HEBRUMEI 6:19 - KARANU KABI SAMTAM

¹⁹ Nyiinii maning kamalum ai malyii ka-ntakbam takumpii nyiimah karing jangpii bamle. Ainii sadoi kashyii kito keikalu ninado soikalak sateichii Saraa kamaning kilungkii lam kabam peira tailam katang tatliit wokabui teile.

HEBRUMEI 6:19 Referans Kwoze

HEBRUMEI 9:7

Nlenii dwipei ki mah alungpii shang teinii kanat kajum tingdipii roinii liit leile, sateichii mpoudo tingkumkii kito liit binii roinii liit leile. Mpounii mpou jangpii ninado meihangmah kem jangpii Saraago pyiitoi tang karam zai tei poisupiinii liitmakle;

HEBRUMEI 9:3

Sateichii hangna kashang kalampei mah tai- lampang tei kamatei hang phyiiryiito kamatei sii kalat dwipeiki tei leile;

METIU 27:51

Teito Saraa kamaningki lungkii lam kabam peira tei aphyiito akang katang tei hangna tiisii hetriit ai- takle; sazyiido nlaile, sateichii kuitu kadido pak takle;

KOLOSIMEI 3:1

Gonyiinii Kristago kaswisii ring- khii takle, Kristanii mpoumah sagongmah bam kito Saraamah bah ajiilamto bamsii kalei, sagoi gamto kalei mah pot hang gotei fiilo.

2 TIMOTHI 2:19

Teitii kido Saraamah bangmaa kasangting teinii nlaisupii satsii leile, aimah siiti ai pungsii; katunii “Bangpiinii mpoumah katu- mei hang go tile,” sateichii “Bangpii zeigo latsii kaleimei hangteinii kakui kama kiteito mpaa matulo.”

TIILAMLWI KAPYIIMEI THA JUKAMATI 27:29

Sateichii nyiigo kuitu kadi gamki hoimakhii rot kaleigo hingsii ahnyiinii malyii kahoi nito sarangh mwigok pak madai toikaisii, tingva liit tang karam jangpii riitasii bamle.

ROMMEI 4:16

Teijangpiinii kamalum tai swile, kadapokii riishii tiikabam tei lungsyii kati kito gong tang karam jangpii sateichii mpoutaa mpounah meihang dakii madousupii pyiitang karam jangpii ajaitingshang tai kaswi meigo roina makle, nlenii Abraham mah kamalum njai poihaisii kalei meigodo pyiitang karam jangpiile, kadapokii mpounii nyiihang mah rangii mah Apfii teile.

TIILAMLWI KAPYIIMEI THA JUKAMATI 27:40

Sateichii Sarangh mwi hangtei toikai aisii dwijai kikii kaitakle; teitinglang ki sek-kii ahnyiinii malyii rakchego poi ndwi kabam rengtei hek mpat aitakle. Sateichii adoilamkii lam kabam peira tei tingkailam pangkii chyii- makhiisii, ahnyiinii atusakhyii khyiina phyiiryiikii masat tang karam jangpii tiile.

HEBRUMEI 4:16

Teitii leponii nyiinii tiikaha mareisii kalei kak, lungsyii kati doutang karam ninado jumage kapyii tei nyiinii ngoutang karam jangpii, lung kalum tei kaswisii jumage kapyii mah sagongbam kitei nyiinii tat manang liitde.

IPISAMEI 2:6

Nyiinii Krista Jisu kaswisii hangninii tiisii nja kalu kito mpougo kaswisii sating gam sazyii kito kaswisii apum tiimatu tang karam jangpii mpougo kaswisii nyiigo mpounii tiimaringpyii takle.

1 KORENMEI 15:58

Teijangpiinii Gu kangsanamei, gonyii mah tha tiikalei tei Bangpii dato kadak makle katu tei tisii, gonyii sangtingsii, nlaisupiinii Bangpii mah tha katii kito tinglang kaleita tiilo.

TIILAMLWI KAPYIIMEI THA JUKAMATI 23:6

Nlenii mei ndwi lamkanii sadhu- mei sateichii mei ndwi lamkanii Farasismeile katu tei Polnii tiwosek- kii, samtak katii katingmei doikii mpounii saa mpatle, Kangsanamei, Inii Farasismei nah sapfiimei hang- niniile, kataimei hangnii ringkhii tangle katu maning kamalum jangpii n-gu samtak tiileile.

ROMMEI 4:18

Mpounii kamalum kito malum kalak gotei malum wole, lui hangkii mah pfii tiitang karam jangpii, kabi rasam kito katam takumpii, “Gotaa gonahmei tei sageiti zyiikii tangle.”

ROMMEI 5:4

sateichii leh kati teipii Saraa mah kamazhii sateichii mpoumah kamazhii teipii doutang lesii maning kamalum tei patle katu tei nyiinii tile;

1 KORENMEI 13:13

Teijangpiinii maning kamalum sateichii lungkasyii ai taksupii leile; sateichii ai hangtum kak kito kadi disang teinii lungkasyii teile.

KOLOSIMEI 1:27

Saraanii kamaning teinii mpounii meihang jangpii kabam kani kahii ninado pumtei kavamah kamakum tei mpoumah meihang go timatu tang karam jangpiile. Sateichii kamakum teinii gonyii lung kito Krista leile. Katunii, Saraamah pumtei kava tei gonyii njai dou njoi tangle.

1 PITAR 1:3

Nyii Bangpii Jisu Kristamah Apfii ninado Saraa gotei tam matoile! Mpoumah kadi lungset kati teipii Jisu Kristanii katai kito ringkakhii teipii mpounii nyiigo karanu tiilung tei pyiile. Aipii nyiigo taikalak karing maning kamalum teipii tiitokryii pyiile.