HEBRUMEI 8:10 - KARANU KABI SAMTAM

¹⁰ Aitoinii gongtang karam tinglang leimik kanaki Inii Isrelmeigo kaswisii poi makhii tang karam sat tang karam samtam teinii aile, sii Bangpiinii tamle, Inii gumah ajaitingshang hangtei ahnyiimah lung kikii kaipyii tangle, sateichii Inii ahnyiimah malung kikii Inii teihang tei ryiikai pyii tangle; sateichii Inii ahnyiimah Saraa tei tiitangle, sateichii ahnyiinii gumah mei teitiitangle.

HEBRUMEI 8:10 Referans Kwoze

2 KORENMEI 3:3

Gonyiinii Kristanii ryiikabam ninado nyiinii mpot magong kalei chiti hangninii takumle. Ai ainii mukdwipiinii ryiimakle, nlenii karing Saraamah rangii teipii ryiibamle sateichii atukok kikii makle, nlenii meinah mah malung kikii ryiibamle.

1 PITAR 2:9

Nlenii gonyiigo kamyii kito mpounii sung kaga kava kikii lat mpat kapyii mpoumah kamadat tha hangtei saa mpat matutang karam jangpii, kalai kalumei lui, sagong- mah atingmei, kamatei lui Saraamah mei tei gonyiile.

ROMMEI 11:27

“Sateichii Inii ahnyiimah kem tei poitoipyii takle sekchii, Inii ahnyiigo kaswisii tiitang karam gumah sat tang karam samtam tei aitangle.”

JEMS 1:21

Teijang- piinii katham karaam ninado kaikashyii jairali hangtei rat toi aisii, gonyii rangiigo keipyii kabui lingkai kabam samkang tei lung kamanoi tei njasii lukai wolo.

TAITAS 2:14

Mpounii nyiigo kakui kama hang kito poi mpatpyii tang karam jangpii satei- chii nyiigo mpou kuto kalei kama- teimei tiimatu tang karam jangpii sateichii tha kabi tiinyii matutang karam jangpii mpou pumsek tei mpounii nyiijangpii pyiile.

1 PITAR 1:23

Kadapokii gatuwo kabuimah lwirou kito supii, gatupeiwo kalakmah kito karing ninado Saraamah kalui kaga samtam paikito gonyiigo nlailoisii manaapyii takle.

JEMS 1:18

Mpoumah karing kounah hang kak kito nyiinii riiti karei hangninii tiimatu tang karam jangpii mpoumah kamaning kamarei kito kasang mah samkang teipii mpounii nyiigo manaapyiile.

METIU 22:32

‘Inii Abraham, Isak ninado Jakob mah Saraale sii gonyii dakii Saraanii tam kabam tei gonyiinii fiimakde?’ Mpounii katai mei mah Saraa makle, nlenii karingmei mahle.”

HEBRUMEI 11:16

Nlenii kisii bikaki sazyii katunii, sating gam mah ki hangninii, ai ahnyiinii dounyiiwo takle. Teijang- piinii ahnyiimah Saraale sii lat tang karam ai Saraanii nroumakle, kada- pokii mpounii ahnyii jangpii namdi hangninii tiikadapyii bamtakle.

1 KORENMEI 6:16

Sateichii siiha kahamei hangniniigo kaswi kalei ah teinii ahgo pum hangninii tii aitakle katu gonyiinii timakpo? Kadapokii Saraanii tamle, “Hangna teinii pum hangninii tiitangle.”