HEBRUMEI 3:1 - KARANU KABI SAMTAM

¹ Teijangpii Saraanii lat kalu, kamatei gukangsanamei, nyiinii tam mpatsii kalei kamalum mah kanat kajum tingdipii tiimatu tang karam jangpii Saraanii lang m-mang kapyii Jisu gotei maninglo.

HEBRUMEI 3:1 Referans Kwoze

2 TIMOTHI 1:9

Mpounii nyiigo keipyii takle sateichii kamatei kalat teipii nyiigo lat pyii takle, nyii tha taiswisii makle, nlenii mpoumah kamaning sateichii jumage kapyii taiswisii lat pyiile. Jumage kapyii ai ndou kareiki Krista Jisu paito mpounii nyiigo pyiitakle.

PILIPIMEI 3:14

Krista Jisu paikito Saraanii sagoi gamto lung tang karam mah lhang tei doutang karam jangpii mikleeng kabam lam teikii Inii majyiitoksii pak leile.

HEBRUMEI 7:26

Kadapokii ai kakum kamatei, tam kamashyiini kaga kahongrum kasu, kem katiimei hang dato poitaam kabam sateichii sating gam sung kisii poi kasagoi, kanat kajum Tingditupii hangninii nyiinii dou- tang karam sekle.

IPISAMEI 4:1

Teijangpii gonyiigo lat kalu kiteito tiigatpii matwisii lung pyiilosii, Bangpii jangpii kabangki kaleimei hangninii tiisii kalei Inii gonyii dato khangleile.

1 PITAR 2:9

Nlenii gonyiigo kamyii kito mpounii sung kaga kava kikii lat mpat kapyii mpoumah kamadat tha hangtei saa mpat matutang karam jangpii, kalai kalumei lui, sagong- mah atingmei, kamatei lui Saraamah mei tei gonyiile.

HEBRUMEI 2:17

Teijangpii mpounii meimah kem tiimagapyii tang karam jangpii Saraa tha katii kito lungsyii kati ninado malum kabui kanat kajum tingdipii tiitang karam jangpii, mpounii mpou kangsanameigo mahlyii hang kito njoi tang karam takle.

HEBRUMEI 10:21

Saraamah ki phyiiryiito koipyii tang karam kanat kajum atingmei kadi hangninii nyiinii doutakle.

IPISAMEI 4:4

Saraanii gonyiigo lat kalu kitei maning kamalum hang- ninii kiteikii lat kalu takumpii teiki tei pumpot hangninii sateichii rangii hangninii,

1 THESOLONIKAMEI 2:12

nyiinii gonyiigo tam katwisii, lung tiimakhiisii sateichii sakchyii pyiisii, Pfiinii mpou nahmeigo tiikalei takumpii nyiinii gonyii hang go tiipyii takle.

1 KORENMEI 9:23

Sateichii Inii kabi rasam mah njai tei dou njoi wokabui jangpii, tei kaang jangpii Inii ai ai tiile.

2 TIMOTHI 2:7

Inii kadapei tamleipo swi mashaklo, daponii mahlyiihang kito kati tei Abangpiinii n-go pyii tangle.

1 TIMOTHI 6:12

Kamalum mah kabi saryii katii tei tiilo, sakchyiimei hangkii doito nangnii tam ka-mpat kak, n-go latkalu kalui kaga mah karing tei jumlo.

ROMMEI 15:8

Kadaponii Inii tam leile, peipaomei dakii riishii tiipyii kabam hangtei gongmatwi matu tang karam jangpii sateichii luikakimei hangnii mpoumah lungkasyii jangpii Saraa go tam matoi matutang karam jangpii,

HEBRUMEI 2:11

Kadapokii tiimatei kapyii ahdo, tiimateipyii kalei ahnyiihangdo Pfii hangninii datole. Teijangpii Jisunii ahnyiigo mpou kangsanameile sii lat katu nroumakle,

JONNII KARYII KABI RASAM JUKAMATI 20:21

Jisunii ahnyii dakii nlailoisii tamle, “Kamajung tei gonyiigo kaswi matulo. Gu Pfiinii n-gu lang ka-mpat takumpii, Iniido gonyiigo lang mpat leile.”

JUD DATO KAGONG CHITI JUKAMATI 1:1

Jisu Krista kikalei ninado Jems sanapii Judnii, Pfii Saraamah lungkasyii ninado Jisu Kristamah koikapyii jukapyii kito lungsii kalei, Saraanii lat kalumei dakii:

HEBRUMEI 3:14

Kadapokii nyiinii nyiimah lung kalum tei karei sekto kalui katang tei sangtingsii jum woleponii, nyii hang ai Kristago kaswisii njai dou njoi katumei takle:

1 TIMOTHI 6:2

sateichii kamalum apum katiimei ki kalei ahnyiinii kangsa- namei katu jangpii ahnyiigo kamanyii kamala tei tiimatu sulo, nlenii kabi tha mah njai dou njoisii kaleimei hang teinii kamalum ninado lung- kasyiimei katu jangpiinii, ahnyiigo ahnyiinii kisiipou nga ngamatulo, sam hang ai ralido ralipyiilo, tiilo sii tamdo tam katwi pyiilo.

