HEBRUMEI 7:26 - KARANU KABI SAMTAM

²⁶ Kadapokii ai kakum kamatei, tam kamashyiini kaga kahongrum kasu, kem katiimei hang dato poitaam kabam sateichii sating gam sung kisii poi kasagoi, kanat kajum Tingditupii hangninii nyiinii dou- tang karam sekle.

HEBRUMEI 7:26 Referans Kwoze

2 KORENMEI 5:21

Krista teinii kem tiisang tiimakle, nlenii nyiinii mpougo kaswisii hangninii tiisii nja kalu kito, Saraamah kasang kamajyii tei nyiinii jaihai matu tang karam jangpii Saraanii mpougo nyii jangpii nyiimah kemtei dou njoi matu takle.

1 JON 2:2

Sateichii mpou ai nyii kem jangpii pow ruipyii tang karam teile, nyii kem jangpii roinii makle, nlenii sazyii pouryii kem hang jangpiidole.

HEBRUMEI 8:1

Nyiinii tam kalei sam aikito kaang hangteinii aile: sating gam pumtei kava kadi mah sagongbam mah ajiilapangto kabam,

1 PITAR 2:22

Mpounii kama tiisang tiimakle, sateichii mpou mwi kito kachuisam kapat meikado shiimakle.

1 JON 3:5

Sateichii kem hang poitoipyii tang karam jangpii mpounii gongle, sateichii mpouda kem gasangle gale katu gonyiinii tile.

HEBRUMEI 12:2

Sateichii nyiimah kamalum mah abang ninado tiimatui kapyiipii Jisugo jusii, nyiidoi kalei pak maga tang karam tei lung leh kati tei kaswisii pakde. Ah doito kalei ka-nta jangpii ahnii kasangbam gotei samah kado maning supii Krosh tei leh wosii, Saraamah sagongbam bah ajiilam teito bam wotakle.

HEBRUMEI 9:14

Ai ai kasang katu taiswisii, kadaziikapiinii moikaki kabi ai Kristamah zai teipiinii kaswi leipo? Kalui kaga rangii paikito mpounii mpou roinapii Saraa dakii sajek kaga kakarat pot hangninii tiisii pyiitoi aitakle. Nyiinii karing Saraa gotei nga ngakabui tiisii, kakadak kanat hang kiteito kabi kashyii tikabui nyiimah lungswi hangtei mpoumah zai teipiinii tiimateipyii tangle.

HEBRUMEI 1:3

Mpounii Saraamah pumtei kava tei seikalatsii leile sateichii mpounii nunuto kalei Saraamah jaitalui gotei njoichak thiile; Sazyii pouryiigo mpoumah teimaham kalei samkang teipii panglungsii leile. Sazyii pouryiimei mah kem jangpiinii kaleikapyii doukalu taito, dikaki teimaham, Sating gam Saraamah bah ajiilam teito mpounii bam takle.

LUKNII KARYII KABI RASAM JUKAMATI 23:47

Sateichii Saryiimei mei hai phyiiryiito phyii kasatpii teinii pat kalei tei ngouwo sek-kii, Saraago tam matoisii tamle, “Madou supii sapfii mpou ai kama kagameile.”

LUKNII KARYII KABI RASAM JUKAMATI 23:41

Sateichii neinii kasangpii mage ai doumajyiile, kadaponii neinii tiikalei hang mah alangh tei douziile. Nlenii sapfii mpou ainii kama hangninii kado tiimakle.”

1 PITAR 3:22

Mpounii sating gam khiisii Saraamah bah ajiilamto bam takle. Sating gamlui hangdo, sating gam mah teimaham kajum hangdo, sateichii pumtei kalei hangdo, mpoukang nkang matu takle.

1 PITAR 1:19

Gonyiigo gonyii peipaomei dato adoidoi tiisii doukalu kakadak mah tiilung kito lai mpatpyii takle katu gonyiinii tile.

HEBRUMEI 7:11

Sateichii kanat kajum atingpii Levi sadung mah paikito bikamatui tei doutakle leponii, (Kadapokii tei kangto Isrelmeinah-nii ajaitingshang tei doutakle) Aron taito adoidoi tiisii lungkahum teisupii, Melkizedek taito adoidoi tiisii lung kahum kanat kanhii kajum Atingmei kaki hangninii pat tang karam kadapei kabi leipo?

