HEBRUMEI 5:9 - KARANU KABI SAMTAM

⁹ sateichii mpounii sajek gasii bimatui wokalu taiswisii, mpounii katam kaswimei hang jangpii kalui kaga keikapyii karing- mah kapat bam tei mpounii tiiwo takle,

HEBRUMEI 5:9 Referans Kwoze

HEBRUMEI 9:15

Teijangpii Saraanii lat kalumeihang teinii riishii tiikabam kalui kaga satoi hangtei doumatu tang karam jangpiinii sat tang karam karanu samtam kak kiteito kamajung tha tiisii kalei ai Kristale, sazyii pouryiimei hangnii sat tang karam karei samtam kangto tiikabam kama kito matapii laat mpat kapyii taikapyii hangninii kalei taiswisii ai ai tiiwo buile.

HEBRUMEI 2:10

Kadapokii mpoumah pumtei kavamah njai tei dou njoi matu tang karam jangpii nah sapfiimei hang- kiigo pang gong kabui tiisii, mahlyii hang go tii mpatpyiisii, makotpyiisii kalei Saraa teinii, Jisugo kamage kalak leh katu paikito sajek gasii bimatui matu majyiile. Kadapokii keikapyii karing kikii ahnyiigo chyiitat kapyii tei Jisule.

HEBRUMEI 12:2

Sateichii nyiimah kamalum mah abang ninado tiimatui kapyiipii Jisugo jusii, nyiidoi kalei pak maga tang karam tei lung leh kati tei kaswisii pakde. Ah doito kalei ka-nta jangpii ahnii kasangbam gotei samah kado maning supii Krosh tei leh wosii, Saraamah sagongbam bah ajiilam teito bam wotakle.

HEBRUMEI 9:12

Kristanii matei kaki bam kitei meihang jangpii binii tat kaliit tinglang kak, kakarat pot hangninii tiisii Saraa dakii pyiitoi tang karam jangpii mpounii amyiinah ninado twomnah mah zai tei poimakle, nlenii mpoumah zai sektei mpounii poi wotakle ninado kalui kaga kaleikapyii karing tei nyii jangpiinii doupyiile.

TIILAMLWI KAPYIIMEI THA JUKAMATI 5:32

Sateichii nyiinii aisam hang mah sakchyii teile, sateichii Saraanii mpou sam kaswimei hang dakii pyii kabam rangii kamatei teiniido sakchyiile.”

1 PITAR 1:22

Kristamah kakhatsam hang gotei gonyiinii katam swiwo takle, teipiinii gonyiimah kem hangtei magapyii takle, sateichii rangii lamto gonyiinii matei takle. Aipiinii gonyii kangsanameigo mateisii lungsyii matu tang karam tei gonyiigo doumatu wole. Teijangpii gonyii mei hang- ninanii hangniniigo lung matum madumpii lungsyii tang karamle.

HEBRUMEI 11:8

Kamalum jangpii Abrahamnii, mpougo lat katu tinglang kak, mahtou toutang karam mei hangninii takumpii, mpounii doutang karam sazyiiki katang tei tatpat tang karam jangpii katam tei swiwo takle; sateichii mpounii kadaki tat tangpo katu tisupiinii tatpat takle.

2 THESOLONIKAMEI 1:8

tei tinglang kak Saraago mazhii kasumei ninado nyii Bangpii Jisumah kabi rasamgo swikasu meigo Saraanii powrui tangle.

ROMMEI 2:8

Sateichii mei kangkanii mpou jangpii roinii fiisii kasang kamajyii gotei mazhii supii kama tai swi kanyiimei gotei Sa- raanii ahnyii phyiiryiikii mpoumah rakarhii ninado ngou kahing tei rui mpat tangle.

ROMMEI 1:5

Mpou paito nyiinii mpou zei jangpii lui hang kak kito kamalum mah katam switang karam kalungset tei doutakle sateichii tiilamlwi kapyiimei mah bam tei doutakle,

2 KORENMEI 10:5

Saraamah swirek katigo mazhii kasu detkadi doi kadang hang gotei nyiinii tiimashyiile, sateichii swi kamaning hangtei nyiinii ma- ringpouchyii chyiisii Kristanii katam swimatule.

ROMMEI 15:18

Kadaponii samtam ninado tha katii teipii tiikamangou siitihang sateichii kamadat kamadat mah teimaham teipii, Rangii kamatei mah teimaham teipii, luikakimeinii katam swimatu tang karam jangpii, Kristanii gupaito tiikapyii tei supii- nii Inii mah hangninii kado lungdisii tam lakle.

2 TIMOTHI 2:10

Teijangpii kalai kalumei teiniido kalui kaga pumtei kava tei njasii Krista Jisu dato kalei keikapyii karing tei doumatu tang karam jangpii ahnyii jangpii Inii mahlyiihang pungpyii takle.

