HEBRUMEI 3:5 - KARANU KABI SAMTAM

⁵ Ki kaleimei hangninii tiisii Mosesnii Saraa kilungto malum kabui tha tei tiile, sateichii gong tang karam tinglang kanaki Saraanii tam tang karam mah hang mah kaang kito mpounii tamle.

HEBRUMEI 3:5 Referans Kwoze

HEBRUMEI 3:2

Saraa kilungto Mosesnii malum kabui tha tiikatu takumpii ai tha tiimatu tang karam jangpii mpougo kalai kapyii, Saraa sam tei swisii leile.

TIILAMLWI KAPYIIMEI THA JUKAMATI 28:23

Sateichii ahnyiinii mpou dakii tingneikii leimik karet kalu kito, ahnyiimei moi mpounii kazyiibam kitei gong takle. Mpounii ahnyii dakii Moses mah ajaitingshang kiteito sateichii Lungkakalingmei mah larek kiteito Saraa mah sating sazyii mah kaang kiteito sakchyii tiisii, sateichii Jisu mah kaang kiteito ahnyiigo malum tang karam jangpii hemsii tingchoito tingkhii katang tam ralipyiile.

HEBRUMEI 8:5

Ahnyiinii kanat kajum atingmei takumpii, katii atha teinii sating gamto kalei mah nda ninado akhii teile. Kada- pokii Mosesnii dwipeiki tiimakhii- tuna tei Saraanii mpougo ralipyiisii tamle, “Zang gamto n-go mangou katu ajai agok taiswisii nangnii mahlyii hangtei tiilo.”

1 TIMOTHI 1:12

N-gu tiisangting kapyii nyii Bangpii Krista Jisugo Inii halangle, dapokii nga ngamatu tang karam jangpii mpounii n-gu kalaipyiisii malum kabuimei hangninii tiipyii takle.

HEBRUMEI 9:24

Kadapokii kasang mah njoi kapoi, bahpiinii katii kamatei bam kitei Kristanii tatliit makle; nlenii sating gam sektei nyiitung tiisii Saraanii haikalei nitei gongtang karam jang- pii tatliit takle.

ROMMEI 3:21

Nlenii aitoi ajaitingshang haisupii Saraa dato tiimajyii kapyii tei mangoupyii takle, teitei ajaiting- shang teipii ninado Lungkaka- lingmei hangnii sakchyii pyiile,

JONNII KARYII KABI RASAM JUKAMATI 5:39

Gonyiinii kabi rasam hangtei fiile, dapochiinii teihang lung kiteito gonyiinii kalui kaga karing doulesii maningle sateichii gumah kaang kito sakchyii pyiikalei tei teihang teile.

LUKNII KARYII KABI RASAM JUKAMATI 24:44

Sateichii mpounii ahnyii dakii tamle, “Inii gonyiigo kaswisii lung kalei kak, Inii gonyiigo kaswisii karashii kalu samkang hangtei aile, katunii, gu kaang kito Moses mah ajaitingshang kito, Lungkakalingmei sateichii tam kamatoi lhiibung kikii ryii kabam matum madum hangtei madou gong matu tangle.”

LUKNII KARYII KABI RASAM JUKAMATI 24:27

Sateikii Moses dato sateichii Lungkakalingmei hang dato haosii mpou kaang kito kabi rasam hang kito kalei tei mpounii ahnyii dakii laat mpatpyii takle.

1 KORENMEI 4:2

Tei phyiiryiito kisii kakashangmei tiitang karam jangpii ahnyii ai malum kabuimei tiitang karamle.

TIILAMLWI KAPYIIMEI THA JUKAMATI 7:37

Saraanii gonyii kangsanamei hang kak kito gonyii jangpii go kakum Lungkakalingmei hangninii mpat- pyii tanglesii Isrelmeinah dakii tam kabam Moses tei aile.

LUKNII KARYII KABI RASAM JUKAMATI 12:42

Teito Bangpiinii tamle, “Teitii lepochiinii tapii tei malum kabui ninado kasakai ki kaleipiipo? Teiteinii ki apumpiinii kalung mah sanglosii mei hangniniigo kaibam taklepokii mpounii kikaleimei kaki- mei hang go tinglang tiisii kachii kasak jaipyiisii kabampii teile.

METIU 25:21

Mpou pumpii teinii tamle, ‘hangkapii bitakle, kabi ninado malum kabui kikaleipii, nangnii mah kacheng phyiiryiito malum kabui tha tiika- bam taiswisii, Inii n-go mah hangka phyiiryiito tung tiisii kaju kashang bam tei kaipyii tangle, go pumpii mah ka-nta kitei liit tolo.’

METIU 24:45

“Teitiileponii malum kabui ninado kasakai kikaleimei ai tapo? Mpou ai tinglang tinglangki ahnyiigo kachii kasak pyii matutang karam jangpii mpoumah apumpiinii ki kalung mah julosii tung kaikabampii teile.

HEBRUMEI 1:1

Ndou kareiki Saraanii lungka- kalingmei paikito nyiipei nyii- paomeigo jairali kataam kataam kito nlai nlailoisii sam rashiile,

HEBRUMEI 3:4

Kadapokii ki hang tei mei kata kangkanii tiimakhiile, nlenii mahlyii hang go tiikapyii teinii Saraale.

MATIMANGOU KAPYII 15:3

Sateichii ahnyiinii Saraaki kaleipii, Moses mah ninado jaonah mah lhii tei aitiisii tiile: “Bangpii Saraa kadi, gomah tha hangtei daziikapiinii madatpo! Luihang mah sagong, gomah pwidi hangtei kadaziikapiinii majyiipo sateichii kasangpo!