HEBRUMEI 7:25 - KARANU KABI SAMTAM

²⁵ Teijangpii mpoumah paikito Saraada manang kagong mei hang go tinglang kaleita mpounii kei- kapyiido ngamle, kadapokii mpounii ahnyii jangpii riita khangpyii tang karam jangpii taksupii ringsii leile.

HEBRUMEI 7:25 Referans Kwoze

ROMMEI 8:34

Tanii tam mashyii tangpo? Taikapyii satei- chii teipyiiryiito katai kito ringkhiisii Saraamah bah ajiilamto bamsii nyiihang jangpii riita khangpyiisii kalei krista Jisu teipo?

1 TIMOTHI 2:5

Kadapokii Saraa hangninii leile sateichii Saraa ninado meinahgo poigong nja kapyii hangniniido leile;

JUD DATO KAGONG CHITI JUKAMATI 1:24

Aitoinii koutang karam kito gonyiigo masat kabui ninado sajek gasii rangasii mpoumah pumtei kava doikii gonyiigo masatto kabui kangam–

JONNII KARYII KABI RASAM JUKAMATI 14:6

Jisunii mpougo khekalatle, “Pwi- dido, kasangdo sateichii karingdo I-le, gu paikito supii meikaniido Pfii datei gong womakle.

IPISAMEI 2:18

Jehudimei kado, luikakimei kado nyiihangnii rangii hangninii kito pfii doi gongliit kabui teinii Kristamah paikitole.

ROMMEI 5:2

Mpou paikito aitoi nyiinii lung kalei Saraa mah jumage kapyii ai doutakle, sateichii Saraa mah pumtei kava mah njai tei nyiinii doutang karam kamalum jangteipii ntale.

HEBRUMEI 11:6

Sateichii ka- malum haisupiinanii mpougo dzyii- kabi tei tiipeiwo lakle; kadapokii Saraada manang kagongmei hang- teinii mpou ringleile ninado mpougo kafiimei hang dakii mpounii alangh pyii leile katu ai malum tang karamle.

IPISAMEI 3:20

Aitoinii nyii lung kito tha tiisii kalei mpoumah teimaham teipiinii nyiinii kakhang mak-kii kamaning hang sungdo kisii moisii tikabui mpougo,

HEBRUMEI 9:24

Kadapokii kasang mah njoi kapoi, bahpiinii katii kamatei bam kitei Kristanii tatliit makle; nlenii sating gam sektei nyiitung tiisii Saraanii haikalei nitei gongtang karam jang- pii tatliit takle.

HEBRUMEI 7:19

Kadapokii Moses mah ajaiting- shang teinii samah kado bimatwi matu womakle, sateichii kisii bikaki maning kamalum gotei pung gongpyiile, teimah paikito nyiinii Saraa mah bam kitei manang gongle.

JONNII KARYII KABI RASAM JUKAMATI 14:13

Sateichii nah sapfii mpou paikito Pfii mah pumtei kava tei ngoumatu tang karam jangpii, gonyiinii gu zei kito kakhang hangtei Inii tiipyii tangle.

HEBRUMEI 5:7

Mpounii sazyii pouryiimei tiisii lung kalei kak, katai kito mpougo keipyii wokabui kangam ah dakii hungsii kahat ninado mikdwi kapat tei njasii kariita ninado kakhang tei Jisunii pyiile, sateichii Saraago hingsii kamaning jangpii, mpougo shiipyiile,

HEBRUMEI 13:15

Tei- jangpii mwipiinii kapyii kakarat katunii, mpougo Bangpii tiisii, Jisu paikito Saraa dakii nyiimah kakarat tei taksupii nyiinii pyiide.

HEBRUMEI 7:16

Mpounii pumzai mah ajaitingshang taiswisii makle, nlenii kalui kaga karing mah teimaham taiswisii kanat kajum Atingmei tiiwo takle.

HEBRUMEI 2:18

Kadapokii mpou pum sekpiinii kahem ninado kamage kalak leh katu doukalu jangpii kahemnii hem kalei meigo mpounii tiiha wobuile.

PILIPIMEI 3:21

Mpounii apum tiisii kalung kangkii mahlyii hang go mpounii poigoi kalumah teimaham tei jumsii, tai kabui gakabui kasui nyii pum hang go mpounii tiiranupyii tangle ninado mpoumah kangam pum takum matu tangle.

JONNII KARYII KABI RASAM JUKAMATI 14:16

Inii Pfii dato khang tangle sateichii mpounii gonyiigo tiikaha kaki hangninii pyiitangle, kalui gasii ahnii gonyiigo kaswisii bam tangle.

2 TIMOTHI 1:12

Sateichii kaang aihang jangpii kamage kalak hang ai Inii dousii leile, nlenii Inii aitoido maning kamalum teipii tokryiile, daponii Inii malum kalei mpougo Inii tile, sateichii mpounii gudakii pyiikabam tinglang leimik katang tei mpounii n-gu koipyii jupyii wobuile katu tei Inii malumle.

HEBRUMEI 7:24

Nlenii Mpounii kalui gasii leihum katu jangpii tak kasu kanat kajum atingmei bam tei doutakle.

IPISAMEI 3:12

Mpougo nyiinii kamalum paikito ninado nyiinii Kristago hangninii tiisii nja kalu kito, maning kamalum hangteipii lungnyii lunghou katu gasii lungdisii Saraa doi liit tang karam tei nyiinii doule.

HEBRUMEI 7:8

Sateichii aikitonii taiga tang karam meinii njai kearii kito njai hangninii ai poileile, nlenii teiki tonii mpou ring leile katumah sakchyii kalei ah teinii poileile.

ROMMEI 5:10

Nyiinii Saraago ngou karoumei tiisii leile, nlenii mpounah sapfii mpounii taikapyii paito mpounii nyiigo mpou kangmei tiipyiile. Aitoinii nyii ai mpou kangmei tiikalutai swisii, Kristanii taikapyii teipii kadaziika kisii nyiigo keipyii tangpo!

1 KORENMEI 1:21

Kadaponii Saraanii mpoumah swirek kabi kito, sazyii pouryiimeinii ahnyiimah swirek kabi teiroinapii mpougo timatu sutakle. Nlenii nyiinii tam ralikapyii kapang kamang mah samtam teipii malum kalumei hang go keipyii tangle katupii Saraanii satto takle.

HEBRUMEI 2:9

Saraanii jumage kapyii paikito meihang jangpii mpounii taitang karam jangpii, tinglang shangniikii jangpiinii sating gamlui sung chengniikii tiisana kalei, Jisugo nyiinii ngoule. Mpounii kataimeimah mage leh kalu jangpii mpounii pumtei kava ninado sadzyii ngariit katiimah phyiihung choisii kalei tei nyiinii ngoule.