HEBRUMEI 6:2 - KARANU KABI SAMTAM

² dwi ka-mpum hangmah kaang kito rali kapyiimah, bah poikamakhii mah, kataimei ringkakhii mah sateichii kalui kaga samtak katii mah bangmaa tei nlailoisii tiimakhii sude.

HEBRUMEI 6:2 Referans Kwoze

TIILAMLWI KAPYIIMEI THA JUKAMATI 6:6

Tiilamlwi kapyiimei doikii masat takle, sateichii ahnyiinii riita kaleitai ahnyii phyiiryiikii ahnyiinii bah poikaipyii takle.

TIILAMLWI KAPYIIMEI THA JUKAMATI 24:25

Sateichii tingshang kabi mpouroinapii mpoupum pung kama- jyii mah Sateichii gong tang karam samtak katii kaang mpounii karashiipi tusek-kii, Felixnii hingsii khekalatle, “Aitoi jangpiinii nang tat tulo, sateichii Inii tinglang kabi dousekchii n-go lat tangle.”

TIILAMLWI KAPYIIMEI THA JUKAMATI 23:6

Nlenii mei ndwi lamkanii sadhu- mei sateichii mei ndwi lamkanii Farasismeile katu tei Polnii tiwosek- kii, samtak katii katingmei doikii mpounii saa mpatle, Kangsanamei, Inii Farasismei nah sapfiimei hang- niniile, kataimei hangnii ringkhii tangle katu maning kamalum jangpii n-gu samtak tiileile.

TIILAMLWI KAPYIIMEI THA JUKAMATI 17:18

Sateichii Ipikoriya ninado stoik ki kati kahaimei mei kangkanii mpougo kajyiitu takle, sateichii mei kangkanii tamle, “Sampei katipii ainii kadapei tamleziikhe?” Kakimei teinii tamle, “Mpounii sazyii kakimah sara hang mah sam tam rali kapyiimei hangniniigo reile, kadaponii mpounii Jisu mah sateichii ringkakhii mah kabi rasam tei tam rali pyiile.

TIILAMLWI KAPYIIMEI THA JUKAMATI 16:33

Sateichii teipiinei tinghum teitinglang sek teikii mpounii mpoupiinago pang wosii mpoupiimah tingrang jam tei shyii mateitoi pyii aitakle, sateichii teisek-kii mpoudo mpouki kalungmei hangdo dwi mpum wotakle.

TIILAMLWI KAPYIIMEI THA JUKAMATI 16:15

Mpoupeido mpou- peiki kalungmei hangniido dwi mpum kalutai mpoupeinii nyii dato khangle, “I-ai Bangpiigo kamalum meilesii gonyiinii maning leponii, guki gong bamseilo.” Sateichii mpoupeinii nyiigo tiigatpii haitakle.

TIILAMLWI KAPYIIMEI THA JUKAMATI 10:47

Teitinglang kak Pitarnii tam mpatle, “Nyii takumpiinii rangii kamateigo douwo kalu ahnyii aigo dwi mpum matulak tang karam jangpii mei hangninii kaniido dwi aigo nam wobuipo?”

TIILAMLWI KAPYIIMEI THA JUKAMATI 2:41

Teijangpiinii mpou sam lukai kalu ahnyii hang gotei dwi mpum pyiitakle sateichii teipiinei leimik tei mei tangtumkii ahnyiida gong mpam wole.

TIILAMLWI KAPYIIMEI THA JUKAMATI 2:38

Pitarnii ahnyii dakii tamle, “Gonyii mah kem kaleipyii matutang karam jangpii gonyiinii lung kali wolo sateichii Jisu Krista zei kito gonyii hangnii dwi mpum wolo ninado gonyiinii rangii kamatei mah luha tei doutangle.

JONNII KARYII KABI RASAM JUKAMATI 1:33

Iniido mpougo timakle, nlenii dwi kito mpum pyiilosii n-gu lang kamagong mpounii n-gu tamle, rangiinii hum kapyii sateichii bam kapyii nangnii kangou mpou ai rangii kamateipii mpum pyiisii kalei mpou teile.

MARK 16:16

Malum kalumei ninado dwi mpum kalumei hang go tei keipyii tangle; ninado malum kasumei hang gotei tam mashyii tangle.

METIU 28:19

Teijangpii gonyiinii maasii, lui hang go gutai kaswimei tiipyiilo, Apfii, anah ninado rangii kamatei zei kito dwi mpum pyiilo;

2 PITAR 3:7

Nlenii samtak katiimah ninado Saraa haikasumei hang go tiikamaga mah leimik tei gong kasuta, njoi katu kakhatsam teinii aitoi kalei sating ninado sazyii pouryiigo mipii rutang karam jangpii jumatousii kaibam takle.

HEBRUMEI 11:35

kamalum paikito sapwimei hangnii ahnyii ki kalungmei hang go katai kito ringkhiiloi katu tei dou- takle. Kakimei hangteinii arangra katii tei lurousii tiikamage tiika- malak kang teito taitakle...bikaki karing kiteito ringkhii tang karam jangpii,

HEBRUMEI 9:10

Kadapokii ahnyiinii kachii kasak ninado tiikamatei mah kanat hang gotei kaswisii kalei taiswisii, aihang ainii bitang karam jangpii tiikaliloi katumah tinglang tei gong kasuta jumtang karam poumah tat kalei ajaihang teile.

