HEBRUMEI 7:16 - KARANU KABI SAMTAM

¹⁶ Mpounii pumzai mah ajaitingshang taiswisii makle, nlenii kalui kaga karing mah teimaham taiswisii kanat kajum Atingmei tiiwo takle.

HEBRUMEI 7:16 Referans Kwoze

KOLOSIMEI 2:20

Gonyiinii Kristago kaswisii taitakle sateichii sazyii pouryiigo apum katii rangii hang kito laat mpatpyii aitakle; tei tiileponii, Gonyiinii sazyii pouryii kangto kalei takumpii dajangpiinii lungleipo?

MATIMANGOU KAPYII 1:18

sateichii karing teile. Inii taitakle nlenii julo, aitoinii Inii kalui gasii ring takle sateichii kataimei ninado kataimei- mah sazyii pouryii chabyii tei guda leile.

HEBRUMEI 10:1

Kadapokii ajaitingshang tei- nii ai kasang hang mah ajai agok kasang teisupiinii gong tang karam kabi hang mah khiina katu taiswisii, tingkum satui taksupii pyiitoisii kalei njoi katu kakarat hang teipiinii Saraada manang kagongmei hang gotei sajek kaga tei tiisang tiipeiwo lakle.

HEBRUMEI 7:28

Moses mah ajaitingshang teinii meinahgo ahnyiimah kasui kiteito kanat kajum Tingditupii tiisii kalaile, nlenii ajaitingshang tainii kagong riishii mah samkang teinii kalui gasii bikamatui nah sapfii mpou gotei kalaile.

HEBRUMEI 7:3

Melkizedek pfii mak-kii, pwi mak-kii, mpoumah peipaomei hangninii mah kado ryiidek kabam tei gale, mpougo kalung mak-kii katai tinglang mah ryiidek kabam tei gale, mpounii Saraa nah sapfii mpou takumle; kalui gasii mpounii kanat kajum atingmei hangninii tiisii bamle.

KOLOSIMEI 2:14

Nyiidato ti katheisii kalei nyiigo mazhii supii ngourousii kalei ajaitingshang teimah abah zaimah samret tei piit toipyiisii, teitei krosh gamkii jotpyii geekai pyiisii, nyiikak kito teitei mpounii poitoi pyiitakle.

GALATIMEI 4:9

Nlenii aitoinii gonyiinii Sa- raago tigong takle, nle, teidoito kisii Saraanii gonyiigo tigong taklepokii, kasui ninado ka-nkhii rangii hang datei kada takumpii gonyiinii nryiigong loitupo? Teikito nlailoisii gonyiinii kikaleimei katii tei mareipo?

GALATIMEI 4:3

Teitakumpii nyiinii tiina kaleidou sazyii pouryiigo apum tiisii kalei rangiihang kang nkang matusii nyiigodo paineisii kaibamle.

HEBRUMEI 7:21

sung kareiki kanat kajum Atingmei tiikalumei hang teinii riishii haisupii ahnyiimah bamtei poitakle, nlenii Saraanii mpou dakii tamle, “Bangpiinii riishii tiiwo takle, sateichii mpoumah lungswi kalilakle, ‘Nang kalui tiikasu kanat kajum atingmei hangniniile.’”

HEBRUMEI 7:17

Kadapokii ai ai mpoumah sakchyiile, “Nang Melkizedek taito adoidoi tiisii lungkahum, kalui tiikasu kanat kajum atingmei hangniniile.”

ROMMEI 7:14

Kadapochiinii ajaitingshang teinii rangii mahle katu tei nyiinii tile, nlenii Inii kem dakii joitoi kalei taiga kabui meinahle.

HEBRUMEI 7:15

Sateichii Melkizedek go njoi katu kanat kajum atingmei kaki hangninii kapat tinglang kak, nyiinii tam kalei ai hangkapii kisii kasang takle;

HEBRUMEI 9:14

Ai ai kasang katu taiswisii, kadaziikapiinii moikaki kabi ai Kristamah zai teipiinii kaswi leipo? Kalui kaga rangii paikito mpounii mpou roinapii Saraa dakii sajek kaga kakarat pot hangninii tiisii pyiitoi aitakle. Nyiinii karing Saraa gotei nga ngakabui tiisii, kakadak kanat hang kiteito kabi kashyii tikabui nyiimah lungswi hangtei mpoumah zai teipiinii tiimateipyii tangle.