HEBRUMEI 9:19 - KARANU KABI SAMTAM

¹⁹ Kadapokii ajaitingshang hangmah kakhatsam hangtei Mosesnii meihang dakii saa ka-mpat tinglang kak mpounii twomnah ninado amyiinah hangmah zai tei dwi, langkong kaghang, ninado hyssop tei kaswisii poisii larekbung ninado meihang gamkii kajuikai pyiisanii tamle,

HEBRUMEI 9:19 Referans Kwoze

HEBRUMEI 9:12

Kristanii matei kaki bam kitei meihang jangpii binii tat kaliit tinglang kak, kakarat pot hangninii tiisii Saraa dakii pyiitoi tang karam jangpii mpounii amyiinah ninado twomnah mah zai tei poimakle, nlenii mpoumah zai sektei mpounii poi wotakle ninado kalui kaga kaleikapyii karing tei nyii jangpiinii doupyiile.

HEBRUMEI 10:4

Kadapokii twom madangmah ninado Amyiinah mah zai teipiinii kem tei poisang poitoipei wolakle.

1 PITAR 1:2

Apfii Saraamah kama- ning kamarei ninado reipiinii tikalei taiswisii gonyiigo kalai wotakle, sateichii mpoumah rangii teipii gonyiigo kamateimei hangninii tiipyii takle; Jisu Kristanii katam swisii mpoumah zai teipiinii tiima- teipyii matu tang karam jangpii: Jumage kapyii ninado kamajung tei gonyii dato moibui matulo.

JONNII KARYII KABI RASAM JUKAMATI 19:5

Teipiinii Jisunii tu phyiihung tei choisii ninado kaghangnei mongzaisa kapung pi rot katang pei tei basanii saba tei tatpat takle. Pailatnii ahnyii dakii tamle, “Julo, sapfii mpou tei aiki leitakle!”

JONNII KARYII KABI RASAM JUKAMATI 19:2

sa- teichii saryiimei teinii tu phyiihung hangninii tiiwosii, mpou phyiigamkii choikai pyiisanii kaghang nei mongzaisa kapung peijou mani karei pei tei bakai pyiitakle;

MARK 15:20

Ahnyiinii mpougo hoksii nuisang sek-kii, ahnyiinii mpou gamto kamajyiipei peigang tei loktoipyii takle sateichii mpou nat tei kaipyiiloi takle, teito ahnyiinii mpougo krosh gamkii gitang karam jangpii pangsii tat tutakle.

MARK 15:17

Sateichii ahnyiinii mpougo mazyiitoitoi katu paigang bakaipyiile, tu phyiihung hangninii ki wosii mpougo choipyii takle.

METIU 27:28

Sateichii ahnyiinii mpou-pei mani tei ratoi pyiisanii, mpou gamkii pei kaghang bakaipyii takle.

HEBRUMEI 12:24

sat tang karam karanu samtam tiida kapyii Jisuda, ninado Abel mah zai sung kisii kabi pyiitangle sii tamsii kalei kajui kakai zai datei gonyiinii manang gong wotakle.

HEBRUMEI 1:1

Ndou kareiki Saraanii lungka- kalingmei paikito nyiipei nyii- paomeigo jairali kataam kataam kito nlai nlailoisii sam rashiile,

HEBRUMEI 9:13

Kadapokii amyiinah ninado twom madang hangmah zai ninado twomnah hangmah rukatu buinei tei kanat lamto matei kasu meihang gamkii kajuikai leile sateichii kanat lamto matei kasu hangtei poitoi katu aipiinii ahnyiigo tiimateipyii leile.

HEBRUMEI 9:18

Teijangpiinii sat tang karam samtam karei teido zai haisupiinii tiimajyii womakle.

HEBRUMEI 10:22

Teipiinii kabi kashyii tikabui kama lungswi kiteito tiimatei kalei ninado dwi kamatei piinii shyii matei kalei pumrong hangtei pung- sii, lung kamatei ninado soikalak kamalum teipii nyiinii Saraada manang gongde.