsii kalei ahnyii dakii kadaziikii kisii rangii kamatei tei pyiitangpo!”

MATIMANGOU KAPYII 7:2

Teito karing Saraamah seal poikalei sating gamlui kaki hangninanii leimik kapat lamto tat kapi tei Inii ngoutakle. Sateichii sazyii pouryiigo ninado dwijaigo tiimashyii matutang karam jangpii teimaham pyiikabam sating gamlui madai dateikii rok sagoisii sating gamlui teinii saasii tamle.

JEMS 1:18

Mpoumah karing kounah hang kak kito nyiinii riiti karei hangninii tiimatu tang karam jangpii mpoumah kamaning kamarei kito kasang mah samkang teipii mpounii nyiigo manaapyiile.

HEBRUMEI 2:3

Teitii leponii tei kakum kadi keikapyii karing gotei nyiinii alung liit suleponii, kada takumpii nyiinii nlek wotangpo? Bangpii sekpiinii karei reisang kito keikapyii karing ai saa mpat takle, sateichii mpounii katam swikasumei hang teinii maning kariirhii gasii ai ai kasangle katupii nyii dakii ma- ngoutakle,

2 TIMOTHI 3:15

Sateichii Krista Jisugo kamalum kito keikapyii karing kiteikii pang kagong n-go swirek kabi pyii kabui kamatei kabi rasam hangtei tiina kaleidouto nangnii titakle katu nangnii maning ziile.

2 TIMOTHI 2:15

Kasang mah samtei tiigatpii jum majyiisii kalei nroutang karam kaang kaga tha katiimei, Saraanii lukai kalumei hangninii tiisii gopum Saraa dakii pyiitang karam tei mahunglo.

IPISAMEI 4:21

Go- nyiinii mpoumah kaang kito madou- supii shiitakle, sateichii mpoutai kaswimei tiisii Jisu dato kalei kasang tei gonyiigo ralipyii takle.

2 KORENMEI 6:7

Nyiimah kasang samtam teipii sateichii Saraamah samtam teipii nyiimah saryii baitui takumpii, meigo saryii tiitang karam ninado dangtang karam jangpii kasang kamajyii tei nyii dato bamle.

JONNII KARYII KABI RASAM JUKAMATI 3:33

Mpoumah sakchyii lukai kalu ah teinii Saraa ai kasangle sii seal namkai aitakle.

JEMS 1:21

Teijang- piinii katham karaam ninado kaikashyii jairali hangtei rat toi aisii, gonyii rangiigo keipyii kabui lingkai kabam samkang tei lung kamanoi tei njasii lukai wolo.