HEBRUMEI 4:13 - KARANU KABI SAMTAM

¹³ Sateichii tii mpat kabam mah pot hangniniido mpou doito kakabei gale, nlenii mpou mikjot kito mahlyii hang gomnei supii laatlasii leile, sateichii nyiinii mpou dakii tam mpat tangle.

HEBRUMEI 4:13 Referans Kwoze

1 KORENMEI 4:5

Teijang- piinii Bangpii gong kasuta, tinglang kasunakii meigo kado samtak tiisulo; aitoi kamyii kikii kabai kabam mah hangtei mpounii kava kikii poi mpat tangle, sateichii lungswi mah tiitang karam kamaning hangtei mangou tangle. Sateichii tei tinglang kak meihangnii Saraa dato mpou mpoumah dou kamajyii tam kamatoi tei doutangle.

2 KORENMEI 5:10

Kadapokii mpougo samtak tiimatu tang karam jangpii, Kristamah samtak katiibam doitei nyiihangnii gongtang karamle; sateichii pum- potmah tiilung kito mpou mpounii tiikabam hang katunii, kabi kado kashyii kado, mpou mpounii douka- majyii taiswisii mei nsang nsangnii doutangle.

ROMMEI 2:16

Samtak katii piinei leimik gumah kabi rasam taiswisii Saraanii Jisu Krista paito ameinah mah kama- kum hang gotei samtak tiitangle.

MATIMANGOU KAPYII 2:23

Sateichii Inii mpoupeimah nahmei hang gotei gitangle, sateichii lungswi ninado lung hang go fii ka-mpat ahtei Ile katu Charsh hangnii tigong tangle, sateichii gonyiimei nsang nsang dakii gonyii mah tha taiswisii doukamajyii tei Inii pyiitangle.

JONNII KARYII KABI RASAM JUKAMATI 21:17

Jisunii mpougo hangtum kashang tiisii tamle, “Jon nah sapfii mpou Saimon, nang n-gu lungsyii makpo?” sii Jisunii mpougo hangtum kashang tiisii katam jangpiinii Pitar swi mage takle. Teito mpounii Jisu dakii tamle, “Bangpii nangnii matum madum tile, Inii n-go lungsyiile katu nangnii tile.” Jisunii mpou dakii tamle, “gumah Jaonah mei go koichyii pyiilo.

JONNII KARYII KABI RASAM JUKAMATI 2:24

Nlenii Jisu pumsekpiinii ahnyii dakii malum makle, dapokii ahnyii kalei kagago mpounii tile.

TIILAMLWI KAPYIIMEI THA JUKAMATI 17:31

Kada- pochiinii mpounii kalai kalu sapfii mpou hangninanii sazyii pouryiigo kasang kito samtak tiitang karam leimik hangninii retbam takle. Mpou gotei kataimei kak kito tiimaring kapyii aipiinii meihang dakii malum kabui tei mpounii pyiibam takle.”

METIU 6:4

teitiisii gonyiinii mah kagamei go tiikaha tinglang kak tei makumpii pyiilo; teidinchii makumpii ngoukalei go Pfiinii n-go lhang pyiitangle.

JONNII KARYII KABI RASAM JUKAMATI 4:16

Jisunii mpoupei dakii tamle, “tat tulo, gonaa go lat tosii aiki gonglo.”