HEBRUMEI 6:17 - KARANU KABI SAMTAM

¹⁷ Mpounii riishii tiikabam gotei doutang karam ahnyii dateikii, mpounii tiimatu kanyii tei mpounii tiisang tiikali lakle katu tei Saraanii matei sagaisii timatunyiile, tei- jangpii mpounii hangna kak kiteikii riishii teipii satpyiile.

HEBRUMEI 6:17 Referans Kwoze

HEBRUMEI 6:18

Teipiinii ai tha hangna katunii, kalipei wokalak ninado Saraanii chuipeiwo kalak kaang ai leile. Teijangpiinii mpougo kaswisii nsungbam doukalumei nyiihang go nyiidoito kalei maning kamalum kiteito makhiipyii takle.

HEBRUMEI 11:9

Kamalum jangpii Saraanii mpou dakii riishii tiikabam sazyii kiteito sapumnah hangninii tiisii mpounii lungle, Saraa dato njoi katu riishii dou njoi katu Isak ninado Jakob takumpii mpounii dwipei kiteito lungle.

JONNII KARYII KABI RASAM JUKAMATI 10:10

Karagamei teinii raga tang karam jangpii ninado gitang karam jangpii sateichii tiimaga tang karam jangpii roinii gongle. Inii gonyiinii karing tei doumatu tang karam jangpii sateichii teitei moisii doumatu tang karam jangpii gongle.

1 PITAR 3:7

Tei takumpii gonyii naamei, gonyii noumei ai kisii kasui pumle katu tei tiigatpii tikasei tei njasii gonyii noumeigo kaswisii lung tang karamle. Ahnyiigo sadzyii ngariit tii- sii jupyiilo, dapokii gonyiigo kaswisii, ahnyiiniido Saraanii matapii kapyii kalui kaga karing tiilung tei doutangle. Gonyiimah kariita hang kito mah kado doidang matulak tang karam jangpii ai ai tiilo.

1 PITAR 1:3

Nyii Bangpii Jisu Kristamah Apfii ninado Saraa gotei tam matoile! Mpoumah kadi lungset kati teipii Jisu Kristanii katai kito ringkakhii teipii mpounii nyiigo karanu tiilung tei pyiile. Aipii nyiigo taikalak karing maning kamalum teipii tiitokryii pyiile.

JEMS 1:17

Kabi ninado sajek kaga luha hang ai sating gamtole, sakhii leimik nryiisii kalei teipiinii myiimatu kasu mak-kii, kali kasu sating gam mah kava hang go tiika- pyiipii Saraa dato gongle.

HEBRUMEI 6:16

Kadapokii meinahnii ahnyii sung kisii kadimah zei tei latsii riishii tiileile, sateichii kasou kalei hang kito tiitak tang karam jangpii riishii rasat ainii kaluile.

HEBRUMEI 6:12

gonyii hangnii kalui katang maning malum katu tiigatpii lung leh kati katang tei lungliit katu tei katang gonyiinii tiikamangou nyiinii mareile.

GALATIMEI 3:29

Sateichii gonyii ai Kristamah leponii gonyiinii Abraham taa, nahmei, riishii tiikabam taiswisii mahtou toutang karam mei teile.

ROMMEI 11:29

Kadapokii Saraanii kalai kalu ninado satoi toikapyiimei mah kaang kito mpou switei kalimakle.

HEBRUMEI 11:7

Kamalum jangpii Nohanii mik ngoukasu tha hang mah kaang kito tiiloi sulosii tam kakhat tei dousanii mpou ninado mpouki kalung mpung go keipyii tang karam jangpii mpounii lungliitsii malyii garyii hangninii liwotakle. Aimah paikito sazyii pouryiigo mpounii malesii tam takle, sateichii kamalum kito gong katu kasang kamajyiimah mahtou toutang karam mei hangninii miwotakle.

ROMMEI 8:17

Sateichii Saraa nahmeile ponii mahtou katoumeido takle, mpougo kaswisii nyiinii pumtei kava tei dou njoitang karam jangpii Kristago kaswisii nyii kamage kalak pung njoi leponii, Saraa mahtou katoumei sateichii mpougo njoisii mahtou katoumei takle.

JEMS 2:5

Gulungkasyii kangsanamei, shiilo, kamalum kito mah nimatu tang karam jangpii, sateichii Saraago lungkasyiimei hang dakii pyii- tanglesii riishii tiikabam sating gam sazyiimah matou katoumei tiimatu tang karam jangpii, sazyii pouryiito mah kagameigo mpounii kalaipyii makpo?

IPISAMEI 1:11

Saraanii tiikanyii kamaning kamarei taiswisii mahlyii hang ai tiibam takle; sateichii saroi roisang kito mpounii kamaning gotei jubam- sii, mpoumah tiikanyii kamaning kamarei roinii jangpii, Kristago nyiinii njasii kalei kito, mpoumah mei tiimatu tang karam jangpii, Saraanii nyiigo kalai wotakle.