HEBRUMEI 7:11 - KARANU KABI SAMTAM

¹¹ Sateichii kanat kajum atingpii Levi sadung mah paikito bikamatui tei doutakle leponii, (Kadapokii tei kangto Isrelmeinah-nii ajaitingshang tei doutakle) Aron taito adoidoi tiisii lungkahum teisupii, Melkizedek taito adoidoi tiisii lung kahum kanat kanhii kajum Atingmei kaki hangninii pat tang karam kadapei kabi leipo?

HEBRUMEI 7:11 Referans Kwoze

HEBRUMEI 8:7

Kadapokii sat tang karam samtam karei teinii kama galeponii, hangna kashang jangpiinii tinglang tei gatangle.

GALATIMEI 2:21

Inii Saraamah jumage kapyii tei kadak matu makle. Kadaponii ajai- tingshang teipii meinahgo tiimajyii tiimatuipyiile leponii, Kristanii kaang gasii taitakle.

HEBRUMEI 7:21

sung kareiki kanat kajum Atingmei tiikalumei hang teinii riishii haisupii ahnyiimah bamtei poitakle, nlenii Saraanii mpou dakii tamle, “Bangpiinii riishii tiiwo takle, sateichii mpoumah lungswi kalilakle, ‘Nang kalui tiikasu kanat kajum atingmei hangniniile.’”

HEBRUMEI 7:15

Sateichii Melkizedek go njoi katu kanat kajum atingmei kaki hangninii kapat tinglang kak, nyiinii tam kalei ai hangkapii kisii kasang takle;

HEBRUMEI 5:6

Mpounii bam kaki hangninii kitodo tamle, “Melkizedek taito adoidoi tiisii lung kadoihum kalei taiswisii, nangnii kalui kaga kanat kajum atingmei hangninii tiitangle.”

GALATIMEI 4:9

Nlenii aitoinii gonyiinii Sa- raago tigong takle, nle, teidoito kisii Saraanii gonyiigo tigong taklepokii, kasui ninado ka-nkhii rangii hang datei kada takumpii gonyiinii nryiigong loitupo? Teikito nlailoisii gonyiinii kikaleimei katii tei mareipo?

HEBRUMEI 6:20

Nyiihang tung tiisii Jisunii nyiidoi reisii teiki tei tat tutakle, sateichii Melkizedek taito adoidoi tiisii lung kadoihum kalei taiswisii kalui kaga kanat kajum Tingditupii hangninii tiiwo takle.

HEBRUMEI 5:10

Sateichii Melkizedek taito adoidoi tiisii lung kadoihum kalei taiswisii, “Saraanii mpougo kanat kajum atingmei hangniniile katupii saa mpat takle.”

GALATIMEI 4:3

Teitakumpii nyiinii tiina kaleidou sazyii pouryiigo apum tiisii kalei rangiihang kang nkang matusii nyiigodo paineisii kaibamle.

HEBRUMEI 7:10

Kadapokii Melkizedeknii Abraham go kadou katu tinglang kak Levi tei mpou Pfii moilungto leile.

HEBRUMEI 7:12

Kadapokii kanat kajum atingmei tei pikali katu tinglang kak, ajaitingshang kitodo poikali tang karam tei leile.

HEBRUMEI 7:13

Sateichii ai hang jangpii tam kalei, nyii Bangpii ai meilui kaki hangninii kitole, satei- chii mpou mah lui kak kito mei hangninii kado kakhatbam kiteito kanat kajum atingmei hangninii tiisii tha tiisang tiimakle.

HEBRUMEI 9:6

Teihang tei kada takumpiinii tiikada bampo katu tei aile, kanat kajum atingmei hangnii tingnei tingneikii ahnyiimah tha tiitang karam jangpiinii dwipeiki mah kajangpii shang teinii sating kata liit leile.