ROMMEI 10:16

Nlenii ahnyii hangnii kabi rasam gotei shiipyii makle, kadaponii Isaiyanii tamle, “Bangpii nyii dato shiiwosii tanii malumwo takpo?”

ROMMEI 6:17

Nlenii Saraago halangle kadaponii tinglang hang- niniiki gonyiinii kem mah kabang- nah tiisii leikido gonyiigo ralikapyii kito doukalu kasang gotei gonyii lung matum madumpii gonyiinii swi wotakle.

HEBRUMEI 2:3

Teitii leponii tei kakum kadi keikapyii karing gotei nyiinii alung liit suleponii, kada takumpii nyiinii nlek wotangpo? Bangpii sekpiinii karei reisang kito keikapyii karing ai saa mpat takle, sateichii mpounii katam swikasumei hang teinii maning kariirhii gasii ai ai kasangle katupii nyii dakii ma- ngoutakle,

JONNII KARYII KABI RASAM JUKAMATI 19:30

Mpounii kahengdwi tei sak wosek-kii mpounii tamle, “Sangtakle” teito mpounii mpouphyii nkuimangsii taitakle.

METIU 17:5

Mpounii tam leibangpii julo, vakabi mongjyii hangninanii ahnyiigo gomnei wotakle, sateichii julo, mongjyii kiteito rok hangninanii tamle, “Ai ai Inii lungkasyii gunah sapfii mpou teile; Inii mpougo hangkapii lung mangle, gonyii mpounii katam tei shiilo!”

JUD DATO KAGONG CHITI JUKAMATI 1:21

Sateichii Bangpii Jisu Kristanii mpoumah lungset kati kito gonyiigo kalui kaga karing pyiimatu tang karam jangpii gonyiinii koisii koisii, gonyii roinapii gonyiigo Saraamah lungkasyii kito mbamlo.

1 JON 5:20

Teito Saraa nah sapfii mpounii gongpyiile sateichii kasang ah gotei tiimatu tang karam sateichii mpounah sapfii mpou Jisu Krista, kasang ah dato nyii leile katu timatu tang karam jangpii, nyii dakii swikati pyiitakle katu nyiinii tile. Kasang Saraa ninado kalui kaga karing tei aile.

HEBRUMEI 11:40

Kadapokii Saraanii nyii jangpii kisii kabi tei reipii ngoubamle. Mpounii kamaning tei nyiigo kaswi katu roinii kito ahnyiigo tiimatuipyii tangle katu teile.

2 THESOLONIKAMEI 2:16

Aitoinii nyii Bangpii Jisu Krista pum sekpii sateichii gonyiigo lung- syii kapyii, kalui gasii nyiigo tii-nta kapyii, sateichii jumage kapyii pai- kito bisii maning kamalum kapyii, nyii Pfii Saraa teinii gonyii lung tiisamoupyii matulo,

TIILAMLWI KAPYIIMEI THA JUKAMATI 3:15

Sateichii karing bangpiigo gi aitakle; mpougo Saraanii kataimei kak kito tiima- ringpyii takle, aikaang kito nyiihang- nii sakchyii tiileile.

LUKNII KARYII KABI RASAM JUKAMATI 13:32

Jisunii ahnyii dakii tamle, “Gonyiinii maasii saramii kounah dateikii tamlo, ‘julo, tingneido supou- neido Inii sara kashyii hang go baatoile, sateichii ra kanimei hang go tii mbipyiile; sateichii leimik hang- tum piinei Inii gutha tiimashang tangle.

TIILAMLWI KAPYIIMEI THA JUKAMATI 4:12

Sa- teichii mei kaki hangninii dakado keikapyii karing tei gale, kadapokii nyiigo keipyii tang karam, meihang dakii pyiikabam sating kang aito zei kaki hangninii kado gale.”

PILIPIMEI 2:12

Teipiinii, gu kangmei, tinglang kaleita gonyiinii katam swisii kalei takumpii, Inii gonyiigo kaswisii kalei kikak roinii supii aitoi Inii gonyiigo kaswisii leikasu ki kakdo nlailoisii kisii hingsii ninado nchyiidung dungsii tha tei tiisii leihumlo, gonyii mah kaleikapyii karing tei matwi mashangwo kabui tiisii,

HEBRUMEI 1:14

Sating gamlui hang ai kada- peipo, teitiileponii? Ahnyiinii Saraa nga ngasii kalei ninado keikapyii karing doutang karam meigo tiiha matu tang karam jangpii mpounii m-mang kabam rangii teile.

HEBRUMEI 9:28

meihang mah kem hangtei pungpyii tang karam jangpii, binii pyiitoi kalei Krista teinii kem jangpii supiinii, mpougo saryiisii koikalei meihang go keipyii tang karam jangpii, hangna kashang tiisii gong tangle.