HEBRUMEI 6:1 - KARANU KABI SAMTAM

¹ Kaang aijangpii Krista mah karei roukatiimah samtam tei toi aisii, nyiinii mishang kaleilam teikii tatjou tude, katai tha kito lung kakali mah sateichii Saraa dakii kamalum mah,

HEBRUMEI 6:1 Referans Kwoze

HEBRUMEI 9:14

Ai ai kasang katu taiswisii, kadaziikapiinii moikaki kabi ai Kristamah zai teipiinii kaswi leipo? Kalui kaga rangii paikito mpounii mpou roinapii Saraa dakii sajek kaga kakarat pot hangninii tiisii pyiitoi aitakle. Nyiinii karing Saraa gotei nga ngakabui tiisii, kakadak kanat hang kiteito kabi kashyii tikabui nyiimah lungswi hangtei mpoumah zai teipiinii tiimateipyii tangle.

2 KORENMEI 7:1

Lungkasyii gukanghemei, riishii aihang ai nyii dakii pyii kabam taiswisii, nyiinii nyii roinapii nyii pum ninado nyii rangiigo tiihangsii kalei matum madum kito tiimatei aisii, Saraago dzyiirousii kahing kito nyii mah kamatei tei mashang matwileje.

TIILAMLWI KAPYIIMEI THA JUKAMATI 26:20

Nlenii karei reisang kito Damaskas kito kaleimei dakii tei taito Jerosalem kito kaleimei dakii, Judiya sazyii hang kikii sateichii lui kakimei dakii ahnyiinii Saraada ngaryii gong tang karamle ninado lung kali kalumah malum kabui tha tei tiitang karamlesii Inii tam ralipyiile.

HEBRUMEI 12:13

sateichii pi katwi tei ashaangrou kiteito poitoi aisu- piinii tii mbiwo kabui tiisii gonyiinii gonyii pi jangpii pwidi tiimajyiilo.

METIU 21:32

Kadapokii Jon-nii kasang kamajyii mah pwidi kito gongle, sateichii gonyiinii mpougo malum makle, nlenii aha kahamei ninado saha kahameinii mpougo malum wotakle sateichii gonyiinii teitei ngoukalu tai katangdo gonyiinii lung kali wosii mpougo malum womakle.

HEBRUMEI 7:11

Sateichii kanat kajum atingpii Levi sadung mah paikito bikamatui tei doutakle leponii, (Kadapokii tei kangto Isrelmeinah-nii ajaitingshang tei doutakle) Aron taito adoidoi tiisii lungkahum teisupii, Melkizedek taito adoidoi tiisii lung kahum kanat kanhii kajum Atingmei kaki hangninii pat tang karam kadapei kabi leipo?

IPISAMEI 4:12

Kristamah pumtei tiimakhii kabui tiisii, Saraamah meihang teinii Kristenmei mah nga kanga tha tiitang karam jangpii tiikada matu tang karam jangpii, mpounii ai ai tiile.

JONNII KARYII KABI RASAM JUKAMATI 12:44

Jisunii rok sagoisii tamle, “N-gu kamalum ahteinii n-gu roinii malum makle, nlenii n-gu lang kama- gong mpou godo malumle.

JONNII KARYII KABI RASAM JUKAMATI 5:24

“Inii gonyii dakii kasangpii tam leile, gusam shiisii ninado n-gu lang kamagong ahgo malumsii kalei ahteinii kalui kaga karing tei doutakle; sateichii samtak katii kitei ahnii hailakle, nlenii ahnii katai kito karingki kaamajupat wotakle.

METIU 3:2

“Lungkali wolo, daponii sating gam sazyii tei natakle.”

1 TIMOTHI 3:16

Nyiimah dormomah kamakum kathok sam ai kada- ziikapii dipo katu ai meikaniido mazhii kasu tei tiiwo lakle: Mpounii meinah mah pumzai pungsii gong pyiile, kasangle katu tei rangiinii mangoule sateichii sating gamlui hangnii ngoule, mpou go luihang dakii tam ralipyii takle, sateichii sazyii pouryii bamlyii hang kito malum wotakle, sateichii pumtei kava kito sating gam pangkhiitu takle.

