HEBRUMEI 9:28 - KARANU KABI SAMTAM

²⁸ meihang mah kem hangtei pungpyii tang karam jangpii, binii pyiitoi kalei Krista teinii kem jangpii supiinii, mpougo saryiisii koikalei meihang go keipyii tang karam jangpii, hangna kashang tiisii gong tangle.

HEBRUMEI 9:28 Referans Kwoze

TAITAS 2:13

Nyiimah Saraa kadi sateichii Keikapyii Jisu Kris- tamah pumtei kava tei kadadou gong tangposii, nyiinii maning malumsii kalei satoi kapyii leimik piinei gotei nyiinii koikalei kak.

1 PITAR 2:24

Kem kito tai aisii nyiinii kasang kamajyii kito ringtang karam jangpii mpou sekpiinii Krosh gamto mpoumah pumpot kikii nyiimah kakui kama hangtei pungpyii takle; mpoumah rajam jam teipiinii gonyiigo tii mbipyii takle.

ROMMEI 6:10

Kadaponii meihang jangpiinii binii mpounii katai tei kem lamto taipyiile, nlenii mpounii ringkalei karing tei mpounii Saraa lamto ring leile.

2 TIMOTHI 4:8

Aitoisekpiinii kasang kamajyii mah phyiihung tei gujangpiinii kaidek- bam takle, teitei kasang kamajyii samtak katii Bangpii teinii teipiinei leimik gudakii pyiitangle, sateichii teitei gudakii roinii makle, nlenii mpoumah nlai kagong maraisii koikalei meihang dakiido pyiitangle.

ROMMEI 8:23

Sateichii nrung kalei tei teiroi makle, nlenii rangiimah atikarei dousii kalei nyii pum sekpiiniido mpoumah sapfiimei tiipyii matu tang karam, katunii, nyii pumgo kalei pyii matu tang karam jangpii koisii kalei kak, nyiilungto nyii pum sekpiiniido nrungsii bamle.

1 JON 3:2

Lungkasyiimei, aitoinii nyiinii Saraamah nahmei takle, nlenii nyii ai kadapei takum tangpo katu aitoi mangou makle, nlenii Kristanii ka- gong kak, nyiido mpou takum tangle katu nyiinii tile, dapodinchii mpounii kasangpii ringkalei sek takumpii nyiinii mpougo ngoutangle.

TIILAMLWI KAPYIIMEI THA JUKAMATI 1:11

ninado tamle, “He Galili kito kaleimei, gonyii dajangpii sating gamkii jumakhiisii sat leipo? Gonyii dato sating gam pangmakhii katu Jisu ai sating gam khii katu tei gonyiinii ngou katu takumpiinii, mpounii ai takumpiinii gong tangle.”

1 THESOLONIKAMEI 1:10

sateichii gongkalei Saraamah rakarhii kito nyiigo poi mpat kapyii, mpounii kataimei kak kito tiimaring kapyii mpou nah sapfii mpou Jisugo, sating gamto kahum koitang karam jangpii gonyiinii kada takumpii Saraada nryiigong wopo katu tei ahnyiinii tam leile.

METIU 26:28

“Kadapokii ai ai kem kito kaleipyii tang karam mei hangka jangpiinii majou mang kapyii sat tang karam karanu samtam mah gumah zai teile.

2 PITAR 3:12

Teipiinei leimik mah kaang jangpii sating tei mipii rusii tiimaga tangle, sateichii mi maga teipii sating gam sageiti hang tei long tangle.

1 PITAR 3:18

Kadapokii Saraa dakii pang gong pyii tang karam jangpii, kakui kama meihang jangpii kasang kamajyii katunii, Kristaniido kem jangpii binii taipyii takle hang jangpii; mpougo pumpot lamto tai malei takle, nlenii rangii lamto ringkhii matu takle;

1 KORENMEI 15:54

Sateichii gatu kabui ai gatu kalak kikii sateichii tai kabwi ai tai kalak kikii tiikalikai takle sekchii, tei tinglangki ryii kabam sam ai kasangpii gong tangle: “Katai gotei kangam teinii majungwo takle.”

ROMMEI 8:3

Kadapokii apum azainii kasui taiswisii ajaitingshangnii tiipei kalak tei Saraanii tiipyii takle: Saraanii mpounah sapfii mpou gotei kem katii pum zai mah jaitalui kito sateichii kem jangpii m-mang pyiisanii pum kito kalei kem gotei tam mashyii aitakle,

JONNII KARYII KABI RASAM JUKAMATI 14:3

Inii mang- sanii gonyii jangpii tiikada leponii, Inii kalei niteito gonyiido leimatu tang karam jangpii, Inii nlaigongsii gonyiigo gudakii pang gong kai- tangle.

MATIMANGOU KAPYII 1:7

Julo, Mpounii kamong gotei ka- swisii gong leile; sateichii meihangnii, sateichii mpougo nghiipii kahuimei tei haisii mpougo ngoutangle; sateichii sazyii pouryii luihangnii mpou kaang kito kamadak tangle, nle, teitii tangle, Amen.