2 THESOLONIKAMEI 2:14

Nyiimah kabi rasam paikito mpounii gonyiigo, nyii Bangpii Jisu Kristamah pumtei kava doumatu tang karam jangpii latpyiile.

2 THESOLONIKAMEI 1:11

Saraanii gonyiigo lat kalu mah tiilung tai taiswisii gonyiinii lung matuiwo kabui jangpii, sateichii Saraanii mpou mah teimaham teipii gonyiinii kabi tha tiitang karam jangpii gonyiinii kamaning kamarei hangtei mpoumah teimahampii tiima- sang pyiisii gonyiimah kamalum mah tha tei tiimasang matu tang karam jangpii nyiinii tinglang kaleita gonyii jangpii riita leile.

1 THESOLONIKAMEI 5:27

Chiti ai kangsanamei hang dakii fiimatu tang karam jangpii Inii Bangpii zei kito khangleile.

KOLOSIMEI 3:12

Teijangpiinii Saraamah kalei kalu kamatei ninado lungkasyiimei hang takumpiinii, lungset kati, lung- kasyii, lung kasana, lung kamanoi lung leh kati, tei gonyiinii nat kaikalei takumpii kai wolo.

KOLOSIMEI 1:22

Nlenii aitoinii, gonyiigo mateisii sateichii sajek gasii, mpou doi poigong tang karam jangpii mpounah sapfii mpounii pum zai kito taikapyii teipii Saraanii gonyiigo mpoumah kangmei tiipyii takle.

KOLOSIMEI 1:12

kama- teimei hangnii kava kito doukamajyii mahtou kiteito njai dou njoi matu- tang karam jangpii nyiigo tiimajyii kapyii tiikapyii pfii dakii hakalang tamlo.

2 KORENMEI 1:7

Gonyii jangpii nyiinii maning kamalum tei nlaisang nlai makle; kadapokii nyiimah kamage kalak hangtei go- nyiinii njai poihai katu takumpiinii, nyiimah kazangjyii kitodo gonyiinii njai tei poihai tangle.

1 KORENMEI 1:2

katunii kamateimei tiisii lat kalu, Krista Jisu dato tiimatei kalei ahnyii dakii sateichii nyii Bangpii, ahnyii mahdo nyii mahdo tiisii kalei Jisu Krista zeigo bamlyii hang kito matasii kaleimei hang dakii mati leile:

ROMMEI 15:27

Nle, ahnyii- mah dzyii karanga tei leitakle, sateichii kasangpii ahnyii teinii ahnyii dakii pyii kamajyii pow tei pungleile, kadaponii Jehudimeinii ahnyiimah rangii mah satoi tei luikakimei dakii njai leponii luikakimei teinado mah pot mah satoi tei poi mpatsii Jehudimeigo tiiha kajyiile.

ROMMEI 11:17

Nlenii tingkaa kangkanii tuiga leponii sateichii nangnii Saraa- mah sungchyiibang tiisii ahnyii kak-kii n-go masetkai pyiisii sung- chyiibang mah njai tei ahnyii go kaswisii nangnii dou njoisii leileponii.

ROMMEI 9:24

Ka- daponii mpounii lat kalu mei tei nyiile, Jehudimei hang kak kito roinii makle nlenii lui kaki kakimei hang kak kitodole.

JONNII KARYII KABI RASAM JUKAMATI 20:27

Teito mpounii Thomas dakii tamle, “Gobah jungna tei aikikii kailo, sateichii gubah hangna ai julo ninado gobah hampatsii gumah kalaat kikii kailo, go mah malum kasu tei tou ailo ninado malum wolo.”

MATIMANGOU KAPYII 18:20

Hesating gam, kamateimei, tiilamlwi kapyiimei ninado lungka- kalingmei hang mpoupeigo tiimaga kalei jangpii ntalo! Kadapokii Sa- raanii mpoupei phyiiryiikii gonyiimah samtak tei tiipyii takle!

MATIMANGOU KAPYII 17:14

Aihang ainii jaonah phyiiryii teikii saryii tiitangle, sateichii jaonah teinii ahnyiigo ngam tangle! Kadapokii ahnii Bangpii hangmah Bangpiile, sateichii sagong hangmah Sagongle; sateichii ahgo kaswi kalei teinii lat kalumei, kalai kalumei ninado malum kabuimei hangteile.”

1 JON 1:3

Nyiinii ngoukalu ninado shii kalu tei gonyiiniido nyiigo kaswisii njai dou njoi matutang karam jangpii, nyiinii gonyii dakiido saa mpat leile; sateichii nyiinii njai dou njoi tang karam ainii Pfii sateichii mpounah sapfii mpou Jisu Kristago kaswisii nja katu kitole.

