HEBRUMEI 2:9 - KARANU KABI SAMTAM

⁹ Saraanii jumage kapyii paikito meihang jangpii mpounii taitang karam jangpii, tinglang shangniikii jangpiinii sating gamlui sung chengniikii tiisana kalei, Jisugo nyiinii ngoule. Mpounii kataimeimah mage leh kalu jangpii mpounii pumtei kava ninado sadzyii ngariit katiimah phyiihung choisii kalei tei nyiinii ngoule.

HEBRUMEI 2:9 Referans Kwoze

MATIMANGOU KAPYII 5:9

Sateichii ahnyiinii lhii kasatai tiile: “Kajui kabam larek nangnii kapoi ninado teimah seal tiipaksii laat majyiile. Kadapokii n-go gitat aitakle sateichii sadung, lat, meilui meirek hang kito gomah zai teipii meinahgo Saraa jangpii lyii mpatpyiile.

1 JON 2:2

Sateichii mpou ai nyii kem jangpii pow ruipyii tang karam teile, nyii kem jangpii roinii makle, nlenii sazyii pouryii kem hang jangpiidole.

ROMMEI 5:18

Teipiinii mei hangninii mah kem jangpiinii mei hang go kama kikii pang kagong takumpii, mei hangninii mah kasang kamajyii tha teipiiniido meihang go ring tang ka- ram jangpii tiimajyii kapyii kiteikii chyiitat pyii takle.

TIILAMLWI KAPYIIMEI THA JUKAMATI 2:33

Teijangpiinii Saraa mah bah ajiilam pang teikii poisagoi kapyii taiswisii sateichii rangii kamateigo pyiitang lesii riishii tiikabam tei Pfii dato doukalu taiswisii, gonyiinii aitoi ngou kalei ninado shiikalei ai mpounii rui mpat pyiile.

JONNII KARYII KABI RASAM JUKAMATI 3:16

Kadapokii Saraanii sazyii pou- ryiigo hangkasii lungkasyii jangpii, mpounah sapfii mpou hangniniisang hangninii roinii kalei go tei pyiitakle, teipiinii nah sapfii mpou gotei malum kalumei hang teinii gasupii, kalui kaga karing tei doutang karamle.

2 KORENMEI 5:15

Sateichii ringkalei mei- hangnii ahnyii jangpiinii ringloi supiinii, ahnyii jangpii taisii ringkhii kapyii ah jangpiinii ringtang karam jangpii, mpounii meihang jangpii taipyii takle.

HEBRUMEI 10:5

Teijangpii mpounii sazyii pouryii kagong kak tamle, “Kakarat ninado pyiikatoi hangtei nangnii marei sutakle, nlenii nangnii gujangpii pumrong hangninii tiikadapyii bamtakle,

ROMMEI 5:8

Nlenii nyiinii kem tiisii tiisii leibangpii Kristanii nyii jangpii taikapyii teipii Saraanii nyiijangpii mpoumah lungkasyii tei mangou pyiitakle.

JONNII KARYII KABI RASAM JUKAMATI 1:29

Adoipiinei tei Jisunii mpoulam pang gongkalei tei ngouwosii mpounii tamle, “Julo, Saraa mah Jaonah, sazyii pouryiimei mah kem kama hang poitoi kapyii tei!

JONNII KARYII KABI RASAM JUKAMATI 12:32

Sateichii sazyii pouryiito poimakhii sekchii, meihang gotei gudakii Inii chyii gong tangle.”

HEBRUMEI 7:25

Teijangpii mpoumah paikito Saraada manang kagong mei hang go tinglang kaleita mpounii kei- kapyiido ngamle, kadapokii mpounii ahnyii jangpii riita khangpyii tang karam jangpii taksupii ringsii leile.

1 PITAR 1:21

Katai kito tiimaring kapyii sateichii pumtei kava kapyii Saraa gotei, mpou paikito gonyiinii malumle; teijangpii gonyii mah kamalum ninado maning kama- lum tei Saraa dakii mik leeng bamle.

HEBRUMEI 8:3

Kadapokii kanat kajum tingdi- mei hang gotei kapyii ninado kouring karat matu tang karam jangpii bam kaipyii bamle; teijangpii kanat kajum tingdipii ainiido mah pyiitoi tang karam tei bam tang karamle.

1 TIMOTHI 2:6

mpou teinii mpou pum sekgo meihang jangpii lai ka-mpatmei tiisii pyiikalei mei Krista Jisu teile. Sak- chyii ai kamajyii tinglang sek kikii pyiile;

2 KORENMEI 5:21

Krista teinii kem tiisang tiimakle, nlenii nyiinii mpougo kaswisii hangninii tiisii nja kalu kito, Saraamah kasang kamajyii tei nyiinii jaihai matu tang karam jangpii Saraanii mpougo nyii jangpii nyiimah kemtei dou njoi matu takle.

