HEBRUMEI 6:18 - KARANU KABI SAMTAM

¹⁸ Teipiinii ai tha hangna katunii, kalipei wokalak ninado Saraanii chuipeiwo kalak kaang ai leile. Teijangpiinii mpougo kaswisii nsungbam doukalumei nyiihang go nyiidoito kalei maning kamalum kiteito makhiipyii takle.

HEBRUMEI 6:18 Referans Kwoze

TAITAS 1:2

chuisang chuilei kasu Saraanii pyiitanglesii ndouto riishii tiikabam kalui kaga karing tei doutanglesii maning kamalum kito,

2 TIMOTHI 2:13

Nyiidato malum kabui tei galeponii mpounii malum kabwi tei taksupii leile, dapokii mpounii mpouroinapii mpougo mazhii kasu tei tiipei wolakle.

ROMMEI 3:4

Teisang teimakle, meihangnii kachuitu kado Saraanii kasang tei tangle, ryii kabam aitakumpii: “Gosam tam kito n-go tiimajyiipyii wokabui jangpii, sateichii n-go samtak katii ngam wokabui jangpii.”

1 JON 1:10

Nyiinii kem tiimaklesii nyiinii tam leponii, nyiinii Saraago chui matu aitakle sateichii mpou samtei nyiida gale.

HEBRUMEI 3:11

Inii rakarhii kito riishii tiikabam takumpii, ‘ahnyiinii gumah ntakbam kitei liitsang liitlakle.’ ”

1 TIMOTHI 1:1

Nyiigo Keikapyii Saraa ninado nyiinii kamalum Krista Jisumah mwija taiswisii Krista Jisumah tiilamlwi kapyiimei hangninii tiisii kalei Pol dato.

ROMMEI 3:25

Saraanii Ahgo pyiile, kadaponii kamalum paikito meinah mah kem tei mpounii karatsii taikapyii teipii meinah mah kem tei tiimateipyii matu tang karam jangpii Saraanii ai tiipyiile, mpoumah kasang kamajyii tei tiimangou tang karam jangpii. Tinglang kareiki mpoumah leh kati teipii meinah mah kem hangtei fiiseisu takle, nlenii aitoi tinglang kinii mpounii ahnyii mah kem hangtei fiisii leile, mpoumah kasang kamajyii tei tiimangou tang karam jangpii. Aitiisii Saraanii mpousek ai kasang kamajyiile sateichii mpounii Jisugo kamalum meihang go tiimajyii pyiile katu tei mangoule.

1 JON 5:10

Saraa nah sapfii mpougo kamalum ah teinii ah roinapii sakchyii tei leile, Saraago malum kasu ahteinii mpougo chuimatu aitakle, kadapokii Saraanii mpounah sapfii mpou mah kaang kito pyii kabam sakchyii tei ahnii malum sutakle.

1 TIMOTHI 6:12

Kamalum mah kabi saryii katii tei tiilo, sakchyiimei hangkii doito nangnii tam ka-mpat kak, n-go latkalu kalui kaga mah karing tei jumlo.

ROMMEI 15:5

Lungswi hangninii tiisii gonyiinii rok hangniniipii, nyii Bangpii Jisu Krista mah Saraado tiisii kalei ninado Apfiido tiisii kalei gotei tam matoi tang karam jangpii,

HEBRUMEI 11:7

Kamalum jangpii Nohanii mik ngoukasu tha hang mah kaang kito tiiloi sulosii tam kakhat tei dousanii mpou ninado mpouki kalung mpung go keipyii tang karam jangpii mpounii lungliitsii malyii garyii hangninii liwotakle. Aimah paikito sazyii pouryiigo mpounii malesii tam takle, sateichii kamalum kito gong katu kasang kamajyiimah mahtou toutang karam mei hangninii miwotakle.

1 THESOLONIKAMEI 1:10

sateichii gongkalei Saraamah rakarhii kito nyiigo poi mpat kapyii, mpounii kataimei kak kito tiimaring kapyii mpou nah sapfii mpou Jisugo, sating gamto kahum koitang karam jangpii gonyiinii kada takumpii Saraada nryiigong wopo katu tei ahnyiinii tam leile.