1 PITAR 5:10

Sateichii gonyiinii tinglang shangniikii dou- kalei tainii, Kristago njasii hangninii tiikalu kito mpoumah kalui kaga pumtei kavamah njai dou njoi matu tang karam jangpii gonyiigo latsii kalei, satoi hangmah Saraa, Ah sekpiinii gonyiigo tiimatui kapyii, tiisangting kapyii, teimaham kapyii, sateichii kasang bangmaa tei tiipyii tangle.

1 PITAR 5:1

Teijangpii ting njoisii kaleimei hangninii tiisii, Kristanii kamage kalak kapungmah sakchyii ninado mati mangou tang karam pumtei kavamah njai dou njoitang karam Inii gonyii kak kito kalei kating- meigo khang leile,

1 PITAR 3:5

Kadapokii tinglang kareiki Saraago kamalum sapwimei teinii ahnyii naamei kang nkangsii kalung teipii ahnyii roinapii ahnyiigo ngoukabi tei tiileile;

HEBRUMEI 9:11

Nlenii Kristanii aikito kabam mah kabi hang mah kanat kajum tingdipii hangninii tiisii gongpyii takle. Mpounii nga ngakalei dwipei ki ai dibwile sateichii kisii sajek gale, ai ainii meinahnii katii dwipeiki makle, katunii ainii sazyii pouryii baichem aimah makle.

HEBRUMEI 6:20

Nyiihang tung tiisii Jisunii nyiidoi reisii teiki tei tat tutakle, sateichii Melkizedek taito adoidoi tiisii lung kadoihum kalei taiswisii kalui kaga kanat kajum Tingditupii hangninii tiiwo takle.

IPISAMEI 3:6

Kamakum teinii kabi rasam paikito luikakimei hangteinii Sara- amah satoi doutang karam kito Jehudimeigo kaswisii njai bamle, ahnyii ai pumpot hangniniimah nsang nsangle ninado Saraanii pyiitanglesii mpounah Krista Jisu paikito riishii tiikabam mah njai poi njoi katumeile.

1 KORENMEI 10:17

Kadapokii nyii moikado, tiirok hangninii, pum hangniniile, kadapokii nyii hangnii tiirok hangniniimah njai tei dou njoile.

JONNII KARYII KABI RASAM JUKAMATI 17:3

Sateichii hangni- niisang hangninii roinii kalei kasang Saraa Ahgo ninado Ahnii lang kamagong Jisu Kristago nyiinii tikatu ai; kalui kaga karing teile.

TIILAMLWI KAPYIIMEI THA JUKAMATI 1:15

Sateichii leimik teihang kak kiteito, Pitarnii kangsanamei sumto tusat tosii tamle, (ndwi kalu meihang tei mei haisii makaikii kakumle.)

2 KORENMEI 9:13

Sateichii gonyiimah ngamnii pung kagong maning kariirhii kaga aijangpii, gonyiinii tam kalei Kris- tamah kabi rasamgo gonyiinii katam kaswi jangpii, sateichii gonyiinii ahnyiigo ninado kakimei hang go kamathii katu kaga pyiikati njai jangpii, mei hangkanii Saraago tam matoi tangle.

HEBRUMEI 3:12

Kangsanamei, gonyii kak kito mei kado kashyii lung kapung, sateichii malum kasu tei patsii mpounii karing Saraa dato dhiisii tat tu kasu tiisii sakai wolo.

HEBRUMEI 7:28

Moses mah ajaitingshang teinii meinahgo ahnyiimah kasui kiteito kanat kajum Tingditupii tiisii kalaile, nlenii ajaitingshang tainii kagong riishii mah samkang teinii kalui gasii bikamatui nah sapfii mpou gotei kalaile.

HEBRUMEI 9:15

Teijangpii Saraanii lat kalumeihang teinii riishii tiikabam kalui kaga satoi hangtei doumatu tang karam jangpiinii sat tang karam karanu samtam kak kiteito kamajung tha tiisii kalei ai Kristale, sazyii pouryiimei hangnii sat tang karam karei samtam kangto tiikabam kama kito matapii laat mpat kapyii taikapyii hangninii kalei taiswisii ai ai tiiwo buile.

HEBRUMEI 10:19

Teipiinii gukangsanamei, Jisunii taikapyii teipii kamatei bamni liit tang karam mah laat kabam tei nyiinii doutakle.

HEBRUMEI 10:23

Nyiinii tam kalei nyiimah maning kamalum tei sang- tingsii jumjoude; dapodinchii Saraanii mpoumah riishii tei majang lakle katu tei nyiinii mpougo malum wobuile.

HEBRUMEI 13:22

Kangsanamei, Inii gonyiigo khang leile, lung tiikamadimah sam tei leh pyiilo, kadapokii Inii gonyii dakii dwisii ryiipyii bamle.