HEBRUMEI 9:11 - KARANU KABI SAMTAM

¹¹ Nlenii Kristanii aikito kabam mah kabi hang mah kanat kajum tingdipii hangninii tiisii gongpyii takle. Mpounii nga ngakalei dwipei ki ai dibwile sateichii kisii sajek gale, ai ainii meinahnii katii dwipeiki makle, katunii ainii sazyii pouryii baichem aimah makle.

HEBRUMEI 9:11 Referans Kwoze

2 KORENMEI 5:1

Kadapokii nyiinii lungkalei sazyii pouryii mah dwipeiki ai tiimaga aileponii, meinah bahpii tiikasu aki, sating gamto kalui gasii lungtang karam nitei, Saraa dato nyii jangpii leile katu nyiinii tile.

HEBRUMEI 10:1

Kadapokii ajaitingshang tei- nii ai kasang hang mah ajai agok kasang teisupiinii gong tang karam kabi hang mah khiina katu taiswisii, tingkum satui taksupii pyiitoisii kalei njoi katu kakarat hang teipiinii Saraada manang kagongmei hang gotei sajek kaga tei tiisang tiipeiwo lakle.

MARK 14:58

Mpounii aitiisii katam nyiinii shiile, “Meinii tiikabam Saraa ki ai Inii tiimaga tangle sateichii jangtum- nii tai meinii tiikasu kaki hangninii Inii tiimakhii tangle.”

1 JON 5:20

Teito Saraa nah sapfii mpounii gongpyiile sateichii kasang ah gotei tiimatu tang karam sateichii mpounah sapfii mpou Jisu Krista, kasang ah dato nyii leile katu timatu tang karam jangpii, nyii dakii swikati pyiitakle katu nyiinii tile. Kasang Saraa ninado kalui kaga karing tei aile.

HEBRUMEI 2:17

Teijangpii mpounii meimah kem tiimagapyii tang karam jangpii Saraa tha katii kito lungsyii kati ninado malum kabui kanat kajum tingdipii tiitang karam jangpii, mpounii mpou kangsanameigo mahlyii hang kito njoi tang karam takle.

TIILAMLWI KAPYIIMEI THA JUKAMATI 7:48

“Nlenii sagoi kaki Saraa teinii meinahnii katii aki kitei bamlei mak- le; lungkakalingmeinii tam kabam takumpii:

2 JON 1:7

Kadapokii Jisu Kristanii pumzai pungsii gongpyiile katu tisei kasumeigo chuisii kahem mei hangkii sazyii pouryii lung tatpat takle. Ai ai meigo chuisii kahem mei teile–sateichii Kristago ngou karoumei teile.

HEBRUMEI 3:1

Teijangpii Saraanii lat kalu, kamatei gukangsanamei, nyiinii tam mpatsii kalei kamalum mah kanat kajum tingdipii tiimatu tang karam jangpii Saraanii lang m-mang kapyii Jisu gotei maninglo.

JONNII KARYII KABI RASAM JUKAMATI 4:25

Sapwi mpei teinii mpou dakii tamle, “Krista sii kalat tei gongtangle katu Inii tile, mpounii kagong tinglang kak nyii dakii mpounii mahlyiihang mangoupyii tangle.”

JONNII KARYII KABI RASAM JUKAMATI 1:14

Samtam teinii pumzai ndat totakle, sateichii jumage kapyii ninado kasang teipii tokryiisii nyiikak kito lungle, Pfii mah nah sapfiimei hangniniisang hangninii roinii tiisii kalei pumtei kava takumpii nyiinii mpoumah pumtei kava tei ngoutakle.

HEBRUMEI 7:1

Kadapokii Salem ki sagong, sagoi kaki Saraamah kanat kanhii kajum atingpii teinii, sagong madaigo ngam kalu kito nlaigong kalei Abraham go kadou wosii mpougo sa- toi pyiitakle,

HEBRUMEI 4:15

Kadapokii nyii- mah tang kasu kasui hang go lungsyii pei kalak kanat kajum tingdipii tei nyiinii bam makle, nlenii nyii takumpii mahlyiihang kito nyiigo takumpii hem katu doukalei, nlenii kem kaga, kanat kajum tingdipii tei nyiimah leile.

KOLOSIMEI 2:11

Meinahnii katii tiigyii kamalem teipii supii kem kama pumtei kito laat mpat kapyii haisii katei, kristanii katii tiigyii kamalem teipii Kristago njasii hangninii tiikalu kito gonyii go tiigyii malem aitakle.

METIU 11:3

Gongtang karam tei nang manii kaki hangniniigo nyiinii koitangpo?

METIU 2:6

‘He Judiya sazyii kito kalei Bethlehem, nangnii Judiya mah sagongmeihang kak kito kacheng chengsang makle; kadapokii gomei Isrelmeigo koipyii tang karam apum katii mei hangninii godato pat tangle.’ ”

2 KORENMEI 4:18

Kadapokii nyiinii mik leeng kalei teinii mikpii ngoukalei gotei makle, nlenii mikpii ngoukasu mah goteile. Mikpii ngou kabui pot teinii shangniikii jangpiile, nlenii mikpii ngoupei wokalak teinii kalui gale.

HEBRUMEI 12:27

Sateichii “nlailoisii binii” sii tam kalei ainii tii nlai kasumah hang gotei taimatu tang karam jangpii, tiikabam mah hang gotei tii-nlai tangle ninado poitoi aitangle katu tei madupii mangoule.

HEBRUMEI 13:14

Kadapokii sazyii pouryii aito nyii jangpiinii bamsang bam tang karam namdi tei gale; gongtang karam namdi gotei nyiinii jusii leile.