KOLOSIMEI 1:27

Saraanii kamaning teinii mpounii meihang jangpii kabam kani kahii ninado pumtei kavamah kamakum tei mpoumah meihang go timatu tang karam jangpiile. Sateichii kamakum teinii gonyii lung kito Krista leile. Katunii, Saraamah pumtei kava tei gonyii njai dou njoi tangle.

KOLOSIMEI 1:23

Nlenii gonyiinii kabi rasam shiikalu ting- lang kak doukalu gonyiimah maning kamalum kiteito nlai matusupii kasangting soikalak bangmaa kiteito malum kabui tei tiijousii leitang karamle. Pol, Inii nga ngakalei ai aimah kabi rasam katunii, sazyii pouryiito kaleihang go tam ralipyii kabam kitole.

LUKNII KARYII KABI RASAM JUKAMATI 2:25

Teitinglang kak mei hangninii Simion katupii ai Jerosalem ki lung leile; mpou ai Isrelmei lung tei tiisamoupyii tang karam go koisii, Saraa go kati, kasang kamajyii tiisii kalei mei hangniniile, sateichii rangii kamateinii mpougo kaswi leile.

METIU 24:35

sating ninado sazyiinii gatu tangle, nlenii gu sam-nii gasang galakle.”

HEBRUMEI 7:21

sung kareiki kanat kajum Atingmei tiikalumei hang teinii riishii haisupii ahnyiimah bamtei poitakle, nlenii Saraanii mpou dakii tamle, “Bangpiinii riishii tiiwo takle, sateichii mpoumah lungswi kalilakle, ‘Nang kalui tiikasu kanat kajum atingmei hangniniile.’”

HEBRUMEI 3:6

Nlenii Saraamah ki kalung teito nah sapfii mpou tei tiisii Kristanii malum kabui tei tiile. Nyiinii maning malumsii kalei kiteito nyiinii lung kadi ninado nyiimah lung kalum tei jumsii lei leponii, nyiinii mpoumah ki teile.

KOLOSIMEI 1:5

Kasang samtam katunii, kabi rasam teinii gonyiida gong kareiki, teiteinii pyiisii kalei maning kamalum mah kaang tei shiitakle, teipiinii gonyiimah kamalum ninado lungkasyii teinii gonyii jangpii sating gamkii kaidek kabam gonyiinii maning malumsii kalei taiswi takle.

PILIPIMEI 2:1

Teijangpii Krista dato lung tiikamakhii, lungkasyiimah lung tiikamakhii, rangii mah kaswisii njoi katu, lungkasyii ninado mei lungset kati tei lei leponii,

METIU 3:7

Nlenii Farasismei ninado Sadhu- mei hangteinii dwi mpum tang karam jangpii gong kalei tei ngou wosii mpounii ahnyii dakii tamle, “He sanhii taa-nahmei, gongtang karam rakarhii kiteito nlek wolosii gonyii dakii tanii ralipyiipo?

ROMMEI 5:5

sateichii doutang lesii maning kamalum teipii nyiigo tii-nrou leimakle, kadaponii nyiidakii pyii kalei rangii kamatei paito Saraa mah lungkasyii tei nyiilung kikii ruikai pyiitakle.

HEBRUMEI 6:17

Mpounii riishii tiikabam gotei doutang karam ahnyii dateikii, mpounii tiimatu kanyii tei mpounii tiisang tiikali lakle katu tei Saraanii matei sagaisii timatunyiile, tei- jangpii mpounii hangna kak kiteikii riishii teipii satpyiile.

HEBRUMEI 7:19

Kadapokii Moses mah ajaiting- shang teinii samah kado bimatwi matu womakle, sateichii kisii bikaki maning kamalum gotei pung gongpyiile, teimah paikito nyiinii Saraa mah bam kitei manang gongle.