2 TIMOTHI 2:18

Aitoinii katai kito ringkakhii ai maju taklesii tamsii kasangmah pwidi kito mpaasii tat tukaleimei ainii mei kangkiimah kamalum tei tiimagasii leitakle.

KOLOSIMEI 2:12

Dwi ka-mpum kito mpougo kaswisii gonyiigo poigoi aitakle, sateichii mpougo katai meikak kito tiimaring kapyii Saraa teinii tiikalei tha kiteikii gonyiinii kamalum paikito mpougo kaswisii gonyiigo tiimaring- pyii takle.

PILIPIMEI 3:21

Mpounii apum tiisii kalung kangkii mahlyii hang go mpounii poigoi kalumah teimaham tei jumsii, tai kabui gakabui kasui nyii pum hang go mpounii tiiranupyii tangle ninado mpoumah kangam pum takum matu tangle.

1 KORENMEI 12:13

Kadaponii Jehudimei kado, Grikmei kado, Kabangmei kado, laat kabam mei kado, nyiihang go rangii hangninanii apum hangninii kikii dwi mpum pyiibam takle, sateichii rangii hangninii kito sak matu tang karam jangpii meihang go tiibam takle.

1 KORENMEI 10:2

sateichii meihangnii mongjyii lungto ninado dwijai lungto Moses tai kaswimei hangninii tiisii dwi mpum wole;

ROMMEI 2:16

Samtak katii piinei leimik gumah kabi rasam taiswisii Saraanii Jisu Krista paito ameinah mah kama- kum hang gotei samtak tiitangle.

TIILAMLWI KAPYIIMEI THA JUKAMATI 26:8

Kataimeigo Saraanii tiimaringpyiile katu ai gonyiinii kadajangpii malumpei wolaksii leipo?

TIILAMLWI KAPYIIMEI THA JUKAMATI 24:21

Sam hangninii aipou Inii gonyiidoi kasat kak tam mpatle, ‘gonyiinii n-gu tingnei samtak ai tiileile kadaponii Inii kataimei ai ringkhii tanglesii maning kamalum jangpii.’ ”

TIILAMLWI KAPYIIMEI THA JUKAMATI 24:15

Iniido Saraa dakii kamalum tei bamle, ahnyiinii kabam takumpii, katunii, meihang, kabimeido kashyiimeido katai kito ringkhii tangle.

TIILAMLWI KAPYIIMEI THA JUKAMATI 4:2

Ahnyii tei hangkapii samousu takle kadaponii Tiilamlwi kapyiimei hangna teinii katai kito Jisu ringkhii taklesii mei- dakii ralipyiisii bamle, teitei piinii kataimei ai ringkhii tangle katu tei mangou takle.

JONNII KARYII KABI RASAM JUKAMATI 5:29

Kabi katiimei hangnii ringtang karam mah ringkakhii kitei sateichii kashyii ka- tiimei hangnii samtak tiitang karam mah ringkakhii kitei tatpat tangle.

LUKNII KARYII KABI RASAM JUKAMATI 14:14

teitii lepochiinii nangnii doibi tangle, dapochiinii ahnyiinii n-go rui kaleipyii peiwo lakle, Saraa nii n-go rui kaleipyii tangle, mei kabimei hangnii katai kito ring kakhii piinei leimik.”

LUKNII KARYII KABI RASAM JUKAMATI 12:50

Inii dwi mpum tang karam hangninii leile, sateichii ai-ai gong kasuta Inii kadaziikapii kamage tangpo!

LUKNII KARYII KABI RASAM JUKAMATI 11:38

Sateichii mpounii mah chii kasunii bah baitek kasu tei Kabijai katiipii teinii ngou wosii sung gatakle.

LUKNII KARYII KABI RASAM JUKAMATI 3:16

Jon- nii ahnyii hang dakii khekalatle, “Inii gonyiigo dwi kito dwipii mpum- pyiile, Nlenii gusung dikakipii tei gong leile, Inii mpoumah Pichotring hektoi kajyii mei makle; Mpounii gonyiigo Rangii kamateipii sateichii mipii mpumpyii tangle.

MARK 7:8

Saraanii kakhat kapyii sam teinii toi aisii meinii tiikalu ajai- tingshang gotei gonyiinii swisii leile.”

MARK 7:4

sateichii ahnyiinii salikijangto nlai gongchii, reipii dwi n-goi matei kasuta ahnyiinii mah chiilei makle; teiroi supii kaki kaki jai hangkado ahnyiinii swileile, tei teinii: peek, lee, sagyiikok koklat, ninado zyii shyii kamatei aile.

METIU 3:14

Nlenii Jon-nii mpougo namsii tamtakle, “Nangniipou n-gu dwi mpumpyii kajyiile, nlenii nangnii guda gongleima!”

2 KORENMEI 5:10

Kadapokii mpougo samtak tiimatu tang karam jangpii, Kristamah samtak katiibam doitei nyiihangnii gongtang karamle; sateichii pum- potmah tiilung kito mpou mpounii tiikabam hang katunii, kabi kado kashyii kado, mpou mpounii douka- majyii taiswisii mei nsang nsangnii doutangle.

TIILAMLWI KAPYIIMEI THA JUKAMATI 13:3

Teitinglang ki ahnyiinii malot- ryiisii riitasii mpoupiina phyiiryiikii bah poikai pyiisii mpoupiinago lang mpat aitakle.