HEBRUMEI 5:8 - KARANU KABI SAMTAM

⁸ Mpounii Saraa nah sapfii mpou tei tiiwo kido mpounii kamage kalak leh katu teipiinii katam kaswi tei rali wotakle,

HEBRUMEI 5:8 Referans Kwoze

PILIPIMEI 2:8

Mpounii lung manoile sateichii mpounii krosh gamto katai–katai pwidi mata tei mpounii katam kaswi mah pwidi tei tatle.

JONNII KARYII KABI RASAM JUKAMATI 4:34

Jisunii ahnyii dakii tamle, “N-gu lang kamagong mpoumah kamaning kamazhii katii ninado mpoumah tha tiikamashang ai gumah chiitakle.

JONNII KARYII KABI RASAM JUKAMATI 15:10

Inii Pfii mah kakhatsam hangtei swi wosii, mpoumah lungkasyii kiteito kalei takumpiinii, gonyiinii gumah kakhatsam hangtei swiwo leponii, gonyiinii gumah lungkasyii kito taksupii leitangle.

JONNII KARYII KABI RASAM JUKAMATI 6:38

Kada- pokii gumaning gu marai roinii tiitang karam jangpii sating gamto Inii hum makle, nlenii n-gu lang ka m-mang ah mah kamaning kamazhii tei tiitang karam jangpii humle;

HEBRUMEI 3:6

Nlenii Saraamah ki kalung teito nah sapfii mpou tei tiisii Kristanii malum kabui tei tiile. Nyiinii maning malumsii kalei kiteito nyiinii lung kadi ninado nyiimah lung kalum tei jumsii lei leponii, nyiinii mpoumah ki teile.

HEBRUMEI 1:8

Nlenii Nah sapfii mpoumah kaang kito mpounii tamle, “O, Saraa, gomah sating sazyii tei kalui tiisang tiimakle, sateichii kagu kapang gasii nangnii gomeigo apum tiisii lungle.

HEBRUMEI 1:5

“Kadapokii nang gunah sapfii mpoule, tingnei Inii go pfii tiiwo takle,” mak-kii nlailoisii “Inii mpoumah Pfii tei tangle, sateichii mpounii gunah sapfii mpou tei tangle,” sii Saraanii mpoumah sating gamlui hangninii dakiido tamsang tam makle.

METIU 3:15

Nlenii Jisunii mpougo kheka- latle, ‘Aitoi jangpii teitii maleilo, kadaponii aitiisii nyiinii kasang kamajyii tha hangtei tiimatwi gong kajyiile,’ teito Jon-nii mazhii takle.

HEBRUMEI 1:2

nlenii ai kalui tinglang leimik aikito nah sapfii mpou paikito nyii dakii mpounii sam rashiile. Mpougo mahlyii hangmah matou katou tei tiipyii takle, sateichii mpounii mpou paikito sazyii pouryiido tiipyiile;

JONNII KARYII KABI RASAM JUKAMATI 10:18

Mei kaniido gumah karing poitoi makle, nlenii Inii guroinapii mazhiisii matou pyiile; Inii teitei matou tang karam gumah teimaham leile, sateichii Inii teitei nlailoisii poiloi tang karam Gumah teimaham leile; kakhatsam ai Inii Pfii dato doutakle.”