HEBRUMEI 2:10

Kadapokii mpoumah pumtei kavamah njai tei dou njoi matu tang karam jangpii nah sapfiimei hang- kiigo pang gong kabui tiisii, mahlyii hang go tii mpatpyiisii, makotpyiisii kalei Saraa teinii, Jisugo kamage kalak leh katu paikito sajek gasii bimatui matu majyiile. Kadapokii keikapyii karing kikii ahnyiigo chyiitat kapyii tei Jisule.

TIILAMLWI KAPYIIMEI THA JUKAMATI 4:27

Kadapokii nangnii thao manuk kapyii goki kaleipii kamatei Jisu kaswisii Herotniido, Pontios Pai- latniido,

TIILAMLWI KAPYIIMEI THA JUKAMATI 3:14

Mpounii mateile ninado bile, nlenii gonyiinii Mpougo mazhiisu wole; ninado gonyiinii gonyii jangpii meigo kagi kabamei hangniniigo mpat pyiilosii gonyiinii Pailat dato khangle.

JONNII KARYII KABI RASAM JUKAMATI 14:30

Inii gonyiigo kaswisii karashii mathang wolak takle, dapodinchii sazyii pouryii mah apum katiipii tei gonglei takle, sateichii ahnii guphyiiryiito teimaham samah kado gale.

JONNII KARYII KABI RASAM JUKAMATI 8:29

N-gu lang kamagong ahteinii n-gu kaswipyiisii leile, mpounii n-gu toipyii makle. Kadapokii mpounii kamarei kasat tha tei Inii taksupii tiile.”

LUKNII KARYII KABI RASAM JUKAMATI 24:46

Teito mpounii ahnyii dakii tamle, aitiisii ryiibam takle, “Krista teinii kamage kalak leh tangle, sateichii jangtumnii ka- shang piinei kataimei kakto ringkhii tangle.

LUKNII KARYII KABI RASAM JUKAMATI 24:26

Krista teinii kamage kalak hang ai lehsanii, mpou mah pumtei kava kitei liit kajyii makpo?”

LUKNII KARYII KABI RASAM JUKAMATI 23:22

Sateichii mpounii ahnyii dakii hangtum kashang tiisii tamle, “Dajangpiipo, mei aipounii kadapei kashyii tii aipo? Mpougo gitang karam kaang samah kado Inii doumakle, teijangpiinii Inii mpougo laaksii mpat ai tangle.”

LUKNII KARYII KABI RASAM JUKAMATI 1:35

Teito Sating gamlui teinii mpoupei dakii tamle, “Rangii kama- tei teinii go phyiiryii humpyii tangle, Sateichii sagoi kaki mah teimaham teipii n-go akhii lakpyii tangle; teijang teipii lungtang karam nah tei Saraa nah, kamatei sii lat tangle.

MARK 16:19

Aitiisii ahnyii dakii tam kalei tai Bangpii Jisugo sating gam pang makhii takle ninado mpounii Saraamah bah ajiilamto bam takle.

METIU 27:18

Kadapokii ahnyiinii Barabas go ngou karou jangpiinii pyiitoi takle katu tei mpounii tile.

MATIMANGOU KAPYII 3:7

“Philadelphiya kito kalei charsh- mah rangii dakii ryiilo, kamatei, kasang, Devit mah chabyii jumsii kalei, laat aisekchii mei kaniido takam kalak, sateichii takam aisekchii mei kaniido laat kalak ah teinii sam hang ai tam leile.

HEBRUMEI 2:17

Teijangpii mpounii meimah kem tiimagapyii tang karam jangpii Saraa tha katii kito lungsyii kati ninado malum kabui kanat kajum tingdipii tiitang karam jangpii, mpounii mpou kangsanameigo mahlyii hang kito njoi tang karam takle.

HEBRUMEI 3:1

Teijangpii Saraanii lat kalu, kamatei gukangsanamei, nyiinii tam mpatsii kalei kamalum mah kanat kajum tingdipii tiimatu tang karam jangpii Saraanii lang m-mang kapyii Jisu gotei maninglo.