HEBRUMEI 6:6 - KARANU KABI SAMTAM

⁶ ahnyiigo nlailoisii lung kali matu katu katang kiteikii kailoi katu tei tiipeiwo lakle; dapokii ahnyiinii Saraa nah sapfii mpou gotei ahnyii jangpii Krosh gamki gisii, mpougo madurahapii tii nrou aitakle.

HEBRUMEI 6:6 Referans Kwoze

2 PITAR 2:21

Kadaponii kasang kama- jyiimah pwidi tei ahnyiinii tiwo taklepokii, ahnyii dakii pyii kalei kamatei kakhatsam kiteito tat nrek katu sungnii, teitei ahnyiinii tikasu teiniipou ahnyii jangpii kisii bibwi tangle.

HEBRUMEI 10:29

Teitii leponii jumage kapyii mah rangiigo kalet kalou katii, ahgo kem kito tiimatei kapyii Saraamah zaimah sat tang karam samtam go mai kamalamah pot hangninii takumpii poikalei, Saraa nah sapfii mpougo mazhii kasu gotei kadaziikapii kaki kadwi karat tei doumajyiile sii gonyiinii maning leipo?

HEBRUMEI 6:4

Kadapokii binii swi tii-mvapyii kalei, sating gam mah luha masei kalei, sateichii rangii kamatei mah njai dou njoi kalumei,

1 JON 5:16

Mei kata hangninanii, mpou sanapiinii taitang gatang karam kem tiikalei ngouleponii, mpounii riita khang tang karamle, Sateichii Saraanii mpou dakii katai kaga mpat kasu kem katiimei jangpii karing tei pyiitangle. Taitang gatang karam kem leile, aimah kaang kito ahnii khang tang karamlesii Inii tam makle.

2 TIMOTHI 2:25

ngou karoumeigo manoisii tiima- jyiipyii tang karamle; ahnyiinii lung kalisii kasang tigong matu tang karam jangpii. Saraanii ahnyiigo tinglang kabi pyii leido malahle.

HEBRUMEI 12:2

Sateichii nyiimah kamalum mah abang ninado tiimatui kapyiipii Jisugo jusii, nyiidoi kalei pak maga tang karam tei lung leh kati tei kaswisii pakde. Ah doito kalei ka-nta jangpii ahnii kasangbam gotei samah kado maning supii Krosh tei leh wosii, Saraamah sagongbam bah ajiilam teito bam wotakle.

METIU 19:26

Jisunii ahnyiigo jusii tamle, “Meinah jangpiinii ai ai tiipei wolakle, nlenii Saraa jangpiinii mahlyii hang tiipei wobuile.”

LUKNII KARYII KABI RASAM JUKAMATI 11:48

Aitiisii gonyiinii sakchyiile sateichii gonyii peipaomei mah tha tei gonyiinii mazhiipyii lahok takle; kadapochiinii gonyii peipao meinii ahnyiigo gile, sateichii gonyiinii ahnyii mah roubam tiile.

HEBRUMEI 4:14

Saraa nah sapfii mpou Jisu, sating gam hang ki pitang kalu kadi kanat kajum tingdipii nyiimah kalei taiswisii, nyiinii tam ka-mpat tei sangtingsii jumde.

HEBRUMEI 10:26

Kadapokii kasangmah swirek kabi doukalu teito nyiinii kem tei tiisii leihum leponii, kem poitoipyii tang karam kakarat pot hangninii kado gale,