HEBRUMEI 4:15

Kadapokii nyii- mah tang kasu kasui hang go lungsyii pei kalak kanat kajum tingdipii tei nyiinii bam makle, nlenii nyii takumpii mahlyiihang kito nyiigo takumpii hem katu doukalei, nlenii kem kaga, kanat kajum tingdipii tei nyiimah leile.

1 JON 3:5

Sateichii kem hang poitoipyii tang karam jangpii mpounii gongle, sateichii mpouda kem gasangle gale katu gonyiinii tile.

2 THESOLONIKAMEI 2:1

Aitoinii kangsanamei, nyii Bangpii Jisu Krista gong tang karam ninado nyiinii mpougo kadoutang karam jangpii, gong ndwi tang karam jangpii, nyiinii gonyiigo khangleile,

1 KORENMEI 1:7

Teipiinii nyii Bangpii Jisu Kristago mangou tang karam jangpii koisii koisii gonyiinii rangiimah luha dou- tang karam samah kado tangkasu tiimakle;

ROMMEI 5:15

Nlenii hangna teinii njoimakle, kadapokii Saraanii matapii kapyii luha teinii Adam mah kem takum makle. Mei hangninii mah kem jangpii meihangkii taitakle katu ai kasangle, nlenii Saraa mah jumage kapyii teinii disang dibwile, teipiinii mpoumah matapii kapyii luha tei meihangkago pyiile, Mei hangninii, Jisu Krista paito.

HEBRUMEI 9:25

Sateichii kanat kajum tingdimei hangnii kamatei bamki tingkum satui mpoumah zai sektei kasu zai tei kaswisii liit katu takumpii, mpounanii, mpou roinapii mpougo nlai nlailoisii pyiitoi tang karam jangpii tatliit makle;

METIU 20:28

Teita- kumpii meinah sapfii mpou teinii nga-ngamatu tang karam jangpii gong makle, nlenii nga ngatang karam jangpii sateichii mei hang- kago kaleipyii tang karam jangpii mpou mah karing tei pyiilesii gongle.”

METIU 25:31

“Meinah sapfii mpou teinii mpoumah pumtei kava kito, sating gamlui hang go kaswisii kagong tinglang kak, mpoumah pumtei kava mah sagong bam kitei mpounii bam tangle.

ROMMEI 3:25

Saraanii Ahgo pyiile, kadaponii kamalum paikito meinah mah kem tei mpounii karatsii taikapyii teipii meinah mah kem tei tiimateipyii matu tang karam jangpii Saraanii ai tiipyiile, mpoumah kasang kamajyii tei tiimangou tang karam jangpii. Tinglang kareiki mpoumah leh kati teipii meinah mah kem hangtei fiiseisu takle, nlenii aitoi tinglang kinii mpounii ahnyii mah kem hangtei fiisii leile, mpoumah kasang kamajyii tei tiimangou tang karam jangpii. Aitiisii Saraanii mpousek ai kasang kamajyiile sateichii mpounii Jisugo kamalum meihang go tiimajyii pyiile katu tei mangoule.

HEBRUMEI 1:14

Sating gamlui hang ai kada- peipo, teitiileponii? Ahnyiinii Saraa nga ngasii kalei ninado keikapyii karing doutang karam meigo tiiha matu tang karam jangpii mpounii m-mang kabam rangii teile.

HEBRUMEI 2:3

Teitii leponii tei kakum kadi keikapyii karing gotei nyiinii alung liit suleponii, kada takumpii nyiinii nlek wotangpo? Bangpii sekpiinii karei reisang kito keikapyii karing ai saa mpat takle, sateichii mpounii katam swikasumei hang teinii maning kariirhii gasii ai ai kasangle katupii nyii dakii ma- ngoutakle,

HEBRUMEI 5:9

sateichii mpounii sajek gasii bimatui wokalu taiswisii, mpounii katam kaswimei hang jangpii kalui kaga keikapyii karing- mah kapat bam tei mpounii tiiwo takle,

HEBRUMEI 7:27

Kanat kajum Tingditupii teinii karei reisang kito ahnyii mah kem jangpii, sateichii tei taito meihangmah jangpii sating kata kakarat pot pyiitoi kalei takumpiinii, mpounii tiitang karam kabi tei gale, mpounii mpou roinapii mpougo pyiikatoi tinglang kak, mpounii ai ai binii ahang jangpiinii tiitakle.

HEBRUMEI 10:10

Meihang jangpii binii Jisu Kristamah pumrong pyii katoi teimah kamaning kamazhii pai- kito nyiihang go tiimateipyii takle.

HEBRUMEI 12:14

Meihang go majungsii lung tang karam ninado kamatei tiilung lung tang karam tei tiilo, dapodinchii kamatei ai haisupii mei kaniido Bangpiigo ngoulakle.

JUD DATO KAGONG CHITI JUKAMATI 1:21

Sateichii Bangpii Jisu Kristanii mpoumah lungset kati kito gonyiigo kalui kaga karing pyiimatu tang karam jangpii gonyiinii koisii koisii, gonyii roinapii gonyiigo Saraamah lungkasyii kito mbamlo.