2 KORENMEI 7:10

Kadapokii Saraa dato lungswi kamage katu teipii lungkali katu mah riiti tei mati matusii keikapyii kasaga tiilung nitei pang gongpyiile sateichii kamanga tei pung gong makle, nlenii sazyii pouryiimah lungswi kamage katu teipii katai tei pat matule.

2 TIMOTHI 2:19

Teitii kido Saraamah bangmaa kasangting teinii nlaisupii satsii leile, aimah siiti ai pungsii; katunii “Bangpiinii mpoumah katu- mei hang go tile,” sateichii “Bangpii zeigo latsii kaleimei hangteinii kakui kama kiteito mpaa matulo.”

TIILAMLWI KAPYIIMEI THA JUKAMATI 20:21

mah kata bitang karam sam gonyii dakii tam ka-mpat kito sateichii mei machii doikii, aki-ki lungkado gonyii- go tam ralikapyii kito kada takumpii Inii nkhiimang makpo katu gonyiinii tile.

TIILAMLWI KAPYIIMEI THA JUKAMATI 11:18

Teito ahnyiinii sam hang ai shiiwo sek-kii, malhii supiinii Saraa- go tam matoisii tamle, “Teitiileponii lui kakimei dado ringkabui jangpiinii lung kali matu katu Saraanii mazhiipyii takle.”

TIILAMLWI KAPYIIMEI THA JUKAMATI 3:19

Teijang- piinii gonyii mah kem hangtei tiimagapyii matu tang karam jangpii gonyiinii lung kali wosii nlaigonglo; teitei leponii Bangpii dato kamajung mah tinglang tei gongtangle.

JONNII KARYII KABI RASAM JUKAMATI 14:1

“Gonyii lung lungnyii lunghao sulo; Saraago malumlo, n-gudo malumlo.

MARK 6:12

Sateichii ahnyiinii tatpatsii meinii kem kito lungkali kabui kabi rasam tei tam ralipyii takle.

MARK 1:1

Ai ai Saraa nah sapfii mpou Jisu Krista mah kabi rasam abangle.

METIU 4:17

“Lungkali wolo, Kadaponii sating gam sazyii tei natakle.” Sii tamsii Jisunii tei tinglang sekpii tam ralipyiihou tutakle.

1 JON 4:12

Meikaniido Saraago ngousang ngoumakle; hangninanii hangniniigo nyiinii kalungsyii leponii, Saraanii nyii dato taksupii leile; teito mpougo lungkasyii tei nyii dato sajek gasii matwi mashang takle.

1 PITAR 1:21

Katai kito tiimaring kapyii sateichii pumtei kava kapyii Saraa gotei, mpou paikito gonyiinii malumle; teijangpii gonyii mah kamalum ninado maning kama- lum tei Saraa dakii mik leeng bamle.

JEMS 1:4

Sateichii gonyiinii samah kado tang kalak tei tiisupii matwi mashangsii sateichii bimatwi tang karam jangpii, gon- yiimah lung leh kati teinii gonyiigo pwidi hangki tiikama gasii soisupii pangtat kabui tiilo.

HEBRUMEI 11:6

Sateichii ka- malum haisupiinanii mpougo dzyii- kabi tei tiipeiwo lakle; kadapokii Saraada manang kagongmei hang- teinii mpou ringleile ninado mpougo kafiimei hang dakii mpounii alangh pyii leile katu ai malum tang karamle.

KOLOSIMEI 4:12

Gonyiimei tiisii kalei, Krista Jisu kikalei Ipapronii gonyiigo salam pyii leile; Gonyiinii Saraamah kama- ning kamarei tiitang karam jangpii katam kaswi kito mishang kaleimei ninado tiigatpii malum kalu kris- tenmei tiisii, gonyiinii sangtingsii sat matutang karam jangpii Saraa dato khangsii mpounii gonyii jangpii tinglang kaleita riitasii bamle.

