HEBRUMEI 6:11 - KARANU KABI SAMTAM

¹¹ Sateichii gonyiinii mahat supii, kamalum ninado lung leh kati paikito riishii tiikabam tei doukalu ahnyiimah jai karalimei tiitang karam jangpii,

HEBRUMEI 6:11 Referans Kwoze

HEBRUMEI 3:6

Nlenii Saraamah ki kalung teito nah sapfii mpou tei tiisii Kristanii malum kabui tei tiile. Nyiinii maning malumsii kalei kiteito nyiinii lung kadi ninado nyiimah lung kalum tei jumsii lei leponii, nyiinii mpoumah ki teile.

2 PITAR 1:10

Teijangpiinii kangsanamei, go- nyiigo lat kapyii ninado kalai kapyii tei katika tang karam jangpii kisii teibuisii tha tiilo, kadapokii gonyiinii tei tiileponii, gonyiinii madou kado kousang koulakle.

HEBRUMEI 3:14

Kadapokii nyiinii nyiimah lung kalum tei karei sekto kalui katang tei sangtingsii jum woleponii, nyii hang ai Kristago kaswisii njai dou njoi katumei takle:

HEBRUMEI 10:22

Teipiinii kabi kashyii tikabui kama lungswi kiteito tiimatei kalei ninado dwi kamatei piinii shyii matei kalei pumrong hangtei pung- sii, lung kamatei ninado soikalak kamalum teipii nyiinii Saraada manang gongde.

MATIMANGOU KAPYII 2:26

Sateichii ngam kalu ninado kalui katang gumah tha hang ryiisii kalei ah dateikii Inii luihang phyiiryiito teimaham pyiitangle;

1 JON 3:14

Nyiinii katai kito majusii karing kitei liit takle katu nyiinii tile, dapodinchii nyiinii nyii sanameigo lungsyiile. Lungsyii kasu ahteinii katai kito taksupii leile.

2 PITAR 3:14

Teijangpii lungkasyiimei, gonyii- nii aijangpii koikalei taiswisii, mpou mikjot kito sajek ninado kama gasii, majungsii gonyiigo mpounii dou wokabui tiilo.

1 PITAR 1:21

Katai kito tiimaring kapyii sateichii pumtei kava kapyii Saraa gotei, mpou paikito gonyiinii malumle; teijangpii gonyii mah kamalum ninado maning kama- lum tei Saraa dakii mik leeng bamle.

2 THESOLONIKAMEI 3:13

Nlenii kangsanamei, gonyiinii kabi katii kito set sulo,

ROMMEI 15:13

Maning kamalum mah Saraa teinii gonyiigo ka-nta sateichii kamajung teipiinii kamalum kito tokryiipyii matulo, rangii kamatei mah teimaham teipii gonyiinii maning kamalum tei doukiwo kabui jangpii.

1 THESOLONIKAMEI 4:10

Sateichii kasangle gonyiinii Mesidoniya kito kalei kangsanamei hang go kalungsyiile. Nlenii kangsanamei, teisungdo kisii kisii tiisei losii nyiinii gonyiigo tam katwi leile,

1 THESOLONIKAMEI 1:5

katunii, nyiinii ralikapyii kabi rasam tei gonyiida samtampii roinii pung gong makle, nlenii teimahamdo, rangii kama- teido, sateichii kasang kati tei kaswisii pung gongle; gonyii jangpii nyii ai kada takum katumeipo katu nyiinii tiikamangou tei gonyiiniido tile.

KOLOSIMEI 1:5

Kasang samtam katunii, kabi rasam teinii gonyiida gong kareiki, teiteinii pyiisii kalei maning kamalum mah kaang tei shiitakle, teipiinii gonyiimah kamalum ninado lungkasyii teinii gonyii jangpii sating gamkii kaidek kabam gonyiinii maning malumsii kalei taiswi takle.

PILIPIMEI 3:15

Rangii lamto sangting kalu nyiihangnii njoi katu lungswi ai leitang karamle, nlenii gonyiimei kangkanii katham lungswitei leile- ponii, aido Saraanii gonyii dakii mati mangoupyii tangle.

GALATIMEI 6:9

Teijangpiinii kabi tha katii kiteito nyiinii laksude. Kadapokii nyiinii lung nkhii suleponii, nyiinii rachet tang karam tinglang kabi tei gongtangle.

1 KORENMEI 15:58

Teijangpiinii Gu kangsanamei, gonyii mah tha tiikalei tei Bangpii dato kadak makle katu tei tisii, gonyii sangtingsii, nlaisupiinii Bangpii mah tha katii kito tinglang kaleita tiilo.

1 KORENMEI 13:13

Teijangpiinii maning kamalum sateichii lungkasyii ai taksupii leile; sateichii ai hangtum kak kito kadi disang teinii lungkasyii teile.

METIU 24:13

Nlenii kalui katang leh kalu meigotei keipyii tangle.

1 JON 3:19

Teitii leponii nyii ai kasang kito leile katu aipii titangle. Sateichii nyii lungswinii nyiigo malesii tam ka- mashyiita,

KOLOSIMEI 2:2

Dapokii ahnyiinii lung taisupii lungkadi teipii tokryii kabui tiisii sateichii lungkasyii kiteikii jum nja kabui tiisii, teito kasang kati teinii pung kagong madousupii doutang karam katokryii kani kahii tei doumatu tang karam jangpii, Inii ai tiileile. Aitiisii ahnyiinii Saraamah kamakum, katunii Kristago titangle.

KOLOSIMEI 1:23

Nlenii gonyiinii kabi rasam shiikalu ting- lang kak doukalu gonyiimah maning kamalum kiteito nlai matusupii kasangting soikalak bangmaa kiteito malum kabui tei tiijousii leitang karamle. Pol, Inii nga ngakalei ai aimah kabi rasam katunii, sazyii pouryiito kaleihang go tam ralipyii kabam kitole.

ROMMEI 12:8

Meigo lung tiimaring tang karam mah leponii, nyiinii teitei tiitang karamle, meigo njaipyii kaleimei hangteiniido kamathii katu gasii tiitang karamle; apum tiitang karam mah teimaham kajum meihang teinii, teisii tha tiitang karamle, meigo lungsyii kapyii tha tiikamangou mei teiniido, nta ntasii tiitang karamle.

GALATIMEI 5:5

Kadapokii nyiinii rangii paito kamalumpii kasang kamajyii mah maning kamalum jangpii koileile.

LUKNII KARYII KABI RASAM JUKAMATI 1:1

Lungkasyii Theophilas: Nyii kakto pat kalei nha aigo mei moinii ryiisii bamtakle.