HEBRUMEI 6:5 - KARANU KABI SAMTAM

⁵ Saraamah samtak mah sateichii gong tang karam aha kanamah teimaham hang mah, chiikabi chiikashyii masei kalei ahnyii teinii koukalei kito,

HEBRUMEI 6:5 Referans Kwoze

LUKNII KARYII KABI RASAM JUKAMATI 8:13

Kuitu phyiiryii tak kaliit teinii, ahnyiinii kabi rasam tei shiitakle, sateichii ntasii lukaiwo takle. Nlenii maa kaga jangpiinii tinglang shangniikii malumkai takpokii, ajai kaju tinglang gong sek-kii, ahnyii tei koutakle.

1 PITAR 2:3

Nah karanumei takumpiinii nadwi gotei saryiisii mareilo.

2 PITAR 2:20

Kadapokii ahnyiinii nyii Bangpii ninado nyiigo keikapyiipii Jisu Kristago tikalu kito sazyii pouryiimah kashyii kahong tha hang kito nlek kalu taito, ahnyiigo kashyii kahong tha kiteikii nlailoisii jum wosii apum tii woleponii, ahnyii jangpiinii nukarei kimah sung kana kitei kisii shyiibui takle.

HEBRUMEI 2:5

Kadapokii nyiinii riishii kalei gong tang karam kasatai sazyii pouryii tei Saraanii sating gamlui kang nkang matu makle.

MARK 6:20

Dapokii Herot- nii Jon ai mei kabi meile sateichii kamatei meile katu tisii, mpougo hingle ninado keipyiile sateichii mpou-sam shii wosii mpou lung ai lungnyii lunghao kido mpou-sam ai ntasii shiile.

METIU 12:32

Sateichii meinah sapfii mpougo mazhii kasu sam katam meihang gotei kaleipyii tangle, nlenii rangii kamatei go mazhii kasu sam katam meihang gonii sazyii pouryii kitodo gongtang karam kiteitodo kaleipyii lakle.

IPISAMEI 6:17

Keikapyii tei Saraamah phyiihung hangninii tiisii sateichii Saraamah samtam tei rangiinii gonyiigo kapyii saryiikhang hangninii tiisii lukai wolo.

HEBRUMEI 4:12

Saraamah samkang teinii ring- kalei sateichii nlaisupii bam kasu, mwi hangna kapung saryiikhang sungdo kisii mwi bikile, rakot nei rangiigo sateichii ashaang nei akeeng go jaitaam katu katang tei jowkalale, sateichii meinah mah kamaning lungswi ninado alungmah karaang kamaning hang go samtak tiile.

HEBRUMEI 11:3

Sazyii pouryii ai Saraamah sam- kangpii tii mpatpyii takle, teipiinii ngoukalei mahlyii hang ai ngoukabui mah pot hang kito patmakle katu tei, kamalum teipii nyiinii tile.

1 PITAR 1:25

Nlenii Bangpiimah samtam teinii kalui tiisupii bamle.” Gonyii dakii tam ralipyii kalei kabi rasam tei samkang aile.