KOLOSIMEI 1:28

Teipii nyiinii meihang dakii Krista tam ralipyiile, Kristago hangninii tiisii nja kalu kito, mei hang go nyiinii tiimatui mashang kalu mei nsang nsang tiisii Saraa doi poigong tang karam jangpii, swirek kabi hangteipii ahnyiigo tiiloi sulosii nyiinii kakhatle sateichii ralipyiile.

IPISAMEI 2:5

nyiimah kakui kama kito nyiinii rangiilamto taika- lei tinglang kitodo, Kristago kaswisii mpounii nyiigo tiimaringpyiile. Gonyiigo keikapyii teinii Saraamah jumage kapyii kitole.

1 PITAR 5:10

Sateichii gonyiinii tinglang shangniikii dou- kalei tainii, Kristago njasii hangninii tiikalu kito mpoumah kalui kaga pumtei kavamah njai dou njoi matu tang karam jangpii gonyiigo latsii kalei, satoi hangmah Saraa, Ah sekpiinii gonyiigo tiimatui kapyii, tiisangting kapyii, teimaham kapyii, sateichii kasang bangmaa tei tiipyii tangle.

IPISAMEI 2:1

Gonyii mah kama ninado kem hang jangpii gonyiinii tai kalei kito mpounii gonyiigo tiimaringpyii takle.

1 KORENMEI 13:10

nlenii bi- kamasang tei gong sekchii bimasang kasu ai gatu tangle.

TIILAMLWI KAPYIIMEI THA JUKAMATI 17:30

Teijangpii tikasu tinglang gotei Saraanii ju majupyii takle, nlenii aitoinii bamlyii hang kito meihangnii lung kali matutang karam jangpii mpounii mwija pyii leile.

TIILAMLWI KAPYIIMEI THA JUKAMATI 2:38

Pitarnii ahnyii dakii tamle, “Gonyii mah kem kaleipyii matutang karam jangpii gonyiinii lung kali wolo sateichii Jisu Krista zei kito gonyii hangnii dwi mpum wolo ninado gonyiinii rangii kamatei mah luha tei doutangle.

METIU 7:25

Sating ryii takle sateichii dwidigong takle, tingkai gwigong takle sateichii ki gotei rot takle, nlenii kuitu kadi phyiiryiikii kitei tiikabam jangpiinii kousutakle.

METIU 5:48

Teijangpiinii gonyii mah sating gam-pfii teinii bikamatui takumpii gonyiido bimatui tang karamle.

1 TIMOTHI 6:19

ahnyiinii kasang karing tiilung tei doutang karam jangpii, gong tang karam tinglang jangpii kabi bangmaa takumpii ahnyii pumsek jangpii poi ndwi matulo.

LUKNII KARYII KABI RASAM JUKAMATI 6:48

Mpou teinii sazyii rai mathoksii kuitu kadi hangninii phyiiryiikii bangmaa sumsii ki tii kalumei hangninii takumle. Sateichii dwidi gongle, sateichii ki gotei dwi kadi teinii rot takle. Nlenii ki tei nlaipei lakle, dapochiinii ki tei tiigatpii tiibamle.

METIU 21:29

Teito mpounii ‘Inii maa lakle’ sii khekalatle, nlenii natei mpounii lung kaliwosii maatu takle.

1 KORENMEI 2:6

Teitii kido swirek kabi mah samtam tei katingmei kak kikii nyiinii tam mpat pyiile. Nlenii sazyii pouryiimei mah swirek kabi tei makle, mak-kii gatang karam sazyii pouryii apum katiimei mah swirek kabi tei makle.

KOLOSIMEI 3:14

Sateichii aihang phyiiryiikii sajek gasii mahlyiihang go jum njapyiisii kalei lungkasyii tei nat kaikalei takumpii kai wolo.