ROMMEI 8:32

Mpou nah sapfii mpougodo masak supiinii nyii jangpii pyiitoi kalei mpou teinii meinah sapfii mpou gotei kaswisii mahlyii hangdo nyii dakii kada takumpiinii pyiilak tangpo?

GALATIMEI 4:4

Nlenii kadou tinglang tei kagong kak, Saraanii mpounah sapfii mpougo lang m-mangpyiile. Mpounii meinah sapfii mpou hangninii tiisii gongle, sateichii Jehudimei mah ajaiting- shang kangto lungle,

TIILAMLWI KAPYIIMEI THA JUKAMATI 3:13

Abraham, Isak ninado Jakob mah Saraa katunii, nyiipei nyiipao- mah Saraa teinii mpouki kaleipii isugo pumtei kava tei pyiitakle, nlenii gonyiinii mpougo teimaham kajum mei bah kikii pyiitoi aitakle, ninado Pailatnii mpougo mpatpyii tanglesii maning kalu katang tei gonyiinii Pailat doisek todo mpougo mazhii makle.

ROMMEI 8:3

Kadapokii apum azainii kasui taiswisii ajaitingshangnii tiipei kalak tei Saraanii tiipyii takle: Saraanii mpounah sapfii mpou gotei kem katii pum zai mah jaitalui kito sateichii kem jangpii m-mang pyiisanii pum kito kalei kem gotei tam mashyii aitakle,

JONNII KARYII KABI RASAM JUKAMATI 10:17

“Kaang aijangpii Pfiinii n-gu lungsyiile, dapodinchii Inii gumah karing ai nlailoisii dou kabui tiisii Inii gumah karing ai matou pyiile.

JONNII KARYII KABI RASAM JUKAMATI 8:52

Jehudimeinii mpou dakii tamle, “Nang sara kashyii kaswi leile katu aitoinii nyiinii titakle! Abraham taitakle ninado lungkakalingmei hangdo taitakle, nlenii nangnii tamle, mei kata hangninanii gusam swisii leileponii ahnii katai tei ngou- sang ngoulakle.

METIU 16:28

Inii gonyii dakii kasangpii tam leile, aikito sat kalei ahnyii kangkanii, meinah sapfii mpou teinii sagong tiisii kagong tei ngou kasuta tailakle.”

MATIMANGOU KAPYII 19:12

Ahmah mik teinii mi mishong takumle, sateichii ahphyii gamkii sagong phyiihung hangtei leile. Sateichii ahnii supii mei kakimei hangninii kaniido tikasu ryiikabam zei hangninii leile.

HEBRUMEI 2:7

Nangnii mpougo sating gamlui hang doito tinglang shangniikii jangpii chengniikii tiisanapyii takle; nangnii mpougo pumtei kava ninado sadzyii ngariit katii teipii phyiihung choipyii takle,

LUKNII KARYII KABI RASAM JUKAMATI 9:27

Sateichii Inii gonyii dakii ka- sangpii tam leile, aikito satsii kalei- mei kangkanii Saraa mah sating sazyii ngou kasuta katai tei kadou lakle.”

MARK 9:1

Sateichii mpounii ahnyii dakii tamle, “Inii gonyii dakii kasang- pii tam leile, aikito satsii kalei ahnyii mei kangkanii Saraa mah sating sazyii tei teimaham haisii kagong ngou kasuta taiga lakle.”

METIU 6:28

“Sateichii peimani jangpii datiisii lungnaang leipo? Lu kito kalei saram hiipa hangteinii kada takumpii lungleipo tiigatpii swi mashaklo; ahnyiinii thado tha makle; lhangdo tiilei makle,

JONNII KARYII KABI RASAM JUKAMATI 8:51

Kasang kasangpii Inii gonyii dakii tam leile, mei kata hangninanii gusam swisii leileponii, katai tei ahnii ngousang ngoulakle.”

HEBRUMEI 1:9

Kasang kamajyii tei nangnii mareile, sateichii kama gotei ngouroule, teijangpii Saraanii, go Saraanii, go bemei doito n-go kisii ka-ntamah thao manukpyii takle.”

HEBRUMEI 11:5

Inoknii katai tei ngou matulak tang karam jangpii, kamalum teipiinii mpougo poimakhiitu takle; sateichii Saraanii mpougo poikalu jangpiinii mpougo dousu takle. Kabi rasam kito tamle, katunii, Inok go poimakhii kasuki, mpounii Saraa dzyii kabi tei tiitakle.

HEBRUMEI 12:2

Sateichii nyiimah kamalum mah abang ninado tiimatui kapyiipii Jisugo jusii, nyiidoi kalei pak maga tang karam tei lung leh kati tei kaswisii pakde. Ah doito kalei ka-nta jangpii ahnii kasangbam gotei samah kado maning supii Krosh tei leh wosii, Saraamah sagongbam bah ajiilam teito bam wotakle.