HEBRUMEI 9:24 - KARANU KABI SAMTAM

²⁴ Kadapokii kasang mah njoi kapoi, bahpiinii katii kamatei bam kitei Kristanii tatliit makle; nlenii sating gam sektei nyiitung tiisii Saraanii haikalei nitei gongtang karam jang- pii tatliit takle.

HEBRUMEI 9:24 Referans Kwoze

HEBRUMEI 12:2

Sateichii nyiimah kamalum mah abang ninado tiimatui kapyiipii Jisugo jusii, nyiidoi kalei pak maga tang karam tei lung leh kati tei kaswisii pakde. Ah doito kalei ka-nta jangpii ahnii kasangbam gotei samah kado maning supii Krosh tei leh wosii, Saraamah sagongbam bah ajiilam teito bam wotakle.

HEBRUMEI 9:23

Teijangpii sating gam mah mah hang mah njai poisii kalei hang go kanat aihang piinii tiimatei tang karam sekle, nlenii sating gam mah mah hang teinii aisung kisii kabi kakarat hangtei liit tangle.

HEBRUMEI 8:2

kamatei bam kito ninado meinahnii supii Bangpiinii tiimakhii kabam kasang dwipei kito nga ngakalei, ai kakum kanat kajum tingdipii tei nyiinii doutakle.

JONNII KARYII KABI RASAM JUKAMATI 16:28

Inii Pfii dato gongle sateichii Inii sazyii pouryii aiki gong takle, nlailoisii Inii sazyii pouryii ai toi aisii Pfiida tat tutang takle.”

KOLOSIMEI 3:2

Sagoi gamto kalei mah pot hang kiteikii gonyii lungswi tei keilo, sazyii pouryii aikito kalei mah pot hang kiteikii kaisulo.

ROMMEI 8:33

Saraanii kalai kalumei pyiiryiikii tanii sam tam mashyii tangpo? Tiimajyii kapyii tei Saraale.

TIILAMLWI KAPYIIMEI THA JUKAMATI 3:21

Saraanii kamatei Lungkakalingmei mah mwi kito ndouto reipii tam kabam takumpiinii mpougo sating gamkii mbam tang karamle, mahlyii hang tiikaranu tinglang tei gong kasuta.

LUKNII KARYII KABI RASAM JUKAMATI 24:51

Sateichii mpounii ah- nyiigo satoi pyii leibangpii, mpounii ahnyii dato n-nou aisii, mpougo sating gam pangkhiitu takle.

MARK 16:19

Aitiisii ahnyii dakii tam kalei tai Bangpii Jisugo sating gam pang makhii takle ninado mpounii Saraamah bah ajiilamto bam takle.

MARK 14:58

Mpounii aitiisii katam nyiinii shiile, “Meinii tiikabam Saraa ki ai Inii tiimaga tangle sateichii jangtum- nii tai meinii tiikasu kaki hangninii Inii tiimakhii tangle.”

MATIMANGOU KAPYII 8:3

Sateichii sona mah tiiroutou poikalei sating gamlui kaki hang- ninanii gongsii pyiitoi tang karam bam kiteito sat takle, teito ahnii sagongbam doiteito kalei sonapii katii pyiitoi tang karam bam phyii- ryiito kamateimei hangmah kariita gotei kai mpam matutang jangpii ah dakii tiiroutou hangkii pyiibam takle.

1 PITAR 3:22

Mpounii sating gam khiisii Saraamah bah ajiilamto bam takle. Sating gamlui hangdo, sating gam mah teimaham kajum hangdo, sateichii pumtei kalei hangdo, mpoukang nkang matu takle.

HEBRUMEI 9:9

Dwipeiki ai tingnei ha jangpii nda teile, nda tiida kabam ai taiswisii Saraa dakii pyiikatoi ninado kakarat hang kapyii teinii mata kaleimei hangmah kabi kashyii tikabui lungswi tei sajek kaga tiipei wolakle.

HEBRUMEI 8:5

Ahnyiinii kanat kajum atingmei takumpii, katii atha teinii sating gamto kalei mah nda ninado akhii teile. Kada- pokii Mosesnii dwipeiki tiimakhii- tuna tei Saraanii mpougo ralipyiisii tamle, “Zang gamto n-go mangou katu ajai agok taiswisii nangnii mahlyii hangtei tiilo.”

HEBRUMEI 6:20

Nyiihang tung tiisii Jisunii nyiidoi reisii teiki tei tat tutakle, sateichii Melkizedek taito adoidoi tiisii lung kadoihum kalei taiswisii kalui kaga kanat kajum Tingditupii hangninii tiiwo takle.

HEBRUMEI 1:3

Mpounii Saraamah pumtei kava tei seikalatsii leile sateichii mpounii nunuto kalei Saraamah jaitalui gotei njoichak thiile; Sazyii pouryiigo mpoumah teimaham kalei samkang teipii panglungsii leile. Sazyii pouryiimei mah kem jangpiinii kaleikapyii doukalu taito, dikaki teimaham, Sating gam Saraamah bah ajiilam teito mpounii bam takle.

JONNII KARYII KABI RASAM JUKAMATI 6:62

Teitiileponii meinah sapfii mpou teinii nubam kitei khii katu gonyiinii ngouleponii, kadale tang?

METIU 18:10

“Gonyiinii ai kacheng hang kak kito hangninii godo maning kamala tiikasu tiisii tiigat tolo; kadapokii Inii gonyii dakii tam leile, Sating gamto ahnyii mah sating gamlui hangnii sating gamto kalei gu pfii jutei taksupii ngou leile.

2 KORENMEI 5:1

Kadapokii nyiinii lungkalei sazyii pouryii mah dwipeiki ai tiimaga aileponii, meinah bahpii tiikasu aki, sating gamto kalui gasii lungtang karam nitei, Saraa dato nyii jangpii leile katu nyiinii tile.

HEBRUMEI 4:14

Saraa nah sapfii mpou Jisu, sating gam hang ki pitang kalu kadi kanat kajum tingdipii nyiimah kalei taiswisii, nyiinii tam ka-mpat tei sangtingsii jumde.

HEBRUMEI 9:1

Sateichii sat tang karam samtam karei katangpiinado ajai ninado meinahnii katii kamatei bam tei leile.